ராகுல் பீரங்கி: நான் ஏகே 47 துப்பாக்கி - சித்து

புதுடில்லி: காங்கிரஸ் தலைவர் ராகுல் ஒரு பீரங்கி என்றால், தான் ஏகே 47 துப்பாக்கி என பஞ்சாப் அமைச்சர் சித்து கூறியுள்ளார்.
ஹிமாச்சல பிரதேசம் பிலாஸ்பூர் நகரில் நடந்த தேர்தல் பிரசார கூட்டத்தில் சித்து பேசியதாவது:
ரபேல் ஒப்பந்தத்தில் கமிஷன் வாங்கினீர்களா இல்லையா என்பதை மோடியிடம் கேட்க விரும்புகிறேன். அவர் நாட்டில் எந்த பகுதியில் வேண்டுமானாலும் என்னுடன் விவாதத்தில் ஈடுபடலாம். இதில், ராகுல் ஒரு பீரங்கி என்றால், நான் ஏகே-47 துப்பாக்கி. நான் ஊழல் செய்ய மாட்டேன்.

ஊழல் செய்ய அனுமதிக்க மாட்டேன் என்பது குறித்து விவாதம் செய்ய தயாரா என மோடிக்கு சவால் விடுகிறேன். இதில் நான் தோல்வியடைந்தால், அரசியலில் இருந்து விலகிவிடுகிறேன். 2014ல் கங்கை மகனாக வந்த மோடி, 2019 ல் ரபேல் ஏஜென்ட்டாக செல்ல போகிறார். இவ்வாறு அவர் கூறினார்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)