மக்களிடம் கதை சொல்கிறார், சு.வெங்கடேசன்: அ.தி.மு.க. கொதிப்பு
''ஊடகங்களின் கவனத்தை ஈர்க்கவும், விளம்பரத்தை தேடி கொள்ளும் வேலைகளிலும் சு.வெங்கடேசன் ஈடுபட்டு வருகிறார்" என, மதுரை அ.தி.மு.க., வேட்பாளர் சரவணன் தெரிவித்துள்ளார்.
இது குறித்து நிருபர்களிடம் அவர் கூறியதாவது:
சு.வெங்கடேசனின் செயலற்ற தன்மை மக்களுக்கு போய்ச் சேர வேண்டும். அவருடைய எம்.பி., நிதியை முறையாகப் பயன்படுத்தவில்லை. அரசு செய்யும் வேலைகளுக்கு அவர் பெயர் எடுத்துக் கொள்ள பார்க்கிறார்.
2019 முதல் 2023 வரை 17 கோடி அளவுக்கு ஒதுக்கப்பட்ட எம்.பி.., நிதியில் 5 கோடி மட்டுமே பயன்படுத்தப்பட்டுள்ளது. ஆனால், அதில் 4.3 கோடி ரூபாயை மட்டுமே பயன்படுத்தி இருக்கிறார்.
2019 முதல் 260 திட்ட அறிக்கைகள் சமர்பிக்கப்பட்டு 228 திட்ட அறிக்கைகளுக்கு அனுமதி கிடைத்துள்ளது. அதில், கடந்த 5 வருடத்தில் 73 பணிகள் மட்டுமே முடிந்துள்ளன.
155 வேலைகள் இன்னும் முடியவில்லை. ஆனால், மக்களுக்காகப் பேசுவதாக கதை சொல்லி வருகிறார். ஊடகங்களின் கவனத்தை ஈர்க்கவும், விளம்பரத்தை தேடி கொள்ளும் நோக்கிலும் சு.வெங்கடேசன் ஈடுபட்டு வருகிறார்.
இவ்வாறு அவர் கூறினார்.
வாசகர் கருத்து