வாரணாசியில் எதிரிகள் இல்லாத மோடி

புதுடில்லி: வாரணாசி தொகுதியில் போட்டியிட்ட மோடி 2014 தேர்தலில் 5 லடசத்து 80 ஆயிரம் ஓட்டுகளைப் பெற்றார். எதிர்த்து போட்டியிட்ட ஆம்ஆத்மி கட்சி தலைவர் அரவிந்த் கெஜ்ரிவாலை 3 லட்சத்து 70 ஆயிரம் ஓட்டு வித்தியாசத்தில் தோற்கடித்தார்.


இப்போது மீண்டும் அங்கு போட்டியிடுகிறார் மோடி. ஆனால் இம்முறையும் அவரை தோற்கடிப்பது மிகவும் கடினம் என்றே எதிர்க்கட்சிகள் கருதுகின்றன. காசி, பனாரஸ் என்றும் அழைக்கப்படும் வாரணாசியில் கடந்த 5 ஆண்டுகளில் ஏகப்பட்ட மாற்றங்கள் நடந்து விட்டன. மோடி முதலில் போட்டியிட்டபோது வாரணாசி நகரில் எந்த வசதியும் இல்லை. மோடி இங்கிருந்து ஜெயித்த பிறகு நிறைய கட்டமைப்பு வசதிகள் ஏற்படுத்தப்பட்டுள்ளன.

பயன்பெற்ற பல ஆயிரம் பேர்




மின் கம்பிகள் தரைக்கு அடியில் மாற்றப்பட்டு விட்டன. கங்கைக்கு செல்லும் வழிகள் சுத்தமாக காட்சி அளிக்கின்றன. சுகாதாரம் பளிச்சிடுகிறது. இரண்டு பற்றுநோய் மருத்துவமனைகள் கட்டப்பட்டுள்ளன. விமான நிலையத்துடன் நகரை இணைக்க புதிய நெடுஞ்சாலை அமைக்கப்பட்டுள்ளது. கங்கை ஆற்றுக்கு மேல் 2 புதிய பாலங்கள் கட்டப்பட்டுள்ளன. கழிவு நீர் சுத்திகரிப்பு நிலையம், திடக்கழிவு மேலாண்மை செயல்படுத்தப்பட்டுள்ளது.நெல் ஆராய்ச்சி நிலையம் அமைக்கப்பட்டுள்ளது. ஒரு லட்சம் குடும்பத்திற்கு எரிவாயு இணைப்பு, ஒரு லட்சத்து 25 ஆயிரம் குடும்பங்களுக்கு இலவச மின்சாரம், 15 ஆயிரத்து 325 குடும்பங்களுக்கு வீடுகள் தரப்பட்டுள்ளன.
இந்திய வரலாற்றில் முதன்முறையாக வாரணாசியில் இருந்து நீர்வழி போக்குவரத்து துவக்கப்பட்டுள்ளது. காசி விஸ்வநாதர் கோயிலை அடைய கங்கையில் இருந்து புதிய பாதைகள் அமைக்கப்பட்டுள்ளன. இதனால் வாரணாசி நகரின் சந்து பொந்துகளில் புகுந்து செல்ல வேண்டிய அவஸ்தை முடிவு கட்டப்பட்டது. ரூ.600 கோடியில் திட்டமிடப்பட்ட இப்பணிகள் இந்த ஆண்டு முடிந்துவிடும். 166 பழைய கட்டடங்கள் இடிக்கப்பட்டுள்ளன. 46 பழமையான கோயில்கள் பாதுகாக்கப்பட்டுள்ளன.
கழிவு நீர் பிரச்னையே இல்லாத வகையில் பல கோடியில் பல்வேறு திட்டங்கள் செயல்படுத்தப்படுகின்றன.

