அன்புமணி சொத்து மதிப்பு ரூ.33.85 கோடி

தர்மபுரி :தர்மபுரி லோக்சபா தொகுதி, பா.ம.க., வேட்பாளர் அன்புமணி, தாக்கல் செய்த வேட்புமனுவில், 33 கோடியே, 85 லட்சத்து, 35 ஆயிரத்து, 112 ரூபாய் அசையும், அசையா சொத்து உள்ளதாக, குறிப்பிட்டுள்ளார். அதில், 29 லட்சத்து, 16 ஆயிரத்து, 480 ரூபாய் மதிப்பில், 960 கிராம் தங்கம் உட்பட வங்கி இருப்பு, இன்சூரன்ஸ் உள்ளிட்டவற்றில் தனது பெயரில் அசையும் சொத்து, 33 லட்சத்து, 64 ஆயிரத்து, 543 ரூபாய் உள்ளதாக தெரிவித்துள்ளார். சொந்தமாக கார் மற்றும் அசையா சொத்துக்கள் இல்லை என, தெரிவித்துள்ளார்.

தனது மனைவி சவுமியா பெயரில், 151 கேரட் வைரம், 2,927 கிராம் தங்கம், 25.90 கிலோ வெள்ளி, ஒரு ஹோண்டா ஹாஸ் கார், வங்கி கணக்கு, இன்சூரன்ஸ் உட்பட மொத்தம் ஒன்பது கோடியே, 47 லட்சத்து, 22 ஆயிரத்து, 445 ரூபாய் உள்ளதாக குறிப்பிட்டுள்ளார். மகள்கள் சம்யுக்தா பெயரில், தங்கம் உள்ளிட்ட அசையும் சொத்துக்கள், 21 லட்சத்து, 85 ஆயிரத்து, 173 ரூபாய், சங்கமித்ராவிடம், 45 லட்சத்து, 5,932 ரூபாய் இருப்பதாக தெரிவித்துள்ளார்.மனைவி சவுமியா பெயரில், அசையா சொத்துக்கள், 23 கோடியே, 37 லட்சத்து, 57 ஆயிரத்து, 10 ரூபாய் உள்ளதாகவும், அவரது பெயரில், ஏழு கோடியே, 26 லட்சத்து, 81 ஆயிரத்து, 681 ரூபாய், கடன் உள்ளதாகவும் தெரிவித்துள்ளார்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)