புதிய அமைச்சர்களுக்கு உள்ள சவால்

புதுடில்லி: பிரதமர் மோடி தலைமையிலான புதிய அமைச்சரவையில் இடம் பெற்றுள்ளவர்களுக்கு, இலாகாக்கள் ஒதுக்கீடு செய்யப்பட்டன. அவர்களுள் ராஜ்நாத் சிங், அமித் ஷா மற்றும் நிர்மலா சீதாராமனுக்கு மிகப்பெரிய சவால்கள் காத்திருக்கின்றன.

ராஜ்நாத் சிங்:



கடந்த அமைச்சரவையில், உள்துறை அமைச்சராக இருந்த, ராஜ்நாத் சிங், இந்த முறை, ராணுவ அமைச்சராக நியமிக்கப்பட்டுள்ளார். 'நம் ராணுவத்தில் தற்போது இருக்கும் பெரும்பாலான ஆயுதங்கள் மற்றும் கருவிகள், பல ஆண்டுகளுக்கு முந்தையவை' என, ஒரு குற்றச்சாட்டு உள்ளது; இதை நவீன மயமாக்குவது, ராஜ்நாத்சிற்கு, மிகப் பெரிய சவாலாக இருக்கும்.

மொத்த பொருளாதார வளர்ச்சியில், மிக குறைந்த அளவிலான நிதியே, ராணுவத்துக்கு ஒதுக்கப்படுகிறது. எனவே, இந்த குறைந்த நிதியில், நவீனமயமாக்கும் நடவடிக்கைகளை மேற்கொள்வது, மிகப் பெரிய பணியாக, ராஜ்நாத் சிங்கிற்கு இருக்கும்.

அமித் ஷா:



உள்துறை அமைச்சராக, அமித் ஷா நியமிக்கப்பட்டுள்ளது, எதிர்காலத்தில், தேசிய அரசியலிலும், நாட்டின் வளர்ச்சியிலும், அவருக்கு உள்ள முக்கியத்துவத்தை காட்டுவதாக உள்ளதாக, அரசியல் பார்வையாளர்கள் கூறுகின்றனர். ஏற்கனவே, குஜராத் மாநில அமைச்சராக பதவி வகித்த அனுபவம் இருந்தாலும், தேசிய அளவில், முக்கியத்துவம் வாய்ந்த அமைச்சர் பதவியை நிர்வகிப்பதே, அமித் ஷா முன் உள்ள சவால்.

இவர்கள் தவிர, வெளியுறவு அமைச்சராக, முன்னாள் வெளியுறத் துறை செயலர், ஜெய்சங்கர் நியமிக்கப்பட்டுள்ளதும், ஆச்சரிய அதிர்வலைகளை ஏற்படுத்தியுள்ளது. வெளியுறவு கொள்கைகளை வகுப்பதிலும், அவற்றை செயல்படுத்தி, வெற்றி காண்பதிலும், மிகுந்த அனுபவம் உடையவர், ஜெய்சங்கர். போதிய அரசியல் அனுவம் இல்லை என்பது மட்டுமே, இவருக்கு உள்ள சவால்.

நிர்மலா சீதாராமன்:



மோடி தலைமையிலான முந்தைய அரசு பதவியேற்றதும், நிர்மலா சீதாராமனுக்கு, வர்த்தக துறை ஒதுக்கப்பட்டது. அதற்கு பின்தான், ராணுவ இலாகா, அவருக்கு ஒதுக்கப்பட்டது. வர்த்தக துறையை திறமையாக கையாண்ட அனுபவம் இருப்பதால், நிதித்துறையை கையாளுவது, அவருக்கு பெரிய சுமையாக இருக்காது.

இதற்கு முன், 1970 - 71ல், காங்கிரசின் இந்திரா, பிரதமராக இருந்தபோது, நிதித்துறையையும் கூடுதலாக கவனித்தார். அவருக்கு பின், நிதித்துறை அமைச்சராகியுள்ள பெண் என்ற பெருமை, நிர்மலாவுக்கு கிடைத்துள்ளது. அதேநேரத்தில், நாட்டின், முதல் முழுநேர பெண் நிதியமைச்சர் என்ற பெருமையையும், அவருக்கு கிடைத்து உள்ளது.

