46 கோடி கடன் கேட்கும் வேட்பாளர்

மேற்கு பாலப்பட்டியை சேர்ந்தவர் ரமேஷ். அகிம்சா சோஷலிஸ்ட் கட்சியின் நிறுவனர். இவர், நாமக்கல் தொகுதியில் போட்டி யிடுகிறார். உள்ளூர் ஸ்டேட் பாங்க் மேலாளரை பார்த்து, மனு கொடுத்தார். அதில், அவர் சொல்கிறார்... நாமக்கல் தொகுதியில் போட்டியிடுகிறேன். 100 சதவீதம் ஓட்டுப்பதிவை இலக்காக கொண்டு, 2.30 லட்சம் வாக்காளர்களுக்கு, தலா, 2,000 ரூபாய் ஊக்கத்தொகை வழங்க விரும்புகிறேன்.

என்னிடம் அவ்வளவு பணம் இல்லை. எனவே, 46 கோடி ரூபாய் கடன் தர வேண்டும். கொரோனாவால் ஓராண்டாக மக்களுக்கு வருமானம் இல்லை. ஆனாலும், அவர்கள் ஜனநாயக கடமை ஆற்ற வேண்டும். ஆகவே, அவர்கள் வங்கியில் வாங்கிய கடன் முழுவதையும் தள்ளுபடி செய்து, புது கடன் வழங்க வேண்டும். இவ்வாறு வேண்டுகோள் விடுத்திருக்கிறார் வேட்பாளர்.மேலாளர் அந்த மனுவை மேலதிகாரிக்கு அனுப்புவாரா, நேராக நிதி அமைச்சருக்கு அனுப்புவாரா என்று தெரியவில்லை.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g to toggle between English and Tamil)