அ.தி.மு.க.,வின் 'தப்புக்கணக்கான' ஜாதி கணக்கு

சென்னை : பா.ம.க.வின் செல்வாக்கை நம்பிய அ.தி.மு.க. தமிழக வட மாவட்டங்களில் பெரும் சரிவை சந்தித்துள்ளது. தி.மு.க.வுக்கு மிகப் பெரிய வெற்றியை வட மாவட்டங்கள் கொடுத்துள்ளன.

தமிழக சட்டசபை தேர்தலில் 10 ஆண்டுகளாக தொடர்ந்து ஆட்சியில் இருந்த அ.தி.மு.க.வுக்கு எதிர்க்கட்சி அந்தஸ்து கிடைத்துள்ளது. எதிர்க்கட்சியாக இருந்த தி.மு.க. தனி பெரும்பான்மையுடன் வெற்றி பெற்றுள்ளது. இந்த வெற்றிக்கு பெரிய அடித்தளமாக சென்னை உள்ளிட்ட வட மாவட்டங்கள் அமைந்துள்ளன. குறிப்பாக சென்னையில் உள்ள 16 தொகுதிகள்; திருவள்ளூர் மாவட்டத்தில் 10 தொகுதிகள்; காஞ்சிபுரம் மாவட்டத்தில் நான்கு தொகுதிகள் முழுமையாக தி.மு.க.வுக்கு கிடைத்துள்ளன.

செங்கல்பட்டு மாவட்டத்தில் உள்ள ஏழு தொகுதிகளில் ஒரு தொகுதியில் மட்டும் அ.தி.மு.க. வெற்றி பெற்றுஉள்ளது. மற்ற தொகுதிகளை தி.மு.க. கூட்டணி முழுமையாக கைப்பற்றியது. வட மாவட்டங்களில் செல்வாக்கு பெற்ற பா.ம.க. தங்கள் கூட்டணியில் இருப்பதால் இந்த மாவட்டங்களில் எல்லாம் எளிதாக வெற்றி பெறலாம் என அ.தி.மு.க. கணக்கு போட்டது. அந்த கணக்கு கை கூடவில்லை.

பா.ம.க.வுக்கு அதிக செல்வாக்கு உள்ளதாக கருதப்பட்ட திருவண்ணாமலை, கள்ளக்குறிச்சி, விழுப்புரம், கடலுார், வேலுார், ராணிப்பேட்டை, திருப்பத்துார், அரியலுார், பெரம்பலுார் மாவட்டங்களிலும் தி.மு.க. மகத்தான வெற்றியை பெற்றுள்ளது. இந்த மாவட்டங்களில் பா.ம.க.வால் அதிக ஓட்டுகள் கிடைக்கும் என அ.தி.மு.க. நம்பியது.
வன்னியர்கள் ஓட்டை பெறுவதற்காக மிகவும் பிற்படுத்தப்பட்டோர் பிரிவில் 10.5 சதவீதம் தனி இட ஒதுக்கீடும் வழங்கியது. பா.ம.க. எதிர்ப்பு தெரிவித்ததால் அறக்கட்டளைகளை ஒழுங்குபடுத்தும் சட்ட மசோதாவையும் அ.தி.மு.க. அரசு திரும்ப பெற்றது.

ஆனால் தேர்தலில் அ.தி.மு.க. - பா.ம.க.வின் ஜாதிய கணக்குகள் தவிடுபொடியாகி விட்டன. நாங்கள் ஜாதியவாதிகள் அல்ல என வட மாவட்ட வாக்காளர்கள் தேர்தலில் பாடம் புகட்டியுள்ளனர். இதன் பலனாகவே அ.தி.மு.கவுக்கு வடக்கு கிழக்கு மற்றும் மேற்கு மாவட்டங்களில் கடும் சரிவு ஏற்பட்டுள்ளது.

