கிசு கிசு

அங்கு ஆயிரம்இங்கு ஐநுாறு தானா...

'பக்கத்து தொகுதியில் உதயமானவர், ஆயிரம் கொடுக்குறாரு, நீங்க ஐநுாறு தான் கொடுக்கறீங்க'ன்னு தெர்மாகோல் அமைச்சரை வாக்காளர்கள் கேட்க, 'அவரு, வருவாய் துறைக்காரருங்க'ன்னு பதில் சொன்னாராம்.

பால் போல் பொங்கும்'மில்க்' தலைவர்

சூரிய கட்சியின், 'மில்க்' தலைவர் தான் எப்போதும், பாலிவுட் ஊரின் பவார் தலைவர் வாயிலாக, கட்சிக்கு நிதி வசூலிப்பாராம். இந்த முறை, தலைவரின் மருமகப் பிள்ளையே, அதே தலைவரை சந்தித்து, நிதி வசூலித்து வந்துவிட, பால் போல பொங்குகிறாராம், 'மில்க்...'

தலைவர் பேச்சுசூரிய கட்சி எரிச்சல்

'தாமரை மலர்ந்துடக் கூடாதுங்கறதுக்காகவே, ஆறு சீட்டுக்கு, 'செட்டில்' ஆனேன்; ஆனால், என்னுடைய இலக்கு, பன்னிரெண்டு' என, போற இடங்களில் எல்லாம் வளவனான தலித் தலைவர் பேச, சூரிய கட்சியினர் எரிச்சல் அடைக்கின்றனராம்.-

ஆதாரம் கிடைத்தும்பயன்படுத்தாதது ஏன்?

தாமரை கட்சிக்குள் நடக்கும் அத்தனை கூத்துக்களும், சூரிய கட்சி தலைவர்கள் கைக்கு ஆதாரங்களோடு போயிடுச்சாம். அதை, தேர்தலுக்கு பயன்படுத்த முடிவெடுத்த சூரிய கட்சி, ஏனோ கிடப்பில் போட்டுடுச்சாம்.

விமர்சனம் செய்தவரேபிரசாரம் செய்கிறார்

பூ நடிகைக்கு முக்கியத்துவம் கொடுக்குற அளவுக்கு தலைவர்களுக்கு கை கட்சியில் முக்கியத்துவம் இல்லைன்னு சொல்லி, கட்சியில் இருந்து நீக்கப்பட்ட கராத்தே தலைவர், விளக்குத் தொகுதியில் பூ நடிகைக்கு ஓட்டு கேட்குறாராம்.

ஒத்துழைப்பும் இல்லைபுகாருக்கும் பதில் இல்லை

கொங்கின் முக்கியமான ஊரின் தெற்கில் போட்டியிட்ட தாமரை கட்சி தேசிய அளவிலான பெண் தலைவர் ஒருத்தருக்கு, இலை கட்சி சார்பில் ஒத்துழைப்பு இல்லையாம். புகார் மேல் புகார் சொல்லியும் யாரும் கண்டு கொள்ளவில்லையாம்.

நெருக்கடி இல்லைதலைவர் மகிழ்ச்சி

கை கட்சியில், பசையுள்ள நபர்களாக பார்த்து, 'சீட்' கொடுக்கப்பட்டு விட்டதால், கிரி தலைவரை, பணம் கேட்டு வேட்பாளர்கள் நெருக்கடி கொடுக்கவில்லையாம். அதனால், சந்தோஷமாக இருக்கிறாராம் கிரியானவர். -