எதிர்க்கட்சி அந்தஸ்தை காங்கிரஸ் கைவிட்டது: போதுமான எம்.பி.,க்கள் இல்லாததால் முடிவு

புதுடில்லி : பார்லியில் போதுமான, எம்.பி.,க்கள் இல்லாததால், லோக்சபாவில், எதிர்க்கட்சித் தலைவர் அந்தஸ்தை கோருவதில்லை என, காங்கிரஸ் முடிவு செய்துள்ளது.



டில்லியில், நேற்று நடந்த கட்சியின், எம்.பி.,க்கள் கூட்டத்தில், கட்சியின், பார்லிமென்ட் குழுத் தலைவராக, சோனியா மீண்டும் தேர்வு செய்யப்பட்டுள்ளார்.சமீபத்தில் நடந்த, லோக்சபா தேர்தலில், காங்., 52 தொகுதிகளில் மட்டுமே வென்றது. இதையடுத்து, தேர்தல் தோல்விக்கு பொறுப்பேற்று, கட்சித் தலைவர் பதவியில் இருந்து விலகுவதாக, காங்., தலைவர், ராகுல் அறிவித்திருந்தார்.கட்சியின் உயர்நிலை குழுவான, செயற்குழு கூட்டத்தில், தலைவர் பதவியை ராஜினாமா செய்வதாகவும், புதிய தலைவரை அடையாளம் காணும் படியும், ராகுல் கூறியிருந்தார்.ஆனால், அதை, செயற்குழு நிராகரித்தது. தலைவர் பதவியில், ராகுல் தொடர வேண்டும் என, மூத்த தலைவர்கள் தொடர்ந்து வலியுறுத்தி வருகின்றனர். ஆனாலும், தன் முடிவில் ராகுல் உறுதியாக இருப்பதாக கூறப்படுகிறது.

அதே மண்டபம்



இந்தப் பிரச்னை பெரிதாக வெடித்திருக்கும் நிலையில், டில்லியில், காங்கிரஸ், எம்.பி.,க்கள், கூட்டம், நேற்று நடைபெற்றது. தேர்தல் தோல்விக்கு பிறகு, ராகுல், யாரையும் சந்திக்காமலும், நிகழ்ச்சிகளில் பங்கேற்காமலும் இருந்தார்.தேர்தல் முடிவுகள் வந்தவுடன், சில நிமிட நிருபர்கள் சந்திப்பு; மத்திய அமைச்சரவை பதவியேற்பு ஆகியவற்றில் மட்டுமே அவர் பங்கேற்றார். இந்நிலையில், கட்சியின், எம்.பி.,க்கள் கூட்டத்திற்காக, அவர் பார்லிமென்டிற்கு நேற்று வந்திருந்தார்.தே.ஜ., கூட்டணி,எம்.பி.,க்கள் கூட்டம் நடைபெற்ற அதே மைய மண்டபத்தில், காங்கிரஸ், எம்.பி.,க்கள் கூட்டம் நடைபெற்றது.
மலர் அலங்காரங்கள் ஏதுமில்லாமல், வெகு சாதாரணமாக காட்சி யளித்த அந்த இடத்தில், காங்கிரஸ் பார்லிமென்ட் கட்சித் தலைவர் தேர்வு நடைபெற்றது.முன்னாள் பிரதமர் மன்மோகன் சிங் முன்மொழிய, எம்.பி.,க்கள் ஜோதிமணி மற்றும் சுதாகரன் ஆகியோர் வழிமொழிய, பார்லி மென்ட் காங்கிரஸ் கட்சித் தலைவர்பதவியில் ஏற்கனவே இருந்து வரும் சோனியா, மீண்டும் ஒருமனதாக அப்பதவிக்கு தேர்வு செய்யப்பட்டார்.