வட மாவட்டங்களின் ஜாம்பவானாக அ.தி.மு.க. மலை போல் நம்பிய பா.ம.க.வும் இந்த தேர்தலில் படு தோல்வியை சந்தித்திருப்பது ஜாதி அரசியல் கட்சிகளுக்கும் அதை நம்பும் கட்சிகளுக்கும் பாடமாக அமைந்துள்ளது.அ.தி.மு.க. கூட்டணியில் அனைத்து கட்சிகளுக்கும் முன்னதாக 23 தொகுதிகளை பெற்ற பா.ம.க. ஐந்து இடங்களில் மட்டுமே வெற்றி பெற்றுள்ளது.-


Karthik - india,இந்தியா
08-மே-2021 13:39 Report Abuse
Karthik பல வேளாளரை ஓன்று சேர்த்தது...
Bharathi - Melbourne,ஆஸ்திரேலியா
05-மே-2021 10:30 Report Abuse
Bharathi 2011ல் முக இப்படித்தான் எல்லா ஜாதி கட்சிகளையும் சேர்த்துக்கிட்டார் ஆனால் பலன் தோல்வி.
திருஞானசம்பந்தமூர்த்திதாச ஞானதேசிகன் உன்னால நாங்கெட்டேன் சின்னி என்னால நீ கெட்டே சின்னி இட ஒதுக்கீடு கொடுத்துட்டு அது தாற்காலிகம்தான் என்று தகிடுதத்தம் செய்து சொதப்பினார்கள்
gopalasamy N - CHENNAI,இந்தியா
03-மே-2021 20:31 Report Abuse
gopalasamy N ப ஜ க உடன் கூட்டணி வைத்தது தவறு தனியாக நின்று இருந்தால் ஆச்சியை பிதிரு கும்
sivan - seyyur,இந்தியா
04-மே-2021 03:13Report Abuse
sivan சிண்டு முடிந்து விடும் கேவலமான பேச்சுக்களை இங்கே யாரும் மதிப்பதில்லை....
Sivagiri - chennai,இந்தியா
03-மே-2021 20:13 Report Abuse
Sivagiri 1 பாமக-விற்குத்தான் அவரின் ஜாதியினர் ஆதரவு இருக்கிறது என்று நம்பியது - 2 தினகரனுக்கு அவரின் ஜாதியினர் ஆதரவு இல்லை என்று நம்பியது 3 OPS-அவரின் ஜாதி ஓட்டுக்களை தன் பக்கம் இழுக்க முடிந்தாலும் செய்யாதது - - இவைதான் அதிமுக-வின் தோல்விக்கு சரியான காரணங்கள் - தேமுதிக / நாம்தமிழர் / மநீம / சிறுபான்மையினர் இவை எல்லாம் ஒரு பொருட்டே அல்ல . . .
தல புராணம் - மதுரை,இந்தியா
04-மே-2021 02:09Report Abuse
தல புராணம்/ நாம்தமிழர் / மநீம / சிறுபான்மையினர் இவை எல்லாம் ஒரு பொருட்டே அல்ல . . . இவ்விரு கட்சிகளின் வாக்கு சொந்தமான (கூட்டணி இல்லாத) சதவீதம் முறையே 6.85%, 2.43% ஆடீம்காவை மிரட்டி முதுகுல சவாரி செஞ்ச பீஜேபி போலில்லை.....
திருஞானசம்பந்தமூர்த்திதாச ஞானதேசிகன்இவ்ளோ சொன்ன நீங்க அந்த பிஜேபி யின் வாக்கு சதவீதத்தையும் பயந்துக்காம போட்டு ஒடைச்சிருக்கலாமே...
SaiBaba - Chennai,இந்தியா
03-மே-2021 19:30 Report Abuse
SaiBaba தினகரனை சேர்க்காமல் விட்டது தவறு. தேமுதிகவை விட்டது தவறு.
Anbuselvan - Bahrain,பஹ்ரைன்
03-மே-2021 20:04Report Abuse
