வேளச்சேரி தொகுதியில் 17ம் தேதி, மறு ஓட்டுப்பதிவு

சென்னை: 'வேளச்சேரி சட்டசபை தொகுதியில், 92வது ஓட்டுச்சாவடியில் மட்டும், வரும், 17ம் தேதி, மறு ஓட்டுப்பதிவு நடக்கும்' என, தேர்தல் கமிஷன் அறிவித்துள்ளது.

தமிழகத்தில் உள்ள, 234 சட்டசபை தொகுதிகளுக்கும், இம்மாதம், 6ம் தேதி ஓட்டுப்பதிவு நடந்தது. ஓட்டுப்பதிவு மிக அமைதியாக நடந்து முடிந்தது.சென்னை, வேளச்சேரி தொகுதிக்கு உட்பட்ட, 92வது ஓட்டுச் சாவடியில், இரண்டு ஓட்டுப்பதிவு இயந்திரங்கள் மற்றும் எந்த சின்னத்திற்கு ஓட்டளித்தோம் என்பதை அறியும், ஒரு, வி.வி.பி.ஏ.டி., இயந்திரத்தையும், தேர்தல் பணியில் இருந்த ஊழியர்கள், இரு சக்கர வாகனத்தில், எடுத்துச் சென்றனர். சந்தேகமடைந்த பொதுமக்கள், அவர்களை பிடித்து, ஓட்டுப்பதிவு இயந்திரங்களை பறிமுதல் செய்து, போலீசில் ஒப்படைத்தனர்.ஓட்டுச்சாவடியில், ஓட்டுப்பதிவு துவங்கி, 50 நிமிடங்களுக்கு பின், வி.வி.பி.ஏ.டி., இயந்திரத்தில், பழுது ஏற்பட்டுஉள்ளது. அதைத் தொடர்ந்து, அந்த இயந்திரத்தை அகற்றிவிட்டு, புதிய வி.வி.பி.ஏ.டி., இயந்திரத்தை பயன்படுத்தினர்.

பழுதடைந்த வி.வி.பி.ஏ.டி., இயந்திரத்தில், 15 ஓட்டுகள் பதிவாகி இருந்தன. அதை ஓட்டு எண்ணும் மையத்திற்கு எடுத்து செல்லாமல், பயன்படுத்தப்படாத ஓட்டுப்பதிவு இயந்திரங்களுடன் சேர்த்து, ஓட்டுப்பதிவு இயந்திரங்கள் இருப்பு வைக்கப்பட்ட அறைக்கு எடுத்து சென்றது, விசாரணையில் தெரிய வந்தது.


தேர்தல் விதிமுறைகளின்படி, எந்த இயந்திரத்தையும், நான்கு சக்கர வாகனத்தில், போலீஸ் பாதுகாப்புடன் எடுத்து செல்ல வேண்டும். அதை மீறி இரு சக்கர வாகனத்தில் எடுத்து சென்றது விதி மீறல். எனவே, சம்பந்தப்பட்டவர்கள் மீது, துறை ரீதியான நடவடிக்கைக்கு உத்தரவிடப்பட்டது. அந்த ஓட்டுச்சாவடியில், மறு ஓட்டுப்பதிவு நடத்த வேண்டும் என, அத்தொகுதி காங்., வேட்பாளர் ஹசன் மவுலானா, தேர்தல் கமிஷனுக்கு கோரிக்கை விடுத்தார்.

இதுகுறித்து, தேர்தல் நடத்தும் அலுவலர், தேர்தல் பார்வையாளர் ஆகியோர், தேர்தல் கமிஷனுக்கு, அறிக்கை அளித்தனர். அதில், 92வது ஓட்டுச்சாவடியில், விதி மீறல் நடந்திருப்பது உறுதிப்படுத்தப்பட்டது. அதைத் தொடர்ந்து, அந்த ஓட்டுச்சாவடியில் மட்டும், வரும், 17ம் தேதி, காலை, 7:00 மணி முதல், இரவு, 7:00 மணி வரை, மறு ஓட்டுப்பதிவு நடக்கும் என, தேர்தல் கமிஷன் அறிவித்துள்ளது.

