நாங்கள் நலமாக இல்லை: ஸ்டாலினுக்கு, பழனிசாமி பதில்

'நீங்கள் நலமா' திட்டத்தில் நாங்கள் நலமாக இல்லை என அ.தி.மு.க., பொதுச்செயலர் பழனிசாமி விமர்சித்துள்ளார்.

தமிழக அரசு அறிவித்துள்ள திட்டங்களை செயல்படுத்தப்படுகிறதா என்பதை தெரிந்து கொள்ளும் வகையில் 'நீங்கள் நலமா' என்கிற திட்டத்தை முதல்வர் ஸ்டாலின் இன்று துவக்கி வைத்தார். பின் பயனாளிகளுடன் உரையாடினார்

'நீங்கள் நலமா திட்டம் குறித்து அ.தி.மு.க., பொதுச்செயலர் பழனிசாமி கூறியுள்ளதாவது: நலத் திட்டங்கள் நின்றுப்போச்சு... சட்டம் ஒழுங்கு சீர்கெட்டுப்போச்சு... சொத்துவரி, வீட்டுவரி, குடிநீர் வரி, மின்கட்டணம் உயர்ந்தாச்சு! விலைவாசி விண்ணைத் தொட்டாச்சு... எங்கு காணினும் போதைப்பொருள் புழக்கம் என்ற அவலநிலைக்கு தமிழகம் ஆளாச்சு... இப்படி, வாழ்வாதாரமே கேள்விக்குறியாகிவிட்ட உங்கள் தி.மு.க., ஆட்சியில் மக்கள் நலமாக இல்லை.

இவ்வாறு அவர் தெரிவித்துள்ளார்.