'நீங்க பெத்து போடுங்க நாங்க சோறு போடுறோம்'

''நீங்கள் பெத்து போடுற வேலைய பாருங்கள்; நாங்கள் உணவு போடுற வேலையை பார்க்கிறோம்,'' என, வேலுாரில் அமைச்சர் துரைமுருகன் ஓட்டு சேகரிப்பின்போது பேசினார்.

தி.மு.க., பொதுச்செயலரும், அமைச்சருமான துரைமுருகன் மகன் கதிர் ஆனந்த், வேலுார் லோக்சபா தொகுதி வேட்பாளராக போட்டியிடுகிறார். அவருக்கு ஓட்டு கேட்டு, அமைச்சர் துரைமுருகன் வேலுாரில் பிரசாரத்தில் ஈடுபட்டார்.

அதில் அவர் பேசுகையில்,''கருணாநிதி சத்துணவு திட்டத்தை கொண்டு வந்தார். அவர் மகன் காலை உணவை கொண்டு வந்தார். இருவேளை உணவு கொடுக்கிறோம். இரவும் சப்பாத்தி போட்டால் என்ன என்று நானும், ஸ்டாலினும் பேசிக் கொண்டிருந்தோம். அதுவும் சீக்கிரமே நடக்கும். அதனால், மக்களே நீங்கள் பெத்து போடுற வேலையை பாருங்க; நாங்க உணவு போடுற வேலையை பார்க்குறோம்,'' என்றார்.