தேர்தல் முடிவு : பதற்றத்தில் பங்குச்சந்தைகள்

மும்பை : மே 23 ம் தேதி வெளியாக உள்ள லோக்சபா தேர்தல் முடிவுகள் எப்படி இருக்குமோ என்ற பதற்றம் இந்திய பங்குச்சந்தைகளையும் விட்டு வைக்கவில்லை. பிரதமர் மோடி மீண்டும் ஆட்சிக்கு வருவது கடும் போட்டியாகுமோ என்ற பயம் மற்றும் பதற்றம் காரணமாக பங்குச்சந்தைகள் , ரூபாய் மதிப்பு ஆகியன சரிவுடனேயே காணப்படுகின்றன.


விவசாயிகள் பிரச்னை, வேலையின்மை பிரச்னை ஆகியவற்றால் 2014 லோக்சபா தேர்தலை போன்ற மற்றொரு மாபெரும் வெற்றியை பிரதமர் மோடி பெறுவதில் சந்தேகம் எழுந்துள்ளது. நீண்டகால முதலீடுகளை மேற்கொள்வதில் இந்திய முதலீட்டாளர்கள் தயக்கம் காட்டி வருகின்றனர். பங்குச்சந்தைகள், பாண்டுகள் மதிப்பு கடுமையாக சரிவடையவும், சர்வதேச சந்தையில் ரூபாய் மதிப்பு 75 வரை செல்லவும் வாய்ப்புள்ளதாக சந்தை நிபுணர்கள் சிலர் தெரிவித்துள்ளனர்.

உலகின் மிகப் பெரிய ஜனநாயக நாடான இந்தியாவின் புதிய அரசை தேர்வு செய்வதற்கான பணிகள் மே 23 ல் துவங்க உள்ள நிலையில் இந்திய பங்குச்சந்தைகள் தள்ளாட்டத்துடன் காணப்படுகின்றன. டிசம்பர் மாதத்தில் நடந்த சட்டசபை தேர்தல்களில் 3 மாநிலங்களில் பா.ஜ., ஆட்சியை இழந்த போது, ஓட்டு எண்ணிக்கை நாளன்று இந்திய ரூபாய் மதிப்பு மிகவும் சரிந்தது. கிட்டதட்ட அதே போன்றதொரு நிலை தான் தற்போதும் ஏற்பட்டுள்ளதாக கூறப்படுகிறது.


மத்தியில் ஆளும் பா.ஜ., தோல்வி அடைந்தாலோ அல்லது தனிப்பெரும்பான்மையை பெற தவறினாலோ பங்குச்சந்தைகளும், ரூபாய் மதிப்பும் கடுமையான சரிவை சந்திக்கும் நிலை ஏற்படும் என பொருளாதார நிபுணரான பிரகாஷ் சக்பால் தெரிவித்துள்ளார். அதே சமயம், பா.ஜ., மீண்டும் ஆட்சிக்கு வந்து பங்குச் சந்தைகளும், உள்நாட்டு பொருளாதாரமும் ஸ்திர தன்மையுடனும், உயர்வுடனும் இருக்கும் உதவி செய்யும் என மும்பையில் உள்ள சில நிறுவனங்கள் நம்பிக்கை தெரிவித்துள்ளன. சர்வதேச மற்றும் ஆசிய அளவில் முக்கியமான 5 நிறுவனங்கள் நடத்திய இந்திய ரூபாய் மதிப்பு நிலவரம் குறித்த அலசல் விபரங்கள் இதோ :

மோடி - பா.ஜ., வெற்றி பெற்றால் :




ஸ்காட்டியாவங்கி - 67
கோடாக் செக்யூரிட்டிஸ் - 68
போப் ஏஎம்எல் - 68-70
எடெல்வியஸ் - 69
டிபிஎஸ் வங்கி - 69

மோடி - பா.ஜ., தோல்வி அடைந்தால் :




