'மாஜி' அதிகாரிக்கு தலைவர் பிரசாரம்
தாமரை கட்சியின் முன்னாள் தேசிய தலைவரான இன்றைய அமைச்சர், 'மாஜி' ஐ.பி.எஸ்., அதிகாரியான இளம் காளைக்கு பிரசாரம் செய்ய, 'ஓ.கே.,' சொல்லி விட்டாராம்.
-மருத்துவர் அறிவுரை மீறிய நடிகர்
காலில் அடிபட்ட அந்த நடிகரை, இரு நாட்களுக்கு ஓய்வெடுக்க மருத்துவர்கள் அறிவுறுத்தினராம். பிரசாரத்துக்குப் போகவில்லை என்றால், பல தொகுதிகளில், 'டார்ச்' ஒளி மங்கிவிடும்னு சொல்லி, மருத்துவர் அறிவுரையை மீறினாராம்.
அதிர்ச்சியில் உறைந்த தலைவர்
சூரிய கட்சித் தலைவர் பிரசாரத்தில், 'பிசி'யாக இருக்க, அவரை சந்தித்த கட்சியின் முக்கிய தலைவர் ஒருவர், 'அண்ணே... கொரோனாவாலதேர்தல் நிப்பாட்டப் பாக்குறாங்க'ன்னு சொல்ல, தலைவர் அதிர்ச்சியில் உறைந்து விட்டாராம்.
வீட்டை விற்க ஆள் தேடுறாங்க...
பூட்டுக்கு அடையாளப்படுத்தப்படும் ஊரின் சூரிய கட்சி தலைவரான சாமியானவர், குடும்பத்தில் இருவர் தேர்தலில் நிற்க, ஏகப்பட்ட துட்டு செலவாகுதாம். பணம் இல்லாமல் வீட்டை விற்க ஆள் தேடுகிறாராம்.
வீராவேச பேச்சுக்கு பின் வந்த நடுக்கம்
'மாட்டு வண்டியை கிளப்பி, மணல் அள்ளப் போங்க'ண்ணு வீராவேசம் பேசிய முருகன் பெயர் கொண்ட அந்த பாலாஜி தலைவர், இதை வெச்சே வேட்பு மனுவை தள்ளுபடி பண்ணிடுவாங்களோன்னு நடுங்கியதைப் பார்த்து உடன் பிறப்புக்கள் சிரித்தனராம்.
வாசகர் கருத்து