ராஜஸ்தானில் ஆளும் காங்., படுதோல்வி

ஜெய்ப்பூர், : ராஜஸ்தானில் வீசிய பா.ஜ., அலையில் சிக்கி, ஆளும் காங்கிரஸ், மொத்தம் உள்ள, 25 தொகுதிகளிலும், படுதோல்வியை சந்தித்து உள்ளது.ராஜஸ்தானில், முதல்வர் அசோக் கெலாட் தலைமையிலான, காங்., ஆட்சி நடக்கிறது. கடந்த லோக்சபா தேர்தலில் வீசிய மோடி அலையில், மாநிலத்தில், 25 தொகுதிகளையும், பா.ஜ., கைப்பற்றியது. அப்போது, மாநிலத்தில், வசுந்தரா ராஜே தலைமையிலான, பா.ஜ., ஆட்சி நடந்து வந்தது. அதனால், அந்த வெற்றி, அப்போது பெரிதாக தெரியவில்லைராஜஸ்தானில், கடந்த ஆண்டு, நவம்பர் - டிசம்பரில், சட்டசபை தேர்தல் நடந்தது. மொத்தம் உள்ள, 200 தொகுதிகளில், 99ல் வென்று, தனிப்பெரும் கட்சியாக, காங்., வென்றது. பின், பகுஜன் சமாஜ், சுயேச்சைகள் ஆதரவுடன், காங்., ஆட்சி அமைத்தது. முதல்வராக, அசோக் கெலாட் பதவியேற்றார்.அதனால், லோக்சபா தேர்தலில், இம்முறை, காங்கிரசுக்கு, ராஜஸ்தான் பெருமளவில் உதவியாக இருக்கும் என, எதிர்பார்க்கப்பட்டது. ஆனால், நாடு முழுவதும் வீசிய பா.ஜ., அலையில், ராஜஸ்தானில், காங்கிரஸ் காணாமல் போய்விட்டது.மொத்தம் உள்ள, 25 தொகுதிகளிலும், பா.ஜ., மீண்டும் வெற்றி பெற்று, சாதனை படைத்துள்ளது. மத்திய அமைச்சரும், ஏதென்ஸ் ஒலிம்பிக்கில், வெள்ளிப் பதக்கம் வென்றவருமான, ராஜ்யவர்த்தன் சிங் ரத்தோர், முன்னாள் முதல்வர் வசுந்தரா ராஜேவின் மகன், துஷ்யந்த் உட்பட பா.ஜ., வேட்பாளர்கள் அனைவரும் வெற்றி வாகை சூடினர்.லோக்சபா தேர்தலில் ஏற்பட்ட படுதோல்வி, மிகவும் குறைந்த பெரும்பான்மையுடன் அமைந்துள்ள, காங்., ஆட்சிக்கு பெரும் சிக்கலை ஏற்படுத்தியுள்ளது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)

தேர்தல் விறுவிறு