தோல்விக்கான இரு காரணங்கள்: கெஜ்ரிவால்

புதுடில்லி: டில்லியில் உள்ள அனைத்து இடங்களிலும் தோல்வி அடைந்தது குறித்து, ஆம் ஆத்மி தொண்டர்களுக்கு அக்கட்சியின் தலைவர் கெஜ்ரிவால் கடிதம் எழுதி உள்ளார்.

லோக்சபா தேர்தலில், டில்லியில் உள்ள 7 தொகுதிகளிலும், தனித்துப் போட்டியிட்ட ஆம் ஆத்மி கட்சி தோல்வியை தழுவியது. அனைத்து தொகுதிகளையும் கைபற்றிய பா.ஜ., தனது அசுர பலத்தை காண்பித்தது. இந்நிலையில் கட்சி தொண்டர்களுக்கு, அக்கட்சியின் தலைவர் கெஜ்ரிவால் கடிதம் எழுதி உள்ளார்.

அதில் கூறப்பட்டுள்ளதாவது: லோக்சபா தேர்தலில் ஆம் ஆத்மி கட்சி தொண்டர்கள், முழு மூச்சுடன் உழைத்தனர். ஆனால் நாங்கள் எதிர்பார்த்த முடிவுகள் வரவில்லை. இதற்கு இரண்டு காரணங்கள் உள்ளன.

நாடு முழுவதும் பா.ஜ.,வுக்கு ஆதரவாக வீசிய அலையே டில்லியிலும் காணப்பட்டது முதல் காரணம். இத்தேர்தலை மோடி - ராகுலுக்கு இடையேயான போட்டியாக மக்கள் கருதியது நம் தோல்விக்கான இரண்டாவது காரணம். இதற்காக மக்களிடம் சென்று எங்களுக்கு ஏன் ஓட்டு போடவில்லை என கேட்க முடியாது. இவ்வாறு கடிதத்தில் குறிப்பிடப்பட்டுள்ளது.

நாடு முழுவதும் 40 தொகுதிகளில் போட்டியிட்ட ஆம் ஆத்மி, பஞ்சாபில் ஒரு தொகுதியை தவிர்த்து அனைத்து இடங்களிலும் தோல்வியை தழுவியது. மேலும் டில்லியில் காங்., உடன் கூட்டணி வைத்து தேர்தலை சந்திக்க ஆம்ஆத்மி விரும்பியது. அது கைகூடாமல் போக தனித்தனியே போட்டியிட்டது குறிப்பிடத்தக்கது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)