துணிவு இருந்தால் கைது செய்யுங்கள்: மம்தாவுக்கு அமித்ஷா சவால்

ஜோய்நகர் : ஜெய் ஸ்ரீராம் என முழங்கி விட்டு, கோல்கத்தாவை விட்டு செல்கிறேன், உங்களுக்கு துணிவிருந்தால் என்னை கைது செய்யுங்கள் என மேற்குவங்க முதல்வர் மம்தாவுக்கு, பா.ஜ., தேசிய தலைவர் அமித்ஷா சவால் விடுத்துள்ளார். மேற்குவங்கத்தின் கோல்கட்டா மாவட்டத்திற்கு உட்பட்ட ஜாதவ்பூரில் பேரணி நடத்துவதற்கு பா.ஜ., தேசிய தலைவர் அமித்ஷாவுக்கு அனுமதி மறுக்கப்பட்டது. அப்பகுதியில் அவரது ஹெலிகாப்டர் தரையிறங்கவும் அனுமதி மறுக்கப்பட்டுள்ளது. இதனையடுத்து மேற்குவங்கத்தின் ஜோய்நகரில் நடந்த பொதுக்கூட்டத்தில் கலந்து கொண்டு அமித்ஷா பேசினார்.அப்போது அவர், இன்று நான் 3 இடங்களுக்கு சென்று பிரசாரம் செய்வதாக இருந்தது. ஆனால் மம்தாவின் உறவினர் அந்த 3 தொகுதிகளில் ஒன்றில் போட்டியிடுகிறார். அதனால் அவரது உறவினர் தோற்றுவிடுவாரோ என மம்தா பயப்படுகிறார். அதனால் தான் அந்த இடங்களில் நான் பிரசாரம் செய்வதற்கு அவர் அனுமதி மறுத்துள்ளார். மம்தா அவர்களே, ஜெய்ஸ்ரீராம் என முழக்கமிட்டு விட்டு, கோல்கத்தாவில் இருந்து நான் செல்கிறேன். உங்களுக்கு துணிவிருந்தால் என்னை கைது செய்யுங்கள் என்றார்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)