பா.ஜ., அடுத்த சர்ச்சை : கோட்சேவுடன் ராஜிவை ஒப்பிட்ட எம்.பி.,

பெங்களூரு : மகாத்மா காந்தியை படுகொலை செய்த கோட்சேவை தேசபக்தர் என பா.ஜ., வேட்பாளர் பிரக்யா சிங் தாக்கூர் பேசியது நேற்று சர்ச்சையாக்கப்பட்டது. பா.ஜ., தலைமை கண்டனம் தெரிவித்ததை அடுத்து, தனது கருத்திற்காக மன்னிப்பு கேட்டார் பிரக்யா சிங். இந்த சர்ச்சை ஓய்வதற்குள், கோட்சேவுடன் முன்னாள் பிரதமர் ராஜிவை ஒப்பிட்டு பா.ஜ., எம்.பி., ஒருவர் பேசி உள்ளது புதிய சர்ச்சையை உருவாக்கி உள்ளது.


கர்நாடகாவை சேர்ந்த பா.ஜ., எம்.பி., நளினி குமார் கட்டீல். இவர் தக்ஷினா தொகுதியில் 2 முறை எம்.பி.,யாக தேர்ந்தெடுக்கப்பட்டவர். இவர் தனது டுவிட்டர் பக்கத்தில், கோட்சே ஒருவரை தான் கொன்றார். மும்பை பயங்கரவாத தாக்குதல் பயங்கரவாதி காசிப் 72 பேரை கொன்றான். முன்னாள் பிரதமர் ராஜிவ் 17,000 பேரை கொன்றார். இவர்களில் யார் கொடூரமானவர் என்பதை நீங்களே முடிவு செய்து கொள்ளுங்கள். இவ்வாறு அவர் குறிப்பிட்டுள்ளார்.


முன்னாள் பிரதமரான ராஜிவ் படுகொலை செய்யப்பட்டு 20 ஆண்டுகள் கடந்த நிலையில், தற்போதைய லோக்சபா தேர்தலில் பா.ஜ.,வினர் அடுத்தடுத்து ராஜிவை கடுமையாக விமர்சித்து வருவது குறிப்பிடத்தக்கது. சமீபத்தில் பிரதமர் மோடி தனது பிரசாரத்தின் போது, ராஜிவ் ஒரு ஊழல்வாதி என குறிப்பிட்டது பெரும் சர்ச்சையானது. அதைத் தொடர்ந்து பல பா.ஜ., தலைவர்களும் சீக்கிய கலவரம் மற்றும் ராஜிவ் குறித்து சர்ச்சைக்குரிய வகையில் கருத்து தெரிவித்து வந்தது குறிப்பிடத்தக்கது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)