தீவிரம்



இக்கூட்டத்திற்கு, லோக்சபா தேர்தலில் வெற்றி பெற்ற, 52 எம்.பி.,க்களும் வந்திருந்தனர். அவர்களோடு, ராஜ்யசபா எம்.பி.,க்களும் கலந்து கொண்டனர்.கூட்டத்தில் ராகுல் பேசியதாவது: முதலில் நீங்கள் ஒவ்வொருவரும், யார் என்பதை உணர வேண்டும். ஒவ்வொரு இந்திய குடிமகனுக்காகவும் வாதிடப் போகும் நபர்கள், நீங்கள். உங்களுக்கு எதிராக, வெறுப்பும், கோபமும் நிச்சயம் கிளம்பும்.காரணம், காங்கிரஸ் இல்லாத இந்தியா தேவை என, பா.ஜ., சொல்லி வருகிறது. எதிர்க்கட்சிகளே தேவையில்லை என, அந்தக் கட்சி நினைக்கிறது. எனவே, இதைப் புரிந்து கொண்டு, நீங்கள் தீவிரமாக செயலாற்ற வேண்டும்.பா.ஜ.,வை எதிர்கொள்வதற்கு, வெறும், 40 எம்.பி.,க்கள் மட்டுமே போதும். ஆனால், இம்முறை,நம்மிடம், 52 பேர் உள்ளனர். கவலையே வேண்டாம்.
ஒவ்வொரு நாளும், பா.ஜ.,வை ஆட்டிப் படைத்து விடலாம். குறைந்த, எம்.பி.,க்கள் என்பதால், சபைக்குள், நமக்கு போதுமான நேரம் கிடைக்காது; பரவாயில்லை. இரண்டே இரண்டு நிமிடங்கள்கூட போதும்; பா.ஜ.,வை, தலைகீழாக புரட்டிப் போட்டு விட முடியும். நமக்கு வழிகாட்ட, மூத்த தலைவர்கள் பலர் உள்ளனர். எனவே, புத்துணர்வோடு களமிறங்கினால், நினைத்ததை சாதித்து விடலாம்.இவ்வாறு, ராகுல்பேசினார்.
இந்நிலையில், எதிர்க்கட்சித் தலைவர் அந்தஸ்தை கோரப் போவதில்லை என, கட்சி முடிவு செய்துள்ளது. இது குறித்து, கட்சியின் செய்தித் தொடர்பாளர், ரண்தீப் சுர்ஜேவாலா கூறியதாவது: விதிகளின்படி, மொத்த முள்ள, எம்.பி.,க்களில், 10 சதவீதம் உள்ளகட்சியே, எதிர்க்கட்சி அந்தஸ்தை கோர முடியும். கடந்த லோக்சபாவில், 44 எம்.பி.,க்கள் மட்டுமே இருந்ததால், இந்த அந்தஸ்தை, பா.ஜ., அரசு அளிக்கவில்லை.தற்போதைய லோக்சபாவில், காங்.,குக்கு, 52 எம்.பி.,க்கள் மட்டுமே உள்ளனர். எதிர்க்கட்சித் தலைவர் அந்தஸ்து கோருவதற்கு தேவையான எண்ணிக்கையைவிட, இரண்டு இடங்கள் குறைவாக உள்ளதால், அந்த அந்தஸ்தை கோருவ தில்லை என, முடிவு செய்துள்ளோம்.அதே நேரத்தில், இந்த அந்தஸ்தை தருவது குறித்து, ஆளும், பா.ஜ., முடிவு எடுக்கலாம். இவ்வாறு அவர் கூறினார்.

ஆசாத்



காங்.,தலைவர் பதவி யில் இருந்து விலகுவதாக ராகுல் அறிவித்துள்ள நிலையில், கட்சியின் பார்லிமென்ட் குழுத் தலைவராக சோனியா மீண்டும் தேர்வு செய்யப்பட்டுள்ளார்.அதைத் தொடர்ந்து, லோக்சபா மற்றும் ராஜ்ய சபாவில், கட்சியின் தலைவர் தேர்ந்தெடுக்கப்பட வேண்டும். கடந்த முறை, கட்சியின் லோக்சபா தலைவராக, மூத்த தலைவர் மல்லிகார்ஜுன கார்கே இருந்தார்.தற்போது நடந்த தேர்த லில், அவர் தோல்வி அடைந்துள்ளார். அதனால், புதிய தலைவரை கட்சி தேர்ந்தெடுக்க உள்ளது.கடந்த முறை, கட்சியின் ராஜ்யசபா தலைவராக, மூத்த தலைவர், குலாம் நபி ஆசாத் இருந்தார்; அவரே தொடருவார் என, எதிர்பார்க்கப்படுகிறது.

