டீ, மிக்சருக்கு மட்டுமா நாங்க? கூட்டணியினர் புலம்பல்
தர்மபுரி தொகுதியில், டீ, மிக்சர் வழங்கியதுடன் சரி, அதன்பின் எங்களை கண்டுகொள்ளவில்லை என, தி.மு.க., கூட்டணி கட்சி நிர்வாகிகள் புலம்பி வருகின்றனர்.
தர்மபுரி லோக்சபா தொகுதியில், தி.மு.க., வேட்பாளர் வக்கீல் மணி, அ.தி.மு.க.,வில் மருத்துவர் அசோகன், பா.ம.க.,வில் சவுமியா ஆகியோர் போட்டியிடுகின்றனர். தொகுதியில், தி.மு.க., - அ.தி.மு.க., சார்பில், வேட்பாளர் அறிமுக கூட்டம் நடத்தப்பட்டுள்ளது.
ஆனால், முறையான அழைப்பு மற்றும் கவனிப்பு இல்லாததால், தி.மு.க., கூட்டணி கட்சி நிர்வாகிகள் அதிருப்தி அடைந்துள்ளனர்.
இது குறித்து, தி.மு.க., கூட்டணி கட்சி நிர்வாகி ஒருவர் கூறுகையில், 'வேட்பாளர் அறிமுக கூட்டத்திற்கு மட்டும் எங்களை அழைத்தனர். அங்கு, ஒரு சால்வை அணிவித்து, மேடையில் அமர வைத்தனர். பின், மிக்சர் மற்றும் டீ வழங்கினர். அத்துடன் சரி, அதன்பின் எங்களை கண்டுகொள்ளவில்லை. பிரசாரத்திற்கும் அழைக்கவில்லை. கவனிப்பும் செய்யவில்லை. இதனால் கூட்டணி கட்சி தொண்டர்கள், தேர்தல் பணியில் ஆர்வம் காட்டாமல் வீட்டிலேயே முடங்கி உள்ளனர்' என்றார்.
வாசகர் கருத்து