Advertisement

பா.ஜ.,வின் பி டீம் காங்கிரஸ்: பினராயி விஜயன் ஆவேசம்

"சங்பரிவார் அமைப்புகளுக்கு எதிராக காங்கிரஸ் வலுவான நிலைப்பாட்டை எடுக்கவில்லை" என, கேரள முதல்வர் பினராயி விஜயன் தெரிவித்துள்ள கருத்து இண்டியா கூட்டணியில் சலசலப்பை ஏற்படுத்தியுள்ளது.

லோக்சபா தேர்தலில் வயநாடு தொகுதியில் காங்கிரசின் முன்னணி தலைவர்களில் ஒருவரான ராகுல் காந்தி போட்டியிடுகிறார். இவரை எதிர்த்து பா.ஜ., மாநில தலைவர் சுரேந்திரனும் இ.கம்யூ., வேட்பாளராக ஆனி ராஜாவும் களமிறங்குகின்றனர்.

இண்டியா கூட்டணியில் இருந்து ராகுலும் ஆனி ராஜாவும் போட்டியிடுவது துவக்கத்தில் இருந்தே பல்வேறு சர்ச்சைகளை ஏற்படுத்தி வந்தது. ஆனி ராஜா, இந்திய கம்யூனிஸ்ட் கட்சியின் தேசிய செயலர் டி.ராஜாவின் மனைவி ஆவார்.

இதையடுத்து, 'வயநாடு தொகுதியில் ராகுல்காந்தி போட்டியிடுவதை மறுபரிசீலனை செய்ய வேண்டும்' என, இ.கம்யூ., தேசிய செயலர் டி.ராஜா வலியுறுத்தி வந்தார்.

இது குறித்து அவர் கூறியதாவது: பா.ஜ.,வை எதிர்த்து போராடி வீழ்த்துவதே, இண்டியா கூட்டணியின் முதன்மை நோக்கமாக உள்ளது. நாட்டின் அரசியமைப்பு, கூட்டாட்சி மற்றும் மதச்சார்பின்மை ஆகியவற்றை காப்பாற்றவும் மக்களின் பிரச்னைகளைத் தீர்த்து அவர்களின் முன்னேற்றத்துக்காக பாடுபடுவதும் கூட்டணியின் நோக்கம்.

கேரளாவின் இடது ஜனநாயக முன்னணி கூட்டணிக்கும் காங்கிரஸ் கூட்டணிக்கும் இடையே போட்டி உள்ளது. கடந்த முறையும் வயநாடு தொகுதியில் இடது முன்னணி போட்டியிட்டது.

வேட்பாளர் யார் என்பதை தீர்மானிக்க ஒவ்வொரு கட்சிக்கும் உரிமை உள்ளது. ஆனால், ராகுல்காந்தியை போன்ற ஒரு நபர், இடதுசாரி கூட்டணிக்கு எதிராக போட்டியிட வேண்டுமா. எனவே, வயநாடு தொகுதியில் போட்டியிடுவதை ராகுல் காந்தி மறுபரிசீலனை செய்ய வேண்டும்.

இவ்வாறு டி.ராஜா தெரிவித்திருந்தார்.

கடந்த முறை அமேதி தொகுதியில் ஸ்மிருதி இரானியிடம் தோற்ற ராகுல், வயநாடு தொகுதியில் பெருவாரியாக ஓட்டுகள் வித்தியாசத்தில் வெற்றி பெற்றார். இதனை கணக்கில் வைத்து மீண்டும் வயநாடு தொகுதியில் போட்டியிடுவதற்காக வேட்புமனுத் தாக்கல் செய்துள்ளார். இ.கம்யூ., கட்சியின் கோரிக்கையையும் அவர் ஏற்கவில்லை.

இந்நிலையில், ராகுலின் பிரசாரத்தில் கூட்டணிக் கட்சிகளின் கொடிகளைப் பயன்படுத்தாதது விவாதப் பொருளாக மாறியுள்ளது.

இதுகுறித்து, மலப்புரத்தில் செய்தியாளர்களிடம் கேரள முதல்வர் பினராயி விஜயன் கூறியதாவது:

சங்பரிவார் அமைப்புகளுக்கு எதிராக காங்கிரஸ் வலுவான நிலைப்பாட்டை எடுக்கவில்லை. அதன் மதச்சார்பற்ற தன்மையில் இருந்து வெகுவாக விலகிவிட்டது. பா.ஜ.,வை சித்தாந்தரீதியாகவும் அரசியல் ரீதியாகவும் கையாள்வதில் ஆர்வம் காட்டவில்லை.

பா.ஜ.,வை எதிர்ப்பதற்கான கருத்தியல் காங்கிரசிடம் இல்லை. அதிகாரப் போட்டியும் தேர்தல் அரசியலும் மட்டுமே காங்கிரசிடம் உள்ளது. பா.ஜ.,வின் பி டீமாக காங்கிரஸ் சீரழிகிறது. நாங்களோ செயல்திறனில் நம்பிக்கை வைத்திருக்கிறோம்.