எழுச்சி பெறுவோம்!



கூட்டத்தில், சோனியா பேசியதாவது:இரவு, பகலாக, ராகுல் உழைத்தார். அனைத்து தரப்பினரது ஆதரவும் கிடைத்ததால் தான், ராஜஸ்தான், மத்திய பிரதேசம், சத்தீஸ்கர் ஆகிய மாநிலங்களில், காங்கிரஸ் ஆட்சியை அமைக்க முடிந்தது.நம் கட்சிக்கு, 12.13 கோடி பேர் ஓட்டளித்துள்ளனர்; அவர்களுக்கு நன்றி. எம்.பி.,க்கள், சிறிய எண்ணிக்கையில் இருந்தாலும், அனைவரையும் அரவணைத்து செல்ல, மத்திய அரசு எடுக்கும் நடவடிக்கைகளுக்கு, ஒத்துழைப்பு அளிப்போம். அதேசமயம், பிளவுபடுத்தும்நடவடிக்கைகளை எதிர்ப்போம்.நாங்கள், விழிப்புடனிருக்கும், மனசாட்சி கொண்ட எதிர்க்கட்சி என்பதை, நாட்டு மக்களுக்கு காட்டுவோம். இனிமேல் தான், மிகப் பெரிய சவால்கள் உள்ளன. அந்த சவால்களை, வாய்ப்புகளாக பயன்படுத்தி கொள்வோம். கண்டிப்பாக, மீண்டும் எழுச்சி பெறுவோம்.மக்களின் நம்பிக்கையை, மீண்டும் பெற, கடினமாக உழைப்போம்.இவ்வாறு, சோனியா பேசினார்.

