அமைச்சர் பதவி; எதிர்பார்ப்பில் எம்.பி.,க்கள்

புதுடில்லி: 5 மணி நேர தீவிர ஆலோசனைக்கு பின், பிரதமர் மோடியும், பா.ஜ., தலைவர் அமித் ஷாவும் மத்திய அமைச்சரவை உறுப்பினர்களின் பட்டியலை இறுதி செய்துள்ளனர்.

லோக்சபா தேர்தலில் பா.ஜ., தனிப்பெரும்பான்மையுடன் வெற்றி பெற்றதையடுத்து, பிரதமராக இரண்டாவது முறையாக, மோடி ஜனாதிபதி மாளிகையில், இன்று(மே 30) பதவியேற்க உள்ளார். இந்நிலையில் பிரதமர் மோடியும், பா.ஜ., தேசிய தலைவர் அமித் ஷாவும், நேற்று தீவிர ஆலோசனையில் ஈடுபட்டனர். 5 மணி நேரம் நடந்த இந்த ஆலோசனையில், புதிய அமைச்சரவையில் இடம் பெறும் உறுப்பினர்களின் பட்டியலை அவர்கள் இறுதி செய்துள்ளனர். அமைச்சர்கள் யார் என்பது மிகவும் ரகசியமாக வைக்கப்பட்டுள்ளது.

மோடி அல்லது அமித் ஷா யாரிடமிருந்தாவது போன் அழைப்பு வந்தால் மட்டுமே அமைச்சர் பதவி கிடைக்கும் நிலை ஏற்பட்டுள்ளது. எனவே அழைப்பு வரும் என்ற எதிர்பார்ப்பில் எம்.பி.,க்கள் காத்து கிடக்கின்றனர். முன்னதாக டில்லிக்கு வரும்படி அழைப்புகள் தே.ஜ., கூட்டணி தலைவர்களுக்கு வந்தால், அழைப்புகளை நம்ப வேண்டாம் என பிரதமர் மோடி எச்சரித்திருந்தது குறிப்பிடத்தக்கது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)