வேளச்சேரியில் அமைதியாக முடிந்தது மறு ஓட்டுப்பதிவு

சென்னை:சென்னை வேளச்சேரி தொகுதியில், நேற்று ஒரு ஓட்டுச்சாவடியில் நடந்த மறு ஓட்டுப்பதிவு, அமைதி யாக முடிந்தது; ஏப்., 6ம் தேதி பதிவானதை விட, 34 ஓட்டுகள் குறைவாக பதிவாகின.

சென்னை, வேளச்சேரி சட்டசபை தொகுதியில், 24 வேட்பாளர்கள் போட்டியிட்டனர். இங்குள்ள, 92வது ஓட்டுச்சாவடி இயந்திரங்களை, 'பைக்'கில் எடுத்துச் சென்ற சம்பவம் தொடர்பாக, மூன்று அலுவலர்கள், 'சஸ்பெண்ட்' செய்யப்பட்டனர்.இதைத் தொடர்ந்து, 92வது ஓட்டுச் சாவடிக்கான மறு ஓட்டுப்பதிவு, நேற்று காலை, 7:00 முதல் இரவு, 7:00 மணி வரை நடந்தது. இந்த ஓட்டுச்சாவடி ஆண்களுக்கானது; மொத்தம், 548 வாக்காளர்கள் இருந்தனர். ஓட்டுப்பதிவு முடிந்த இரவு, 7:00 மணி வரை, 186 பேர் மட்டுமே ஓட்டுப்பதிவு செய்தனர்.அவர்களில், 70 வயதுக்கு மேற்பட்டவர்கள் தான் அதிகம்.
வேளச்சேரி தொகுதி தேர்தல் பார்வை யாளர் சுபாஷ்சந்திரா, தேர்தல் நடத்தும் அதிகாரி சுப்புலட்சுமி, உதவி தேர்தல் அதிகாரி துளசிராம் உள்ளிட்ட அதிகாரிகள், நேரடியாகவும், கேமரா பதிவு வழியாகவும், ஓட்டுச்சாவடியை கண்காணித்தனர்.34 ஓட்டுகள் குறைவு!கடந்த, 6ம் தேதி ஓட்டுப்பதிவின் போது, இந்த ஓட்டுச்சாவடியில், 220 ஓட்டுகள் பதிவாகி இருந்தன. நேற்று, 186 பேர் மட்டுமே ஓட்டு போட்டனர்.

கொரோனா பாதிப்பு



6ம் தேதி ஓட்டு போட்டுவிட்டு, சொந்த ஊர் சென்றவர்கள்; தனியார் நிறுவனத்தில் பணி புரிவோருக்கு, சம்பளத்துடன் விடுப்பு அறிவிக்காதது போன்ற காரணங்களால், ஓட்டுப்பதிவு குறைந்துள்ளது.

300 போலீசார் பாதுகாப்பு



வேளச்சேரி, பிரதான சாலையில் இருந்து, 800 அடி துாரத்தில் ஓட்டுச்சாவடி இருந்தது. ஒரே ஓட்டுச்சாவடி என்பதால், 24 வேட்பாளர்கள் மற்றும் கட்சியினர் ஒரே இடத்தை சுற்றி சுற்றி வந்தனர். நான்கு இடங்களில், 'செக்போஸ்ட்' அமைக்கப்பட்டது. அசம்பாவிதங்களை தடுக்க, 300 போலீசார் பாதுகாப்பு பணியில் இருந்தனர்.

பழைய இயந்திரத்தில்'ஸ்டிக்கர்'



நேற்று ஓட்டுப்பதிவு முடிந்ததும், இயந்திரங்கள் போலீஸ் பாதுகாப்புடன், அண்ணா பல்கலை வளாகத்திற்கு கொண்டு செல்லப்பட்டன. அவை, வேளச்சேரி தொகுதி, இயந்திரங்கள் உள்ள அறையில் பாதுகாப்பாக வைக்கப்பட்டன. நேற்றைய ஓட்டுப்பதிவு இயந்திரம் ஒப்படைக்கப்பட்டதும், பழைய ஓட்டுப்பதிவு இயந்திரத்தில், 'பயன்படுத்த வேண்டாம்' என, 'ஸ்டிக்கர்' ஒட்டி தனியாக வைக்கப்பட்டது. ஓட்டு எண்ணும் போது, குழப்பம் ஏற்படாமல் இருக்க, ஸ்டிக்கர் ஒட்டியதாக தேர்தல் அதிகாரிகள் கூறினர்.


balasubramanian ramanathan - vadakupatti,இந்தியா
18-ஏப்-2021 07:31 Report Abuse
balasubramanian ramanathan 35% போட்டு இருக்காங்களே. போதாதா ? இது முக்கியமான எண்ணிக் கை . குறைவான பதிவுகள் எதிர்க்கட்சிகளுக்கு தான் சாதகம் என விஞ்ஞானப்பூர்வமான விவாதங்களை பேராசிரியர்கள் சொல்லிவிட்டார்கள்.எனவே காங்கிரஸுக்கு ஒரு சீட்டு உறுதி.
சசிக்குமார் திருப்பூர் ஒருதடவை ஓட்டு போட மட்டுமே பைசா வந்தது
அசோக்ராஜ் - சேலம் ,இந்தியா
17-ஏப்-2021 14:25 Report Abuse
அசோக்ராஜ் ரெண்டாவது வாட்டியா? அடேயப்பா ... வேளச்சேரியில் வேலையில்லாதவங்க இவ்ளோ பேர் இருக்காங்களா? என்னது ... மூணாவது வாட்டியும் வருவீங்களா? ஆப்கா இந்தியா மஹான்
தமிழவேல் - முகப்பேர் மேற்கு ,இந்தியா
17-ஏப்-2021 16:26Report Abuse
தமிழவேல் விநியோகம் உண்டா 🤔...
Login via Dinamalar:
New to Dinamalar ?
(Press Ctrl+g to toggle between English and Tamil)