ஆண்கள் ஆதிக்கம் செலுத்தும், நிதித்துறையில், பெண் ஒருவர் நியமிக்கப்பட்டுள்ளது, இந்திய அரசியலில், ஆச்சரியத்தை ஏற்படுத்தி உள்ளது. இந்திய பொருளாதரத்துக்கு புத்தாக்கம் அளிப்பது, பொருளாதார வளர்ச்சியை நிலை நிறுத்துவது, பெரும் சர்ச்சையை ஏற்படுத்திய, சரக்கு மற்றும் சேவை வரி நடைமுறையை எளிமைப்படுத்துவது, புதிய வேலை வாய்ப்புகளை உருவாக்குவது ஆகியவை, புதிய நிதி அமைச்சராக பொறுப்பேற்றுள்ள, நிர்மலா சீதாராமனுக்கு உள்ள, மிகப் பெரிய சவால்கள்.


sundarsvpr - chennai,இந்தியா
01-ஜூன்-2019 13:55 Report Abuse
sundarsvpr நிர்மலா சீதாராமன் ஜெய்சங்கர் போன்ற பெயர்களை படிக்கும்போது தேர்ந்துஎடுக்கப்பட்ட 39 தமிழக எம் பி பெயர்கள் நினைவிற்கு வரவில்லை. இவர்கள் செயலாக்கம் தான் இனிமேல் பேசப்படும். அடுத்து பேசப்படுவது 2 ஜி பிரபலங்கள். எதிர்பாரா திருப்பங்கள் வரும்.
மனிதன் - Dubai,ஐக்கிய அரபு நாடுகள்
01-ஜூன்-2019 09:34 Report Abuse
மனிதன் வாழ்த்துக்கள் பெண்ணாக இருப்பதால் சவால்கள் பற்பல வடிவில் வரும் அவற்றை எதிர்கொண்டு வீறுகொண்டு வெற்றிநடை போடா எனது மனமார்ந்த வாழ்த்துக்கள் திருமதி நிர்மலா சீதாராமன் அவர்களுக்கு
Jegan Nicholas - Tirunelveli,இந்தியா
01-ஜூன்-2019 08:39 Report Abuse
Jegan Nicholas வெளியுறவு அமைச்சர் ஜெய்சங்கர் போதிய அரசியல் அனுவம் இல்லை ஆனால் அந்த துறைல அதிக அனுபவம் கொண்டவர் , அரசியல்வாதிகளுக்கு முக்கியத்துவம் கொடுக்காமல் அந்த துறைல வேலை தெரிந்தவர்களுக்கு முன்னுரிமை கொடுக்கப்பட்டுள்ளது , நல்ல தேர்வு
கருப்பட்டி சுப்பையா - முடிவைத்தானேந்தல், தூத்துக்குடி மாவட்டம் ,இந்தியா
01-ஜூன்-2019 07:41 Report Abuse
கருப்பட்டி சுப்பையா ஒரு பெண் , மந்திரி ஆனால் அட்டையில் படம் போட்டு " பெண் இனத்திற்கே பெருமை சேர்த்தவர்" என்று அட்டைப் படம் போடுவார்கள். இப்போது நிர்மலா சீ்தாராமன் , ஆண்டை/ ஜமீன் குடும்பம் அல்லாத ஒருவராக, நிதி மந்திரியாகப் பதவி ஏற்றிருக்கிறார். அவரைப் பாராட்ட பத்திரிகையும் வராது. குறிப்பாக இந்த விஷயத்தில் பெண்கள் சிறப்புப் பத்திரிகைகளுக்கு ...... ஒரு முறை சோற்றைக் , கௌரவமாகத்தான் தின்று பாருங்களேன்
Ranga - paapaanpuram,இந்தியா
01-ஜூன்-2019 08:10Report Abuse
Rangaஇந்திய நிலைமை எப்படி ஆகும் என்று பாரு......
Krishnamoorthi A N - Sathyamangalam,இந்தியா
01-ஜூன்-2019 10:58Report Abuse
Krishnamoorthi A Nஅடடா என்ன வயிறு ரொம்ப எரியுதோ? இன்னும் ஐந்து வருடங்களுக்கு இப்படியே புலம்பி சாகுங்கள்...
Login via Dinamalar:
New to Dinamalar ?
(Press Ctrl+g or click this   to toggle between English and Tamil)