தமிழகத்தில் ஏப்ரல் 23ல் ஒரே கட்டத் தேர்தல்!

மார் 15, 2026 04:42 pm 9

தமிழகத்தில் ஏப்ரல் 23ல் ஒரே கட்டத் தேர்தல்!

வாசிக்க நேரம் இல்லையா? செய்தியைக் கேளுங்கள்

நமது நிருபர்
தமிழக சட்டசபை தேர்தல் ஏப்ரல் 23ம் தேதி ஒரே கட்டமாக நடைபெறும் என இந்திய தேர்தல் கமிஷன் அறிவித்துள்ளது.

தமிழகம், புதுச்சேரி, கேரளம், மேற்கு வங்கம், அசாம் ஆகிய, ஐந்து மாநிலங்களுக்கு சட்டசபை தேர்தல் தேதியை இன்று (மார்ச் 15) இந்திய தேர்தல் கமிஷன் வெளியிட்டது.
டில்லி விஞ்ஞான் பவன் அரங்கில் மாலை 4 மணிக்கு செய்தியாளர் சந்திப்பில், தலைமை தேர்தல் கமிஷனர் ஞானேஷ்வர் குமார் உள்ளிட்ட தேர்தல் கமிஷனர்கள் தேர்தல் அட்டவணையை வெளியிட்டனர்.
தமிழக சட்டசபை தேர்தல் (ஏப்.,23 )
* வேட்பு மனு தாக்கல் துவக்கம்- 30.03.2026
* வேட்பு மனு தாக்கல் கடைசி நாள்- 06.04.2026
* வேட்பு மனு பரிசீலனை -07.04.2026
* வேட்பு மனு வாபஸ் -9.04.2026
* ஓட்டுப்பதிவு- 23.04.2026
* ஓட்டு எண்ணிக்கை- 4.05.2026
அதேபோல், கேரளம், புதுச்சேரி, மேற்குவங்கம், அசாம் ஆகிய 4 மாநில சட்டசபை தேர்தல் தேதிகளும் அறிவிக்கப்பட்டுள்ளது.
அசாம் சட்டசபை தேர்தல் (ஏப்.,09 )
* வேட்பு மனு தாக்கல் துவக்கம்- 16.03.2026
* வேட்பு மனு கடைசி நாள்- 23.03.2026
* வேட்பு மனு பரிசீலனை-24.03.2026
* வேட்பு மனு வாபஸ் -26.03.2026
* ஓட்டுப்பதிவு- 9.04.2026
* ஓட்டு எண்ணிக்கை- 4.05.2026
கேரளா மற்றும் புதுச்சேரி சட்டசபை தேர்தல் (ஏப்.,09 )
* வேட்பு மனு தாக்கல் துவக்கம்- 16.03.2026
* வேட்பு மனு கடைசி நாள்- 23.03.2026
* வேட்பு மனு பரிசீலனை-24.03.2026
* வேட்பு மனு வாபஸ் -26.03.2026
* ஓட்டுப்பதிவு- 09.04.2026
* ஓட்டு எண்ணிக்கை- 4.05.2026
மேற்குவங்கம் சட்டசபை தேர்தல் (இரண்டு கட்டம்)
முதல் கட்டம்
* வேட்பு மனு தாக்கல் துவக்கம்- 30.03.2026
* வேட்பு மனு பரிசீலனை- 06.04.2026
* வேட்பு மனு கடைசி நாள்-07.04.2026
* வேட்பு மனு வாபஸ் -09.04.2026
* ஓட்டுப்பதிவு- 23.04.2026
* ஓட்டு எண்ணிக்கை- 4.05.2026
இரண்டாம் கட்டம்
* வேட்பு மனு தாக்கல் துவக்கம்- 02.04.2026
* வேட்பு மனு பரிசீலனை- 09.04.2026
* வேட்பு மனு கடைசி நாள்-10.04.2026
* வேட்பு மனு வாபஸ் -13.04.2026
* ஓட்டுப்பதிவு- 29.04.2026
* ஓட்டு எண்ணிக்கை- 4.05.2026

ஜனநாயக திருவிழா

டில்லியில் நிருபர்களிடம் தலைமை தேர்தல் கமிஷனர் ஞானேஷ் குமார் கூறியதாவது: தேர்தல் நடக்க உள்ள மாநிலங்களில் ஏற்பாடுகளை தேர்தல் கமிஷன் ஆய்வு செய்தது. தகுதியான ஒரு வாக்காளர் கூட விடுபடக்கூடாது என்ற நோக்கில் எஸ்.ஐ.ஆர்., பணிகள் நடந்தன. இது எஸ்ஐஆர் பணிகளுக்குப் பிறகு நடக்கும் தேர்தல். தமிழகத்தில் ஒட்டுமொத்தமாக 5.67 வாக்காளர்கள் உள்ளனர்.

5 மாநிலங்களில் 2.18 லட்சம் வாக்குச்சாவடிகள் உள்ளன. சராசரியாக 700 பேருக்கு ஒரு வாக்குச்சாவடி அமைக்கப்படும். தமிழகத்தில் 75,032 வாக்குச்சாவடிகள் அமைக்கப்படும். பாதுகாப்பு பணியில் 8.5 லட்சம் பேர் ஈடுபடுவார்கள். அசாம், கேரளா, மேற்குவங்கம், தமிழகம், புதுச்சேரி ஆகிய 5 மாநிலங்களில் தேர்தல் நடத்துவது தொடர்பாக உரிய அலுவலர்களுடன் ஆலோசனை நடத்தி உள்ளோம்.