Anbuselvanஅமுமுக எடுத்த வாக்குகளை சேர்த்தால் இரண்டே இரண்டு தொகுதிகளில் மட்டுமே அதிமுகவிற்கு சாதகமாக இருந்திருக்கும். அந்த தொகுதிகள் மயிலாடுதுறை மற்றும் ராஜபாளையம் ஆகும். ஒரு வேலை பாஜகவை விட்டு இவர்களை சேர்த்து கொண்டு இருந்தால் நல்ல பலன் இருந்திருக்கலாம். தேர்தலில் கூட்டணி அமைக்காமல் விடுவது ஒரு கொள்கை முடிவு அதனால் பாஜக எதிரி கட்சியாக இருந்திருக்க வேண்டியதில்லை. பாஜகவின் ஒரு ஐந்து தொகுதிகளில் பலவீனமான வேட்பாளர்களை போட்டு அவர்களுக்கு மறைமுகமாக ஆதரவு கொடுத்து இஇருந்திருக்கலாம். நிச்சயமாக சிறுபான்மையினரின் வாக்குகள் பல இவர்கள் பக்கம் விழுந்து இருக்கும். அதே போல் 10.5% சதவிகிதத்தை சிறிதே தள்ளி போட்டு இருக்கலாம். எது நடக்கணுமோ அது நடந்து விட்டது இதெல்லாம் ஆங்கிலத்தில் LESSON LEARNT என சொல்லுவார்கள். அவர்களுக்கு தெரியாத கணக்கா - நாமெல்லாம் கத்து குட்டிகள்....
திண்டுக்கல் சரவணன் - ஓசூர்,இந்தியா
03-மே-2021 20:48Report Abuse
திண்டுக்கல் சரவணன்திமுகவை தோற்கடிப்பதைவிட, தினகரனை காலி செய்து கட்சியை முழுக்க தன வசப்படுத்துவதுதான் எடப்பாடி இலக்கு. அதில் எடப்பாடி வெற்றி பெற்றுவிட்டார். தேமுதிக ஆட்டம் இதோட காலி....
r.sundaram - tirunelveli,இந்தியா
03-மே-2021 19:01 Report Abuse
r.sundaram பாமக சுத்த வேஸ்ட். மருத்துவருக்கு பேச்சு மட்டும்தான் உண்டு போலிருக்கிறது, செயலில் ஒன்றும் காண வில்லை.
Bala - chennai,இந்தியா
03-மே-2021 18:37 Report Abuse
Bala ADMK தோற்பதருக்கு பிஜேபி தான் .பார்லிமென்ட் எலெக்ஷன் பாடம் கொடுத்தும் அதி மு கா பிஜேபி இடம் மறுபடியும் கூட்டணி வைத்தது .
திருஞானசம்பந்தமூர்த்திதாச ஞானதேசிகன்“SOMETIMES EVIL COMES DISGUISED AS AN EMISSARY OF GOOD, BUT ITS REAL INTENTION IS TO CAUSE MORE DESTRUCTION”...
vivek c mani - Mumbai,இந்தியா
03-மே-2021 17:05 Report Abuse
vivek c mani நாம் தமிழர் கட்சி செய்த குளறுபடி . அதன்பலன் தி மு காவிற்கு . இல்லையெனில் பல இடங்களில் அதிமுக வென்றிருக்கும். நிலை மாறியிருக்கும்.
Somiah M - chennai,இந்தியா
03-மே-2021 16:51 Report Abuse
Somiah M ஒரு குறிப்பிட்ட சாதிக்கு சலுகை என்பது மற்ற சாதியினரின் வெறுப்பை தேடித்தரும் என்கிற சாதாரண உண்மை இபி எஸ் சுக்கு தெரியாமல் போனது ஆச்சர்யம்தான் .சாதி ஒட்டு என்பது சில சந்தர்ப்பங்களில் பயன்படலாம் .ஆனால் எப்போதுமே அது வெற்றி அளிக்கும் என்று சொல்ல முடியாது .
மேலும் 56 கருத்துக்கள்...
Login via Dinamalar:
New to Dinamalar ?
(Press Ctrl+g to toggle between English and Tamil)