பதவியை ராஜினாமா செய்ய தயார் : முதல்வருக்கு துரைமுருகன் சவால்

சென்னை:'எனக்கு சொந்தமான இடங்களில், 13 கோடி ரூபாயை, வருமான வரித்துறையினர் கைப்பற்றியதாக, முதல்வர் நிரூபித்தால், என் பதவியை ராஜினாமா செய்யத் தயார்' என, தி.மு.க., பொருளாளர், துரைமுருகன் கூறியுள்ளார்.


அவரது அறிக்கை:சூலுார் சட்டசபை தொகுதி, தேர்தல் பிரசார கூட்டத்தில், முதல்வர், இ.பி.எஸ்., என்னை பற்றி பேசுகையில், ஆத்திரத்தில், புளுகு மூட்டைகளை என் மீது கொட்டியுள்ளார். வருமான வரித்துறையினர், எங்கள் வீடு மற்றும் கல்லுாரியில் சோதனையிட்ட போது, அவர்கள் எடுத்துச் சென்றது, 10 லட்சம் ரூபாய் மட்டும் தான்; 13 கோடி ரூபாய் அல்ல.


அவர் கூற்றுப்படி, 13 கோடி ரூபாய் எடுக்கப்பட்டது, எங்கள் இடம் அல்ல. சோதனையில், 12 கிலோ தங்கம் கைப்பற்றப்பட்டதாக, முதல்வர் கூறுகிறார். ஆனால், எங்கும் தங்கம் கைப்பற்றப்படவில்லை.கடைசியாக, ஒரு சவால் விடுகிறேன்.


முதல்வர் கூற்றுப்படி, எங்களுக்கு சொந்தமான இடங்களில், 12 கிலோ தங்கம்; 13 கோடி ரூபாயை வருமான வரித்துறை கைப்பற்றியதாக, முதல்வர் நிரூபித்தால், என் பதவியை ராஜினாமா செய்கிறேன்.இல்லையெனில், முதல்வர் தன் பதவியை ராஜினாமா செய்யத் தயாரா? அவரென்ன ராஜினாமா செய்வது... அவரை வீட்டுக்கு அனுப்ப, மக்கள் தயராகி விட்டனரே!இவ்வாறு, துரை முருகன் கூறியுள்ளார்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)