ஸ்காட்டியாவங்கி - 72
கோடாக் செக்யூரிட்டிஸ் - 75
போஃப் ஏஎம்எல் - 72
எடெல்வியஸ் - 71.5
டிபிஎஸ் வங்கி - 74


blocked user - blocked,மயோட்
18-மே-2019 04:57 Report Abuse
blocked user மோடி பிரதமராவது இந்தியாவுக்கு நல்லது, இந்தியர்களுக்கு நல்லது.. உலகில் இந்தியாவின் மதிப்பு உயர இன்னும் நல்ல வாய்ப்பு. அமெரிக்க தொழில்கள் சீனாவை விட்டு வெளியேறி இந்தியாவுக்கு வரும் பட்சத்தில் உற்பத்தித்துறையில் ஏராளமான வேலைகள் உருவாகும். அரசியல் நிலைத்தன்மை நீண்டகால அடிப்படையில் நல்ல பலன்களைக் கொடுக்கும்.
T M S GOVINDARAJAN - Madurai,இந்தியா
17-மே-2019 19:21 Report Abuse
T M S GOVINDARAJAN மோடி ஆட்சியின் 5 ஆண்டுகால சாதனைகளில் ரூபாயின் மதிப்பு காங்கிரஸ் ஆட்சியில் விட்டுச்சென்ற 70 ரூபாய் மதிப்பில் இன்றும் இருக்கிறது மோடி அவர்களின் சாதனையில் இதுவும் ஒன்று மீண்டும் மோடி பிரதமராகி இந்த சாதனையை முறியடிப்பார் மீண்டும் மோடி பிரதமராக எனது வாழ்த்துக்கள்
Doubt Danapal - NagerCoil,இந்தியா
18-மே-2019 00:21Report Abuse
Doubt Danapalஎன்னது 5 வருடத்துக்கு முன்பு 70 ரூபாயா? கூகிள் பண்ணி பார்த்திங்களா?...
இந்தியன் kumar - chennai,இந்தியா
17-மே-2019 17:16 Report Abuse
இந்தியன் kumar நிச்சயம் இறைவன் அருளால் மீண்டும் மோடிஜி அவர்கள் ஆட்சியில் அமர்வார் இந்தியா நிச்சயம் வலுவும் வளமும் பெரும்.
MUDIVAI MANI - Johannesburg,தென் ஆப்ரிக்கா
17-மே-2019 17:04 Report Abuse
MUDIVAI MANI இந்திய ரூபாய் மதிப்பை குறைத்து சர்வதேச சந்தையை தன் வசமாக்க தான் சில நாடுகள் பணத்தை வாரி இரைத்து எதிர் கட்சிகளை தூண்டி விடுகின்றன. மோடி ஒழிக மோடி ஒழிக என்று. ரூபாய் மதிப்பு வரலாறையும் இந்திய ஆட்சி மாற்ற வரலாறையும் ஒப்பிட்டு பாத்தால் இது புரியும்.
Ambika. K - bangalore,இந்தியா
17-மே-2019 16:20 Report Abuse
Ambika. K இங்கு திராவிட மாயை ஆளுங்க அடிச்சு விடுவாங்க ரூபாயின் மதிப்பு குறைந்தால் என்ன பங்குசந்தை விழுந்தால் என்ன மோடி ஒழிக என்று . ருபாய் மதிப்பிழந்தால் பெட்ரோல் விலை கூடும் மார்க்கெட் விழுந்தால் நாம் உற்பத்தி செய்யும் பொருளின் மதிப்பு குறையும் நாம் இறக்குமதி செய்யும் பொருளின் மதிப்பு கூடும் நம் சம்பளம் குறையும் விலை வாசி கூடும்.
இடவை கண்ணன் - குடந்தை ,இந்தியா
17-மே-2019 15:46 Report Abuse
இடவை கண்ணன் இன்றைக்கு 500 புள்ளிகளுக்கு மேலே உயர்வு ….
Login via Dinamalar:
New to Dinamalar ?
(Press Ctrl+g or click this   to toggle between English and Tamil)