கிசு கிசு

செங்கல் பிரசாரம் பின்னணி இது
சூரிய கட்சியின் இளையவர், செங்கல் ஒன்றை காட்டி, 'இதுதான் எய்ம்ஸ் மருத்துவமனை' என, சொல்லி பிரசாரம் செய்கிறார். இதற்கு யோசனை கொடுத்தது, அக்கட்சி, 'டிவி'யின் தலையாம்.-கிரானைட் அதிபர் தந்த அன்பளிப்பு
குக்கரில் போட்ட அரிசியை வேக வைக்க, வேகமாக சுழலும் அந்த தலைவர், மதுரையின் மூன்றெழுத்து கிரானைட் அதிபரை சந்தித்து அன்பளிப்பு பெற்றாராம். 'ஆட்சிக்கு வந்தால், சட்டப்பூர்வமாக கிரானைட் எடுக்க உதவுவோம்' என்கிறாராம்.
-கட்சி மாறியும் கவலை தீரலை
சூரிய கட்சியில், 'சீட்' கிடைக்காத அதிருப்தியில் தாமரை பக்கம் போன முருகன் பெயர் கொண்ட துாங்கா நகர் வேட்பாளருக்கு, அங்கே ஒத்துழைப்பு இல்லையாம். பழைய நட்புகளை வரவழைத்து களத்தில் சோர்வுடன் சுற்றுகிறாராம் மருத்துவர்.-
'காந்தி தாத்தா' மட்டுமே ஆதரவு
முத்தரையர் இனத்தை பழித்துப் பேசியதால், கடந்த தேர்தலில், திக்குமுக்காடி வெற்றி பெற்ற, மலை ஊரின் சுகாதார தலைக்கு, இந்த முறையும் அதே இனத்தவர் சிம்ம சொப்பனமாக இருக்கின்றனராம். அவர்களை சமாதானப்படுத்த, 'காந்தி தாத்தா'வை துணைக்கு அழைத்திருக்கிறாராம்.
-பட்டுவாடாவில் புது 'டெக்னிக்'
பார்லிமென்ட் தேர்தலில் மேலிடத்திலிருந்து அனுப்பிய, 'காந்தி'யை, இஷ்டத்துக்கு பங்கிட்டுக் கொடுத்த குக்கர்காரர்களுக்கு, இம்முறை, 'செக்' வைத்துள்ளனர். போட்டோ, ஆதார் கார்டு உள்ளிட்டவைகளை கொடுத்தால் மட்டுமே, பட்டுவாடாவாம்.-
ரவுடிகள் பாதுகாப்பு பிரசாரத்தில் சிக்கல்
மாம்பழ மாவட்டத்து வல்லியான ஊரில், சூரிய கட்சிக்காக போட்டியிடும் ப்ரியமான பெண்மணிக்கு பாதுகாவலர்களாக ரவுடிகள் நியமிக்கப்பட்டுள்ளனர். இது, பிரசாரத்துக்கு போகும் இடங்களில், கடும் சிக்கலை ஏற்படுத்துகிறதாம்.