குடுகுடுப்பைக்காரர் வேடத்தில் தி.மு.க., நிர்வாகி ஓட்டு சேகரிப்பு

பெரம்பலுார் லோக்சபா தொகுதியில் போட்டியிடும் தி.மு.க., வேட்பாளரை ஆதரித்தும், தி.மு.க., அரசின் சாதனைகளை விளக்கியும், மத்திய அரசின் மக்கள் விரோத போக்கை விளக்கியும், தி.மு.க., தலைமை கழக பேச்சாளர் சேலம் கோவிந்தன் குடுகுடுப்பைக்காரர் வேடம் அணிந்து ஜக்கம்மா போல் நுாதன முறையில் தமிழகத்தில் பல்வேறு பகுதிகளில் தி.மு.க.,வுக்கு ஓட்டு சேகரிப்பில் ஈடுபட்டு வருகிறார்.

அவர் பொதுமக்கள் மத்தியில் கூறியதாவது:

மு.க., ஸ்டாலின் முதலமைச்சரா வந்து நம்ம வீட்டு பெண்களின் ஏழ்மைய போக்க வறுமைய போக்க மாசம் ஆயிரம் ரூபா வருஷம் 12 ஆயிரம் 5 வருசத்துக்கு 60 ஆயிரம் ரூபா கொடுக்கிறார் ஜக்கம்மா சொல்றா ஜக்கம்மா சொல்றா. மு.க., ஸ்டாலின் முதலமைச்சரா வந்து நம்ம வீட்டு புள்ள காலேஜ் போகும்போது மாசம் ஆயிரம் ரூபா வருஷம் 12 ஆயிரம் 5 வருசத்துக்கு 60 ஆயிரம் ரூபா கொடுக்கிறார் ஜக்கம்மா சொல்றா ஜக்கம்மா சொல்றா.

உலகத்துலேயே பெண்களுக்கு இலவச பஸ்சு நம்ம முதலமைச்சர் மு.க., ஸ்டாலின் கொடுக்கிறார் ஜக்கம்மா சொல்றா ஜக்கம்மா சொல்றா, இல்லம் தேடி கல்வி, மக்களை தேடி மருத்துவம் கொடுத்திருக்கிறார் ஜக்கம்மா சொல்றா ஜக்கம்மா சொல்றா என கூறுகிறார்.

இவரின் நுாதன பிரச்சாரம் மக்கள் மத்தியில் வரவேற்பபை பெற்றுள்ளது.