கேரளாவில் காங்கிரசும் யு.டி.எப் கூட்டணியும் சரிவை சந்தித்துக் கொண்டிருக்கிறது. வயநாட்டில் நடந்த ராகுலின் பிரசாரத்தில் முஸ்லிம் லீக்கின் கொடியை பயன்படுத்தவில்லை. இது காங்கிரசின் மதச்சார்பற்ற பாரம்பரியத்தை பலவீனப்படுத்துவதாக உள்ளது. அதேபோல், மக்களைத் தவறாக வழிநடத்தவே கருத்துகணிப்புகள் உதவுகின்றன.

இவ்வாறு அவர் தெரிவித்தார்.

முன்னதாக, பாலக்காட்டில் செய்தியாளர்களிடம் பேசிய பினராயி விஜயன், "வயநாடு தொகுதியில் போட்டியிட வேட்பு மனு தாக்கல் செய்த ராகுல், குடியுரிமை திருத்த மசோதா குறித்து தனது கருத்தை பதிவு செய்வார் என எதிர்பார்க்கப்பட்டது. கடைசி வரை வாய்திறக்கவில்லை. கருத்து சொல்லவிடமால் அவரை தடுத்தது யார்?" எனக் கேள்வி எழுப்பியிருந்தார்.


katharika viyabari - coimbatore, இந்தியா
19-ஏப்-2024 21:44 Report Abuse
katharika viyabari நன்கு ஐந்து மாநிலகளுக்கு சென்று யார் யாரோட பி டீம்னு அரசியல்வாதிகளுக்கிட்ட கேட்டு ஒரு கணக்கு போட்டா,..கண்ணை கட்டிட்டு வந்துடும்.
19-ஏப்-2024 13:14 Report Abuse
தர்மராஜ் தங்கரத்தினம் மேற்குவங்கத்தில் கம்மிகள் பாஜகவின் பி டீமாகச் செயல்படுகிறார்கள் ..... அது இவருக்குத் தெரியாதா ?
வாய்மையே வெல்லும் - மனாமா, பஹ்ரைன்
19-ஏப்-2024 08:20 Report Abuse
வாய்மையே வெல்லும் பினராயி களவாணி டீம் .. மற்றவர்கள் எல்லாம் எ டீம் இல்லேன்னா பி டீம்.. இவர் எப்போதும் நம்புவது உண்டியல் களவாணித்தனம் மட்டுமே.. வந்துட்டாரு யோகியர் சொம்பை ஒளிச்சு வையுங்க..
VENKATASUBRAMANIAN - bangalore, இந்தியா
19-ஏப்-2024 08:14 Report Abuse
VENKATASUBRAMANIAN இதுதான் புள்ளி கூட்டணி யின் லட்சணம். இவர்கள்தான் நாட்டை காக்க போகிறார்களாம். விளங்கிடும். படித்த கேர்ள் மக்கள் புரிந்து கொள்ள வேண்டும்
Kasimani Baskaran - Singapore, சிங்கப்பூர்
19-ஏப்-2024 06:07 Report Abuse
Kasimani Baskaran எல்லையில்லா களவானித்தனங்கள் செய்வது கம்மிகளுக்கு கைவந்த கலை. வேடிக்கை என்னவென்றால் காங்கிரசிடமிருந்து அதை கற்றுக்கொண்டார்கள்.
Cheran Perumal - Radhapuram, இந்தியா
19-ஏப்-2024 04:14 Report Abuse
Cheran Perumal அப்படியென்றால் தமிழ்நாட்டில் காங்கிரசுடன் உள்ள கூட்டணியில் இருந்து விலகிவிடுவார்களா? ஏனிந்த எமாற்றுவேலை?
Thiruvengadam Ponnurangam - SIngapore, சிங்கப்பூர்
18-ஏப்-2024 21:21 Report Abuse
Thiruvengadam Ponnurangam தமிழ் நாட்டுக்கு வந்து பாருங்க .. நீங்களும் காங்கிரஸும் கூட்டாளிகள். என்ன ஒரு கொள்கை என்ன ஒரு லட்சியம்
duruvasar - indraprastham, இந்தியா
18-ஏப்-2024 19:24 Report Abuse
duruvasar இப்படி உருட்டிக் கொண்டே இருவரும் கள்ள உறவில் இருப்பது உண்டி குலுக்கிகளின் தனிச்சிறப்பு. உண்மையில் தன் மனைவியை வயநாடு தொகுதியில் நிற்க்க வைத்ததற்காக டேனியல் ராஜா ராகுலின் காலில் விழுந்து மன்னிப்பு கேட்டிருந்திருப்பார்.
Sivaraman - chennai, இந்தியா
18-ஏப்-2024 15:26 Report Abuse
Sivaraman எங்கும் உறவு கிடையாது என்று கூறவேண்டியது தானே ஊருக்கு ஒரு பேச்சு இதுவும் ஒரு கட்சி
Srinivasan Krishnamoorthi - CHENNAI, இந்தியா
18-ஏப்-2024 14:38 Report Abuse
Srinivasan Krishnamoorthi பினராய் பாஜக வை கேரளாவின் வளர்ந்த கட்சி என நேராக சொல்ல முடியாமல் இப்படி காங்கிரஸ் கட்சியை தொடர்பு படுத்தி சொல்கிறார்
Login via Dinamalar:
New to Dinamalar ?
(Press Ctrl+g or click this   to toggle between English and Tamil)

தேர்தல் விறுவிறு

தினமலர் முதல் பக்கம்