தி.மு.க.,வின் பி டீம் பழனிசாமி: டி.டி.வி.தினகரன்

"பா.ஜ., உதவியோடு எங்களை பழனிசாமி அழிக்க நினைத்தார். இன்று அதே கட்சி எங்களைப் புரிந்து கொண்டு கூட்டணி வைத்துள்ளனர்" என, அ.ம.மு.க., பொதுச்செயலர் டி.டி.வி.தினகரன் பேசினார்

தேனியில் நடந்த கூட்டத்தில் அவர் பேசியதாவது:

கடந்த 10 ஆண்டுகளில் பிரதமர் மோடி நாட்டை சிறப்பாக வழி நடத்தி வருகிறார். இதன் காரணமாக மூன்றாவது முறையாக அவர் மீண்டும் பிரதமராக வருவார். தமிழகத்துக்கு பல திட்டங்களை கொண்டு வந்துள்ளார்.

பா.ஜ., நிர்வாகிகளுக்கு எந்த எதிர்பார்ப்பும் கிடையாது. அவர்களின் இலக்கு வெற்றி ஒன்று மட்டும் தான். தி.மு.க.,வுக்கு கள்ளத்தனமாக உதவி செய்வது பழனிசாமி தான். அவர் தி.மு.க.,வின் 'பி' டீம்.

தேசிய ஜனநாயக கூட்டணி உறுதியாக வெற்றி பேற வேண்டும் என்பது மக்களின் மனதில் ஆழமாக பதிந்து வருகிறது. தேனி மக்கள் என்னை வெற்றி பெற வைப்பது என்பது தனிநபருக்காக இல்லை.

தமிழகத்தில் இருந்து பிரதமருக்கு ஆதரவாகவும் தமிழகத்தில் உள்ள தீய சக்திகளை வீழ்த்துவதற்காகவும் தான் என்பதை மக்கள் மனதில் வைத்துக் கொள்ள வேண்டும்.

குக்கர் சின்னத்தை நிர்வாகிகள் வீடு வீடாக கொண்டு சேர்க்கும் வகையில் திண்ணைப் பிரசாரத்தில் தொண்டர்கள் ஈடுபட வேண்டும். தேனி மக்கள் பணத்திற்கு முக்கியத்துவம் தருவது கிடையாது.

2004ல் சிறிய வாக்கு வித்தியாசத்தில் நான் தோற்ற போதும் அனைவருக்கும் நன்றியை தெரிவித்தேன். எதையும் எதிர்பார்க்காமல் தேனி மக்களிடம் பழகி வருகிறேன். இந்த கூட்டணி இயற்கையுடன் உருவான பொன்னான கூட்டணி.

சிலர் என்னை சுயநலவாதி என்கின்றனர், அவர்கள் எல்லாம் தீய சக்தி. அதனால்தான் தி.மு.க.,வுடன் இருக்கின்றனர். ஜெயலலிதா போட்டியிட்ட ஆர்.கே.நகர் தொகுதியில் 41,000 வாக்கு வித்தியாசத்தில் மக்கள் என்னை வெற்றி பெற வைத்தனர்.

பா.ஜ., உதவியோடு எங்களை பழனிசாமி அழிக்க நினைத்தார். இன்று அதே கட்சி எங்களைப் புரிந்து கொண்டு கூட்டணி வைத்துள்ளனர். தி.மு.க., அறிவித்துள்ள கூட்டணியில் யார் பிரதமர் வேட்பாளர்.

தி.மு.க.,வை ஒழிப்பதற்காக இரட்டை இலை சின்னத்தை எம்.ஜி.ஆர் கொண்டு வந்தார். அதே தி.மு.க.,வுக்கு இன்று பழனிசாமி உதவி செய்கிறார்.

இவ்வாறு அவர் பேசினார்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)

தேர்தல் விறுவிறு

தினமலர் முதல் பக்கம்