மேனகாவுக்கு தேர்தல் ஆணையம் எச்சரிக்கை

லக்னோ : பா.ஜ., தலைவர்களில் ஒருவரான மகளிர் மற்றும் குழந்தைகள் நல மேம்பாட்டுதுறை மத்திய அமைச்சர் மேனகாவுக்கு, தேர்தல் ஆணையம் விதிமுறைகளை மீறக்கூடாது என்று கடும் எச்சரிக்கை விடுத்துள்ளது.

உத்தரபிரதேச மாநிலம், சுல்தான்பூர் தொகுதியில் போட்டியிடுகிறார் மேனகா. இவர் தேர்தல் பிரசாரத்தின் போது, முஸ்லிம் மக்கள் தனக்குத் தான் ஓட்டளிக்க வேண்டும். அப்படியானால் தான் வளர்ச்சிப் பணிகளை செய்யமுடியும். எனது செயல்பாடுகளும் நான் வெற்றிபெற்ற பிறகு ஏ.பி.சி.டி., என்று ஓட்டளித்த அடிப்படையில் தான் பணிகளை செய்வேன்.

ஆதாயம் இல்லாமல் திருப்பிக்கொடுக்க நாங்கள் ஒன்றும் காந்தியின் குழந்தைகள் அல்ல. நல்லது நடக்க வேண்டுமெனில் முஸ்லிம் மக்கள் என்கு ஓட்டளியுங்கள். நீங்கள் ஓட்டுப்போடாவிட்டாலும் நான் தான் வெற்றிபெறுவேன்,'' என்று பேசியதாக சர்ச்சை எழுந்தது.

இது தேர்தல் விதிமுறை மீறல் என்று காங்கிரஸ் சார்பில், தேர்தல் ஆணையத்தில் புகார் செய்யப்பட்டிருந்தது. இதன் மீது விசாரணை நடத்திய தேர்தல் ஆணையம், ''மேனகா இதுபோல் தேர்தல் விதிகளை மீறி பேசக்கூடாது,'' என்று கடும் எச்சரிக்கை விடுத்துள்ளது.

தேர்தல் ஆணையம் மோடி, அமித்ஷா உள்ளிட்ட பா.ஜ., தலைவர்கள் மீதான தேர்தல் விதிமீறல்களை கண்டுகொள்வதில்லை என்று காங்கிரஸ் சார்பில் சுப்ரீம் கோர்ட்டில் வழக்கு தாக்கல் செய்துள்ள நேரத்தில், தேர்தல் ஆணையத்தின், மேனகா மீதான இந்த நடவடிக்கை கவனிக்கத்தக்கது என்கின்றனர், அரசியல் ஆர்வலர்கள்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)