பிரதமர் அலுவலகம் கண்காணிப்பு




இந்த எல்லா திட்டங்களையும் பிரதமர் அலுவலகமே நேரடியாக கண்காணிக்கிறது. நிதி ஒதுக்கீடும் உடனுக்குடன் செய்யப்படுகிறது. இதனால் வாரணாசி நகரில் நடந்த மாற்றங்கள் வெளிப்படையாக தெரிகின்றன.
வாரணாசியில் மோடியை எதிர்ச்சி பிரியங்கா போட்டியிடுவார் என்று முதலில் தகவல்கள் வந்தன. இதனால் கொஞ்சம் போட்டி இருக்கும் என எதிர்பார்க்கப்பட்டது. அவர் போட்டியிடவில்லை என்றதும் அவருக்கு எதிரியே இல்லை என்ற நிலை ஏற்பட்டுவிட்டது.காங்., சார்பில் மாஜி எம்.எல்.ஏ.,வும் 2014ல் இக்கட்சி சார்பில் போட்டியிட்டவருமான அஜய் ராய் மீண்டும் நிற்கிறார். சென்ற தேர்தலில் 75 ஆயிரம் ஓட்டுகளை மட்டுமே பெற்றார்.
மோடியை எதிர்த்து போட்டியிட காங்., சார்பில் மீண்டும் அஜய் ராய் ஏன் தேர்வு செய்யப்பட்டார் என்பதற்கு அக்கட்சி சார்பில் சரியான விளக்கம் இல்லை. மோடியை எதிர்த்து போட்டியிடுவதை சீரியசான விஷயமாக அக்கட்சி கருதவில்லை என்று தெரிகிறது.


வாரணாசியில் சமாஜ்வாதி சார்பில் முதலில் வேட்பாளராக அறிவிக்கப்பட்ட தேஜ்பகதுார் யாதவ் மனு நிராகரிக்கப்பட்டது. இதையடுத்து ஷாலினி யாதவ் என்பவர் அக்கட்சி சார்பில் வேட்பாளராக்கப்பட்டார். ராணுவ வீரர்களுக்கு வழங்கப்படும் உணவின் தரம் மோசமாக இருப்பதாக சமூகவலை தளங்களில் வீடியோவை பரவ விட்டு பணி நீக்கம் செய்யப்பட்டவர் இந்த தேஜ்பகதுார்.


truth tofday - india,இந்தியா
10-மே-2019 08:22 Report Abuse
truth tofday மொத்த வோட்டு - மோடி வோட்டு= எதிர் வோட்டு
ganapati sb - coimbatore,இந்தியா
03-மே-2019 11:39 Report Abuse
ganapati sb பிரதமராக பலவகை பணிகளை செய்து கொண்டு இருந்தும் தனது தொகுதியான வாரணாசிக்கு குறிப்பிடத்தக்க வளர்ச்சி பணிகளை செய்த நரேந்திர மோடி பாராட்டுக்குரியவர் தொடர்ந்து MP யாக இருந்தும் அமெதிக்கு ஏதேனும் செய்திருந்தால் ரபேல் வயநாடு செல்வதை தவிர்த்திருக்கலாம்
Rajavelu E. - Gummidipoondi,இந்தியா
03-மே-2019 10:10 Report Abuse
Rajavelu E.
03-மே-2019 09:06 Report Abuse
Sridhar Sambandham
03-மே-2019 08:15 Report Abuse
Aravamuthan Senthilkumar
Srinivasan Kannaiya - muscat ,ஓமன்
03-மே-2019 07:55 Report Abuse
Srinivasan Kannaiya வாரணாசியில் சிவனே போகமுடியாத அளவிற்கு ஒரு மன்னன் செம்மையாக ஆட்சிபுரிந்து வந்தாதாக ஐதீகம்...அதுமாதிரி மோடி ஆள்கிறாரா .......................?
Ivan -  ( Posted via: Dinamalar Android App )
03-மே-2019 06:20 Report Abuse
Ivan
Mani . V - Singapore,சிங்கப்பூர்
03-மே-2019 05:10 Report Abuse
Mani . V நாம தான் ராணுவ ஆட்சியை விடவும் கேவலமாக அனைவருடைய வேட்பு மனுவையும் தள்ளுபடி செய்து விட்டோமே, அப்புறம் எப்படி எதிரிகள் இருப்பார்கள்?
J.V. Iyer - Singapore,சிங்கப்பூர்
03-மே-2019 03:40 Report Abuse
J.V. Iyer இதே நிலைமை மற்ற தொகுதிகளுக்கும் ஏற்படும். பாஜகவை எதிர்த்து போட்டியிட எந்த எதிர்க்கட்சிகளுக்கும் தகுதி இல்லை.
03-மே-2019 01:59 Report Abuse
யாரோ எதிர்த்து போட்டி இடுபவரை எதிரி என்று சொல்வது தவறு. இங்குள்ள பட்டியல் உண்மையானால் நாட்டின் ஒரு தொகுதிக்கு மட்டும் இவ்வளவு முக்கியத்துவமா???
மேலும் 29 கருத்துக்கள்...
Login via Dinamalar:
New to Dinamalar ?
(Press Ctrl+g or click this   to toggle between English and Tamil)