'ஓட்டு உங்களுக்கே' அ.தி.மு.க.,விடம் வி.சி., உறுதி
கள்ளக்குறிச்சி அ.தி.மு.க., வேட்பாளருக்கு வி.சி., மாநில நிர்வாகி வாழ்த்து தெரிவித்த வீடியோ சமூக வலைதளங்களில் வைரலாகி பரபரப்பை ஏற்படுத்தியுள்ளது.
கள்ளக்குறிச்சி லோக்சபா தொகுதி அ.தி.மு.க., வேட்பாளர் குமரகுரு நேற்று முன்தினம் மாலை கட்சி நிர்வாகிகளுடன் சேலம் மெயின் ரோடு வழியாக ஊர்வலமாக சென்று ஆதரவு திரட்டினார்.
அப்போது அவ்வழியே வந்த வி.சி., மாநில தொண்டரணி துணைச் செயலர் பாலு, அ.தி.மு.க., வேட்பாளர் குமரகுருவிடம் கை குலுக்கி, 'தியாகதுருகம் ஒன்றியத்தில் எங்களது ஓட்டுகள் முழுதும் உங்களுக்குத் தான்' என பூ கொடுத்து வாழ்த்து தெரிவித்தார். இந்த வீடியோ சமூக வலைதளங்களில்வைரலாகி வருகிறது.
தி.மு.க., கூட்டணியில் அங்கம் வகிக்கும் வி.சி.,யின் மாநில நிர்வாகி ஒருவர் அ.தி.மு.க., வேட்பாளருக்கு வாழ்த்து தெரிவித்தது, அரசியல் வட்டாரத்தில் பெரும் அதிர்வலையை ஏற்படுத்தியுள்ளது.
வாசகர் கருத்து