பூத் அலுவலகர்கள் முதல் அனைத்து தேர்தல் அலுவலர்களும் சுமுகமான தேர்தலுக்கு பொறுப்பாவார்கள். அவர்களுக்கு வாழ்த்துக்கள் . நேர்மையான, அமைதியான தேர்தல் நடத்த கமிஷன் முடிவு செய்துள்ளது. 5 மாநிலங்களில் மொத்தம் 17.04 கோடி வாக்காளர்கள் உள்ளனர். இது ஜனநாயக திருவிழா ஆகும். இவ்வாறு ஞானேஷ்குமார் கூறினார்.

தினமலர் நேரலை; வீடியோ பாருங்கள்!
டில்லியில் தேர்தல் கமிஷனர்கள் 5 மாநில சட்டசபை தேர்தலுக்கான தேர்தல் தேதியை அறிவித்தனர். இவர்களது நிருபர்கள் சந்திப்பு, தினமலர் யுடியூப் உள்ளிட்ட இணையத்தில் நேரடி ஒளிபரப்பு செய்யப்பட்டது.
வீடியோவை பார்க்க இங்கே கிளிக் செய்யவும்.
https://www.youtube.com/live/-SxlxipdTGU?si=IHqQk_eUVDIOuVHI

வாசகர்கள் கருத்துகள் (9)

கருத்துக்களை எழுதுங்கள்... Send Post

V Venkatachalam, Chennai-87

மார் 15, 2026 07:37 pm

இவுரு பதவி நீக்கம் மனு என்னாச்சி? ஏப்ரல் 23 அன்று பதவியில் இருப்பாரா? 118 பேர் சுருட்டி வச்சிருந்த போர்க்கொடியை தூக்கி இருக்காங்களே.

Reply Rate this

Srprd

மார் 15, 2026 06:52 pm

பகுதி "ஜனநாயக திருவிழா" : தமிழகத்தில் 5.67 கோடி வாக்காளர்கள் உள்ளனர்.‌

Reply Rate this

Anantharaman Srinivasan

மார் 15, 2026 06:23 pm

ஏப்ரல் 23 ம் தேதி ஒரு கட்சிக்கு முடிவுரை எழுதப்படும். Result May 4ம் தேதி.

Reply Rate this

Mani . V

மார் 15, 2026 06:08 pm

மக்களின் வரிப்பணத்தில் தண்டச் சம்பளம் வாங்கும் தேர்தல் ஆணையம், பாஜக வின் புரிந்துணர்வுக் கூட்டணிக் கட்சியான திமுக நிறைவேற்றவே முடியாத, தொடரவே முடியாத திட்டங்களை அறிவித்து மக்களை ஏமாற்றும் வரை காத்திருந்து விட்டு, ஒரு மாத இடைவெளியில் தேர்தலை அறிவிப்பது மொள்ளமாரித்தனம். மூன்று மாதம் முன்பே அறிவித்து இருக்க வேண்டியதுதானே?

Reply Rate this

Kannan Chandran

மார் 15, 2026 05:10 pm

May 4: ஓட்டு இயந்திரத்தில் மோசடி செய்து எடப்பாடி ஆட்சியை பெற்றுள்ளார் என அப்போது புலம்புவார் தற்பொழுதைய விடியலார்.

Reply Rate this

M VASAN

மார் 15, 2026 05:08 pm

டீவியில் தேர்தல் தேதி அறிவித்துக்கொண்டிருக்கும்போதே ரயிலில் எல்லா டிக்கெட்டுகளும் புக் ஆகி விட்டனவே இது எப்படி?

தனியார் மற்றும் அரசு மற்றும் அரசு சார்பு நிறுவனங்களில் வேலை செய்பவர்கள் வெள்ளிகிழமை லீவு கிடைக்காமல் சொந்த ஊரு போய் வாக்கு செலுத்த இயலாமல் அந்த வாக்குகள் எல்லாம் வீணாக போக அருமையாக உழைத்த உயர் அதிகாரிகளுக்கெல்லாம் நன்றிகள்

Reply Rate this

N PRAKALATHAN

மார் 15, 2026 05:06 pm

தேர்தல் நடத்துங்கள். ஆனால் நியாமாக நடக்கும் என்று எதிர்பார்ப்பது நியாயமற்றது. இதில் பாதிக்கப் படுவது சாதாரண குடிமகன் தான்.

Reply Rate this

SUBBU,MADURAI

மார் 15, 2026 04:52 pm

இன்று காலை 10.40 மணிக்கு தினமலரில் நான் போட்ட பதிவு: தமிழகத்தில் மே மாதம் சித்திரை திருவிழா வருவதால் அநேகமாக ஏப்ரல் மாதம், 22 அல்லது 23 ல் தேர்தல் தேதியை
அறிவிக்க வாய்ப்பு உண்டு.

Reply Rate this