-- நமது டில்லி நிருபர் -


Rameeparithi - Bangalore,இந்தியா
02-ஜூன்-2019 19:11 Report Abuse
Rameeparithi காணாமல் போகிற கட்சிக்கு எதிர் கட்சி அந்தஸ்து வேற … மணிமேகலைக்கு எப்பவோ மங்கலம் பாடியாச்சுன்னா ...
02-ஜூன்-2019 15:11 Report Abuse
kulandhai Kannan இதே பெருந்தன்மையை வரும் ஐந்தாண்டுகளும் கடைபிடித்தால் காங்கிரஸ் உருப்பட வழியுண்டு.
sankar - new jersy,யூ.எஸ்.ஏ
02-ஜூன்-2019 18:11Report Abuse
sankarசரத் பாவருடன் பேரம் படியலை அதான் இந்த முடிவு...
R. Vidya Sagar - Chennai,இந்தியா
02-ஜூன்-2019 11:41 Report Abuse
R. Vidya Sagar பார்லிமென்ட் கட்சி தலைவர் பதவிக்குக்கூட நேரு குடும்பத்தை விட்டால் நாதியில்லை என்று இருக்கும் கட்சிக்கு என்ன பெரிய எதிர்க்கட்சி தலைவர் அந்தஸ்து தேவை படுகிறது?
RM -  ( Posted via: Dinamalar Android App )
02-ஜூன்-2019 10:13 Report Abuse
RM On Election commissions sight itself lot of discrepancies about the vote counted and registered .BJP has a big responsibility to explain this first.EC now says this mistake occured during entry. This is not a responsible reply.We respect peoples decision for BJP. At the same time Election commission website giving discrepancies in 370 seats is to be viewed seriously.
ஆரூர் ரங் - சென்னை ,இந்தியா
02-ஜூன்-2019 09:01 Report Abuse
ஆரூர் ரங் பாஜக பெற்றது 37.4% ஓட்டுக்கள் காங்கிரஸ் பெற்றது 19.5% பாதி தான் .அட குடும்பச்சொத்தான அமேதியில்கூட தோல்வி .இதுவரை தோல்வியே கண்டிராத தொகுதிகளிலும் மூக்குடைப்பு. தோல்விக்கான நிஜக்காரணங்ளை இக்கூட்டத்தில் யாராவது விவாதித்தால் டிஸ்மிஸ் .தனது தவறையே புரிந்துகொள்ள தவறுபவன் தப்பித்தவறிகூட தேறமாட்டான் .பிரதமரை திருடன் எனச்சொன்னதற்கு வாக்களித்த மக்களிடம் போய் மனதார மன்னிப்புக் கேளுங்கள் அடுத்த தேர்தலிலாவது ஓரிரு சதவீதம் கூடுதல் ஒட்டு போடுவர்
Darmavan - Chennai,இந்தியா
02-ஜூன்-2019 09:16Report Abuse
Darmavanஎல்லாவற்றுக்கும் காரணம் அகம்பாவம்...
s t rajan - chennai,இந்தியா
02-ஜூன்-2019 08:39 Report Abuse
s t rajan உன் ஊரிலேயே உன்னை வெறுத்து விட்டார்கள். இப்போ நீ போய் பாரத்திருக்கா ஒரு இடத்திலே அதுவும் இந்துக்களை வெறுக்கும் கும்பலிடத்தில் பிச்சை பெற்று பாராளுமன்றம் போகப் போற. நீ குததம் சொன்ன சிதம்பரம் மகன் கூட எப்படியோ ஜெயிச்சுட்டாரு. இந்த அவலத்திலே பெரிய சவுண்டு விடறயே....அமைதியா அடக்கமா நேர்மையா நடந்து கொள்ளப் பழகு. அப்புறம் ஆள்வதைப் பற்றி யோசிக்கலாம்
Natarajan Ramanathan - தேவகோட்டை,இந்தியா
02-ஜூன்-2019 08:23 Report Abuse
Natarajan Ramanathan அலங்காரங்கள் ஏதுமில்லாமல், வெகு சாதாரணமாக காட்சியளித்த அந்த இடத்தில் ..............
Natarajan Ramanathan - தேவகோட்டை,இந்தியா
02-ஜூன்-2019 06:51 Report Abuse
Natarajan Ramanathan இந்தியா முழுதும் மிக நேர்மையாக செயல் பட்ட தேர்தல் ஆணையம் டுமீல் நாட்டில் மட்டும் கேவலம் இலவச பிரியாணிக்கும் ஒரு குவார்டருக்கும் சோரம்போனதேன்?
blocked user - blocked,மயோட்
02-ஜூன்-2019 06:49 Report Abuse
blocked user நாட்டின் எதிரிக்கூட்டணியை ஒரே கட்சியாக அங்கீகரித்தால் எதிர்க்கட்சி என்ற அந்தஸ்தை கொடுக்கலாம்.
கைப்புள்ள - nj,இந்தியா
02-ஜூன்-2019 06:42 Report Abuse
கைப்புள்ள சும்மா மோடி மோடி ன்னு மோடி வாலை புடிச்சு தூங்காம இனிமேலாச்சும் ஏதாச்சும் உருப்படியா பண்ணுங்க. சும்மா உனக்கு மோடி மேல காண்டு இருந்து என்ன பயன். நான் மோடியை விட பெரிய பருப்பு ன்னு காமி. அதற்க்கு முதல் கட்டமா உன்னோட காங்கிரஸ் காலத்துல நடந்த பல்லாயிர கணக்கான ஊழல்களில் ஒரு அஞ்சு பத்து ஊழல்களில் தொடர்புடைய எல்லோரும் மக்கள் கிட்ட பகிங்கரமா மன்னிப்பு கேட்டு ஒரு நாள் மக்கள் முன்னாடி சரண் அடையுங்க. இந்த நக்க்ஸல் எல்லாம் சரண் அடைவார்கள் அது மாறி. அங்க இருந்து திறந்த வெளி ஜீப்பில் எல்லோரையும் கூட்டிட்டு போயி ஜெயில்ல நீங்களே போடுங்க. அதுக்கப்புறம் பாருங்க மரியாதையை. அதுவரைக்கு வாய்ப்பில்லை ராஜா.
மேலும் 6 கருத்துக்கள்...
Login via Dinamalar:
New to Dinamalar ?
(Press Ctrl+g or click this   to toggle between English and Tamil)