அன்றைய தினம், ஓட்டுப்பதிவு அமைதியாக நடக்க, தேவையான பாதுகாப்பு ஏற்பாடுகளை செய்ய வேண்டும். மறு ஓட்டுப்பதிவு விபரத்தை, வேட்பாளர்களுக்கும், அரசியல் கட்சிகளுக்கும் தெரியப்படுத்த வேண்டும் என, தேர்தல் நடத்தும் அலுவலருக்கு, தேர்தல் கமிஷன் உத்தரவிட்டுள்ளது.


vnatarajan - chennai,இந்தியா
14-ஏப்-2021 16:42 Report Abuse
vnatarajan அந்த மூன்று பெரும் யார். அவர்களுக்கு பின்னால் இருந்து அவர்களை இயக்கியவர்கள் யார் யார் என்கிற விவரங்களை மக்களுக்கு தெரிவிக்கவேண்டும் . பூத் தலைமை நிர்வாகி இதில் சம்பந்தப்பட்டிருக்கிறாரா என்பதையும் தெரிவிக்கவேண்டும். .
balasubramanian ramanathan - vadakupatti,இந்தியா
14-ஏப்-2021 08:05 Report Abuse
balasubramanian ramanathan அவசரப்பட்டு இரண்டுநாள் முன்பு தேர்தல் கமிஷனை சாடியிருந்தார் ஒரு சாப்பாட்டு ராமன்.
Ketheesh Waran - Bangalore,இந்தியா
14-ஏப்-2021 07:21 Report Abuse
Ketheesh Waran இந்த செயலில் ஈடுபட்டவர்கள் அதிமுகவினர் ஊழல் அதிமுக அரசு உடனடியாக பதவி விலகவேண்டும் அல்லது பதவி நீக்கப்படவேண்டும்
Srinivas - Chennai,இந்தியா
14-ஏப்-2021 12:14Report Abuse
Srinivas///அதிமுக அரசு உடனடியாக பதவி விலகவேண்டும் அல்லது பதவி நீக்கப்படவேண்டும்/// ஏன்? அவர்கள் நல்லதுதானே செய்தனர்? நல்லதை செய்தும் வருகின்றனர். மத்தியில் உள்ளவர்களுடன் சேர்ந்து மக்களுக்கு ''மிக..மிக...நல்லதையே'' செய்துவருகின்றனர். அவர்களுக்கு தெரிந்ததும் இதுபோல் நல்ல விஷயங்கள்தான். அதையேதான் மறுபடியும் செய்வர்....
kumzi ( இந்துமத விரோதி சுடலை கான் வேணாம் போடா ) இது இந்துமத ஜென்ம விரோதி சுடலை கானின் சதி
Raj - Namakkal,சவுதி அரேபியா
14-ஏப்-2021 12:32Report Abuse
Rajஇந்துமத விரோதி மோடி மஸ்தான் தான் என்பதை மக்கள் உணர ஆரம்பித்து விட்டார்கள்...
தமிழவேல் - முகப்பேர் மேற்கு ,இந்தியா
13-ஏப்-2021 22:09 Report Abuse
தமிழவேல் எப்படி அவை ஓட்டுச்சாவடியை விட்டு வெளியே வந்தன ? கொண்டு சென்றவர்களின் பின்புலம் என்ன ? எதற்காக எங்கு கொண்டு சென்றனர் என்ற விளக்கம் ஏன் தரப்பட வில்லை ?
Srinivas - Chennai,இந்தியா
14-ஏப்-2021 12:11Report Abuse
Srinivas///கொண்டு சென்றவர்களின் பின்புலம் என்ன ?/// மத்தியிலும்,மாநிலத்திலும் இரண்டு ''சுத்தமானவர்கள்'' ஆட்சி நடக்கிறது. அதனால் இதுபோன்ற ''நல்ல'' செயல்கள் நடப்பது ஒன்றும் அதிசயமல்ல. எப்படியாவது ஜெயிக்கவேண்டும் என்று சொல்லிக்கொண்டிருக்கும் இரண்டு நல்லவர்களின் அரசுகள் இதைக்கூட செய்யமாட்டார்களா என்ன?...
Saravanan - Chennai,இந்தியா
14-ஏப்-2021 18:43Report Abuse
Saravananஅப்படி என்றால் இதை கொண்டு செல்லும் வரை அங்கு இருந்த வேட்பாளரின் பிரதிநிதி என்ன செய்து கொண்டு இருந்தார்?...
Login via Dinamalar:
New to Dinamalar ?
(Press Ctrl+g to toggle between English and Tamil)