தேர்தல் ஆணையத்திற்கு எதிர்கட்சிகள் கண்டனம்

புதுடில்லி: பிரதமர் மோடி, பா.ஜ., தலைவர் அமித்ஷா கட்டுப்பாட்டில் தேர்தல் ஆணையம் செயல்படுவதாக காங்கிரஸ், சமாஜ்வாடி உள்ளிட்ட எதிர்க்கட்சியினர் கடும் கண்டனம் தெரிவித்துள்ளன.

தடை



வரும், 19ல் நடக்கும் கடைசி லோக்சபா தேர்தலில் மேற்கு வங்கத்தில் உள்ள, ஒன்பது தொகுதிகளுக்கு ஓட்டுப் பதிவு நடக்க உள்ளது. இதற்காக, பா.ஜ., சார்பில், அதன் தேசியத் தலைவர், அமித் ஷா தலைமையில், கோல்கட்டாவில், நேற்று முன்தினம்(மே 14) பிரமாண்ட பேரணி நடத்தப்பட்டது. அப்போது, திரிணமுல் காங்கிரஸ் மற்றும் பா.ஜ., தொண்டர்கள் இடையே, மோதல் ஏற்பட்டது; அது, வன்முறையாக மாறியது.
இது தொடர்பாக தேர்தல் ஆணையத்தில் பா.ஜ., திரிணமுல் காங்கிரஸ் சார்பில் புகார் அளிக்கப்பட்டது. இதனையடுத்து, தேர்தல் நடக்கும் தொகுதிகளில், நாளை ( 17 ம் தேதி) பிரசாரம் முடிவடைவதாக இருந்தது. ஆனால், தொடர்ந்து வன்முறை வெடிப்பதாலும், அசாதாரண சூழல் நிலவுவதாலும், இன்று(மே 16) இரவு, 10:00 மணியுடன், பிரசாரத்தை முடிக்கும்படி, அரசியல் கட்சிகளுக்கு, தேர்தல் ஆணையம் உத்தரவிட்டுள்ளது.

பா.ஜ.,விற்கு சாதகம்



இது தொடர்பாக மேற்கு வங்க முதல்வர் மம்தா பானர்ஜி கூறுகையில், தேர்தல் ஆணையத்தின் முடிவு ஜனநாயகத்திற்கு விரோதமானது. ஒரு தலைபட்சமானது. இதனால், பா.ஜ.,தான் பலம்பெறும். பிரதமர் மோடி பிரசாரம் நிறைவு பெற்ற பின்னர் தடை அமலுக்கு வருகிறது என்றார்.

திட்டமிடல்



பகுஜன் சமாஜ் தலைவர் மாயாவதி கூறுகையில்; இன்று காலை முதலே தடை விதித்திருக்கலாம். இது நேர்மையான நடவடிக்கை அல்ல. நெருக்கடியின் கீழ் செயல்படுகிறது. மம்தாவை, பிரதமர் மோடியும், அமித்ஷாவும் குறிவைத்துள்ளனர். இது நன்கு திட்டமிடப்பட்டது. அபாயகரமானது. இவ்வாறு அவர் கூறினார்.


கேள்வி



காங்கிரஸ் செய்தி தொடர்பாளர் ரன்தீப் சுர்ஜிவாலா கூறுகையில், தேர்தல் ஆணையத்தின் உத்தரவு அரசியல் சட்ட சாசனத்திற்கு எதிரானது. மோடி - அமித்ஷாவின் கைப்பாவையாக தேர்தல் ஆணையம் மாறிவிட்டது. பிரதமர் சுதந்திரமாக பேரணி நடத்தும் வகையில் உத்தரவு பிறப்பிக்கப்பட்டது. தேர்தல் நடத்தை விதிகள்(எம்சிசி) மோடியின் தேர்தல் தீயநடத்தையாக மாறிவிட்டதா என கேள்வி எழுப்பியுள்ளது.


திமுக தலைவர் ஸ்டாலின் வெளியிட்ட அறிக்கை: மேற்கு வங்கத்தில் ஒரு நாளுக்கு முன்பாகவே தேர்தல் பிரசாரம் நிறுத்தப்பட்டது பாரபட்சமானது. தேர்தல் ஆணையம், எதிர்க்கட்சிகளுக்கு ஒரு விதி, ஆளுங்கட்சிக்கு ஒரு விதி என செயல்படுகிறது எனக்கூறியுள்ளார்.

மம்தா நன்றி



மம்தா பானர்ஜி வெளியிட்ட அறிக்கை: மேற்கு வங்க மக்களுக்கும், எங்களுக்கும் ஆதரவு தெரிவித்தவர்களுக்கு நன்றி. பா.ஜ.,வின் உத்தரவுப்படி, தேர்தல் ஆணையம் ஒரு தலைபட்சமாக நடவடிக்கை எடுத்துள்ளது. இது ஜனநாயகம்மீதான நேரடி தாக்குதல். மக்கள் உரிய பதிலடி கொடுப்பார்கள். இவ்வாறு அந்த அறிக்கையில் கூறியுள்ளார்.


