110 பெண் வேட்பாளர்கள் மீது கிரிமினல் வழக்கு

புதுடில்லி: லோக்சபா தேர்தலில் போட்டியிடும் பெண் வேட்பாளர்களில், 110 பேர் மீது குற்ற வழக்குகள் உள்ளன.

நாடு முழுவதும் 7 கட்டங்களாக லோக்சபா தேர்தல் நடந்து வருகிறது. 6 கட்ட தேர்தல் முடிவடைந்துள்ள நிலையில், கடைசி கட்ட தேர்தலுக்கான ஓட்டுப்பதிவு, நாளை(மே 19) நடைபெறுகிறது. இந்நிலையில், லோக்சபா தேர்தலில் போட்டியிடும் பெண் வேட்பாளர்களில், 15 சதவீதத்தினர் மீது குற்ற வழக்குகள் உள்ளதாக, ஜனநாயக சீர்திருத்த அமைப்பு அறிக்கை வெளியிட்டுள்ளது.

அறிக்கையில் கூறப்பட்டுள்ளதாவது: லோக்சபா தேர்தலில் 724 பெண் வேட்பாளர்கள் போட்டியிடுகின்றனர். இவர்களில் 110 பேர் (15%) மீது கிரிமினல் வழக்குகள் உள்ளன. 8 பேர் குறித்து விவரங்கள் கிடைக்கப்பெறவில்லை.

பா.ஜ.,வில் அதிகம்:



காங்., சார்பில் போட்டியிடும் 54 பெண் வேட்பாளர்களில், 14 பேர் (26%) மீது கிரிமினல் வழக்குகள் உள்ளன. பா.ஜ.,வில் 53 பேரில் 18 பேர் (34%) மீதும், திரிணமுல் காங்.,கில் 23 பேரில் 6 பேர் (26%) மீதும், பகுஜன் சமாஜில் 24 பேரில் 2 பேர் (8%) மீதும் கிரிமினல் வழக்குள் உள்ளன. கடந்த 2014 லோக்சபா தேர்தலில் போட்டியிட்ட 665 பெண் வேட்பாளர்களில், 87 பேர் மீது குற்ற வழக்குகள் இருந்தது குறிப்பிடத்தக்கது.

36% கோடீஸ்வரர்கள்:



2019 லோக்சபா தேர்தலில் போட்டியிடும் பெண் வேட்பாளர்களில் 225 பேர் (36%) கோடீஸ்வரர்கள். இவர்களில் காங்.,கில் 82 சதவீதம் (44 பேர்), பா.ஜ.,வில் 83 சதவீதம் (44 பேர்), திரிணமுல் காங்.,கில் 65 சதவீதம் (15 பேர்) மற்றும் பகுஜன் சமாஜில் 38 சதவீதம் (9 பேர்) கோடீஸ்வரர்கள். பெண் வேட்பாளர்களின் சராசரி சொத்து மதிப்பு ரூ.5.63 கோடி. கடந்த 2014 லோக்சபா தேர்தலில், பெண் வேட்பாளர்களில் 219 பேர் கோடீஸ்வரர்களாகவும், போட்டியிட்ட பெண் வேட்பாளர்களின் சராசரி சொத்து மதிப்பு 10.62 கோடியாகவும் இருந்தது குறிப்பிடத்தக்கது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)