நீலகிரியில் குறைந்த 'நோட்டா' ஓட்டுகள்

நீலகிரி,: நீலகிரி லோக்சபா தொகுதியில், 'நோட்டா' வுக்கு, 18 ஆயிரம் ஓட்டுகள் விழுந்து உள்ளன.நீலகிரி லோக்சபா தொகுதியில், 2014 லோக்சபா தேர்தலில், 9 லட்சத்து, 33 ஆயிரத்து, 493 பேர் வாக்களித்தனர். இதில், 46 ஆயிரத்து 559 பேர், 'நோட்டா'வுக்கு போட்டு தள்ளினர். அதாவது, மொத்தம் பதிவான வாக்குகளில், 6 சதவீதம் பேர், நோட்டாவை தேர்வு செய்து வாக்களித்தது, தேசிய அளவில், நீலகிரியை முதலிடம் பிடிக்கச் செய்தது.தற்போது, முடிவு வெளியாகியுள்ள லோக்சபா தேர்தலில், 'நோட்டா'வுக்கு, 18, ஆயிரத்து, 39 ஓட்டுகள் விழுந்துள்ளன. கடந்த முறையை விட, இம்முறை, 'நோட்டா'வுக்கான ஓட்டுகள் குறைந்துள்ளன.