Ananthakrishnan - Thanjavur,இந்தியா
17-மே-2019 00:04 Report Abuse
Ananthakrishnan மேற்கு வங்கத்தில் தற்போது மத்தியில் ஆளும் ப.ஜ.க மற்றும் மாநிலத்தில் ஆளும் திரிணாமுல் காங்கிரசும் ஒருவருக்கொருவர் தங்கள் பலத்தை எல்லாம் காட்டி, அங்கு உணர்ச்சி கொந்தளிப்பான நிலைமை ஏற்பட்டுள்ளது. இந்த தடவை தலைமை தேர்தல் ஆணையத்தின் மீது தொடர்ச்சியான புகார்கள் கூறப்பட்டு வந்தாலும், இப்போது அங்கு சட்டம் ஒழுங்கை காப்பாற்ற இன்றுடன் பிரச்சாரத்தை நிறுத்தியிருப்பது சரியென்றே நினைக்கிறன். ஒருமாதத்திற்கு மேலாக செய்யாத பிரச்சாரத்தையா இந்த இரண்டு நாட்களில் செய்துவிட முடியும். ஒருவழியாக 19 -ஆம் அங்கு வெற்றிகரமாக தேர்தல் முடிந்தால் போதும்.
S.Baliah Seer - Chennai,இந்தியா
16-மே-2019 17:28 Report Abuse
S.Baliah Seer தும்பை விட்டு வாலைப் பிடிக்கிறீர்கள். இரண்டு மாதம் ,7 கட்ட தேர்தல் எதற்காக ஒத்துக் கொண்டீர்கள்?அப்போதே தேர்தல் ஆணையத்தைக் கண்டித்து இந்தியா முழுவதும் ஒரே நாளில் தேர்தல் ,மறு நாளே எண்ணிக்கை என்று கோரி ஆர்ப்பாட்டம் நடத்தி இருந்தால் இன்று இந்த நிலை ஏற்பட்டிற்குமா? ஆறிய சாதம் பழஞ்சாதம்.வருமுன் காப்பவன்தான் அறிவாளி,புயல் வந்த பின்னே தவிப்பவன்தான் ஏமாளி....
Anand - chennai,இந்தியா
16-மே-2019 15:54 Report Abuse
Anand கலிகாலம், சுடலையெல்லாம் அடுத்தவர்களை விமர்சனம் செய்கிறார்....
GMM - KA,இந்தியா
16-மே-2019 15:53 Report Abuse
GMM மே.வங்கத்தில் வன்முறை சம்பவங்கள். மேலும் பரவாமல் இருக்க தேர்தல் ஆணையம் உத்தரவு ஒருநாள் முன் அனைத்து கட்சிகள் தெரு பிரச்சார நிறுத்தம். ஆணையத்தின் நடவடிக்கை சரியே. கட்சிகள் கண்டிப்பது தவறு. இந்திய குடிமகனாக இருந்தால் போதும். வேட்பாளர் இரு தாரம், திடீர் சொத்து, கல்வி, ஒழுக்கம் வேண்டாம் , பண கூட்டணி அமைக்கலாம், கட்சியை விட்டு விலகி பணம் பெற்று புதிய கட்சியில் சேருவது, மந்திரி பதவியில் லஞ்சம் ஊழல் செய்யும் போது தேர்தல் ஆணையம் உங்களை கேட்டது உண்டா? வரம்பு மீறிய சுதந்திரம், பல சலுகைகள் கொடுத்தும் ECI வை குறை கூறி வருகிறீர்கள். இது நியாயமா.?
uthappa - san jose,யூ.எஸ்.ஏ
16-மே-2019 15:44 Report Abuse
uthappa நாடு சீக்கிரம் சிரியாவாக இந்த தலைகள் போதும்.நாசமாகத்தான் போவேன் என்று மக்கள் தீர்மானித்து விட்டால் எல்லாம் வல்ல அவனாலும் ஒன்றும் செய்ய முடியாது.
Endrum Indian - Kolkata,இந்தியா
16-மே-2019 15:44 Report Abuse
Endrum Indian மிகவும் சரியான நடவடிக்கை. ரோட்டிலே இந்த சில்லறை பசங்களாலே ஒரே தொல்லையா போச்சு , எந்த ஆட்டோ எடுத்தாலும் முஸ்லீம் திரிணாமுல் கட்சி கோடியை வச்சிக்கிட்டு ஊர் பூரா சுற்றுகிறானுங்க கொல்கத்தாவில்.
JIVAN - Cuddalore District,இந்தியா
16-மே-2019 16:58Report Abuse
JIVANஇந்திய பிளவு சக்திகளின் வேலை...
இந்தியன் kumar - chennai,இந்தியா
16-மே-2019 15:32 Report Abuse
இந்தியன் kumar தீதி முகத்தில் ஒரு சாந்தம் இல்லை ஒரு வித வெறிதான் தெரிகிறது .
இந்தியன் kumar - chennai,இந்தியா
16-மே-2019 15:30 Report Abuse
இந்தியன் kumar தேர்தல் ஆணையத்தை குறை சொல்லவில்லை என்றால் அப்புறம் என்ன இவைகள்எல்லாம் எப்படி எதிர்க்கட்சிகள் , எல்லாத்தையும் எதிர்க்க வேண்டும் அப்படித்தானே ?
Jayaraman Easwaran - india,இந்தியா
16-மே-2019 15:23 Report Abuse
Jayaraman Easwaran இது உண்மை என்றால் ஏன் கோர்ட்டை அணுகக் கூடாது? ராகுல் மாதிரி பொய் பேசி திரியாமல் வரும் முடிவுகளை ஏற்றுக்கொள்ளவும் தவிர வழி இல்லை
HSR - CHENNAIi NOW IN MUMBAI,இந்தியா
16-மே-2019 15:19 Report Abuse
HSR எதிர்க்கட்சி தலீவர் மூஞ்சிகள் இப்படி இஞ்சி தின்ன ....... மாதரி இருக்கு.. ஹாஹா
மேலும் 1 கருத்துக்கள்...
Login via Dinamalar:
New to Dinamalar ?
(Press Ctrl+g or click this   to toggle between English and Tamil)