செட்டில் ஆகலாம்!

கையின் ரகசிய வேலை

நீண்ட போராட்டத்துக்குப் பின், கை கட்சியை தன்னகத்தே வைத்துக் கொண்டது சூரிய கட்சி. இதற்காக, சில கூடுதல் தொகுதிகளை விட்டுக் கொடுத்தனர். இதையடுத்து, சூரிய கட்சி சார்பில் கருத்துக் கணிப்புக்கு போனவர்கள் பலரும், கை கட்சியினர் பற்றி விசாரித்துள்ளனர். அக்கட்சியினர் பலரும், பல தொகுதிகளில் விசிலுக்கு ரகசியமாக வேலை செய்து வருவதை கண்டுள்ளனர். இதை சூரிய கட்சி தலைமைக்கு தெரியப்படுத்த, 'விடுங்க பாத்துக்கலாம்' என்று சொல்லி விட்டனராம்.

கிடுகிடுக்கும் பவன்

3. கை கட்சியின் செல்வமான தலைவர் மீது அடுத்த புகாரை கிளப்புகின்றனர். மாம்பழ கட்சியைச் சேர்ந்த மணியான தலைவரின் மகனான தமிழனாரை பெங்களூருக்கு பக்கத்தில் உள்ள மாவட்டத்தின் ஒரு தொகுதிக்கு கை கட்சி சார்பில் வேட்பாளராக்கினர். 'நேற்று கட்சியில் சேர்த்து, இன்று வேட்பாளர் ஆக்குவதா?' என கதர்கள் பலரும் கொந்தளிப்பதோடு, 'பெரிய தொகை ஐம்பதை வாங்கிக் கொண்டு, சீட் கொடுத்திருக்காங்க' எனவும் மூர்த்தி பவனை கிடுகிடுக்க வைக்கின்றனராம்.