மத்திய அமைச்சரவையில் 4 கர்நாடக எம்.பி.,க்கள்

புதுடில்லி : இன்று (மே 30) மாலை பதவியேற்க உள்ள பிரதமர் மோடி தலைமையிலான புதிய மத்திய அமைச்சரவையில் கர்நாடகாவை சேர்ந்த 4 எம்.பி.,க்கள் இடம்பெற உள்ளதாக தகவல் வெளியாகி உள்ளது. இவர்களில் 2 பேர் முந்தைய மோடி அமைச்சரவையில் மத்திய அமைச்சர்களாக இருந்தவர்கள் என்பது குறிப்பிடத்தக்கது. கர்நாடகாவில் இருந்து எம்பியான சதானந்த கவுடா, நிர்மலா சீதாராமன் ஆகியோருக்கு மீண்டும் மத்திய அமைச்சர் பதவி வழங்கப்பட உள்ளது. இவர்கள் தவிர ஹூப்ளி மாவட்டம் தர்வத் தொகுதி எம்.பி., பிரல்ஹத் ஜோஷி மற்றும் பிலாகவி எம்.பி., சுரேஷ் அங்கடி ஆகிய 2 பேருக்கும் இன்று மாலை மோடியை சந்திக்க வர அழைப்பு வந்துள்ளது. பிரதமர் அலுவலகத்தில் இருந்து இவர்களுக்கு அழைப்பு வந்துள்ளது உறுதி செய்யப்பட்டுள்ளது.இவர்களில் ஜோஷி மற்றும் அங்கடி ஆகிய இருவரும் கர்நாடகாவில் இருந்து 4 வது முறையாக எம்.பி.,யாக தேர்வு செய்யப்பட்டவர்கள். உத்தர கன்னடா எம்.பி., அனந்த் குமார் ஹெக்டே இவர்களை அனைவரையும் விட கர்நாடகாவில் இருந்து தேர்வு செய்யப்பட்டுள்ள மூத்த தலைவர். ஆனால் மத்திய அமைச்சரவையில் இவர் இடம்பெறுவது இதுவரை உறுதி செய்யப்படவில்லை. ஹெக்டே, மோடியின் முந்தைய அமைச்சரவையில் திறன் மேம்பாட்டு துறை இணையமைச்சராக இருந்தவர்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)