ஒட்டுப்பதிவு இயந்திர கோளாறு: பா.ஜ., மீது புகார்

புதுடில்லி: நாடுமுழுவதும் இன்று 3 ம் கட்ட லோக்சபா தேர்தல் விறு, விறுப்பாக நடந்து வருகிறது. கேரளாவில் பல இடங்களில் ஓட்டு மின்னணு இயந்திரங்கள் பழுதானது. இது தொடர்பாக காங்கிரஸ் கட்சியினர் புகார் அளித்துள்ளனர். சில சாவடிகளில் காலதாமதமாக ஓட்டுப்பதிவு துவங்கியது. கேரளாவில் சபரிமலை விவகாரம் இந்த தேர்தலில் முக்கிய விவாத பொருளாக உள்ளது. கேரளாவில் ஓட்டுப்பதிவு இயந்திரம் பழுது தொடர்பாக முன்னாள் அமைச்சர் சசிதரூர் புகார் அளித்தார். டில்லி முதல்வர் அரவிந்த் கெஜ்ரிவாலும் கவலை தெரிவித்துள்ளார். ஓட்டு இயந்திரம் பழுது பா.ஜ.,வுக்கு ஓட்டு செல்வாக கூறப்படுவது அதிர்ச்சி அளிக்கிறது என கூறியுள்ளார்.
சமாஜ்வாடி கட்சி தலைவர் அகிலேஷ் யாதவ் அவரது டுவிட்டரில்;

மின்னணு இயந்திரத்தில் பா.ஜ.,வுக்கு ஓட்டு விழுவதாக செய்தி வருகிறது. இது கோளாறா அல்லது பா.ஜ.,வுக்கு ஓட்டா , தேர்தலுக்கென பல ஆயிரம் கோடி செலவு வீண். இவ்வாறு அவர் கூறியுள்ளார்.
இன்று நடக்கும் மூன்றாம் கட்ட ஓட்டுப் பதிவு, 15 மாநிலங்கள் மற்றும் யூனியன் பிரசேதங்களில் உள்ள, 116 தொகுதிகளில் நடக்கிறது. இன்றுடன், மொத்தமுள்ள, 36 மாநிலங்கள் மற்றும் யூனியன் பிரதேசங்களில், 22ல் தேர்தல் முடிகிறது.

15 மாநிலங்கள்




குஜராத், கேரளா உட்பட, 15 மாநிலங்கள் மற்றும் யூனியன் பிரதேசங்களை சேர்ந்த, 116 தொகுதிகளுக்கு தேர்தல் இன்று நடக்க உள்ளது. குஜராத்தில் உள்ள, 26 தொகுதிகளும் இன்று தேர்தலை சந்திக்கின்றன. அதேபோல் கேரளாவில் உள்ள, 20 தொகுதிகளிலும், ஜனநாயகக் கடமையாற்ற மக்கள் காத்திருக்கின்றனர். கர்நாடகாவில் மொத்தம்உள்ள, 28 தொகுதிகளில், மீதமுள்ள 14 தொகுதிகளுக்கு ஓட்டுப் பதிவு நடக்க உள்ளது. மஹாராஷ்டிராவில், 14, உ.பி.,யில், 10 தொகுதிகளும் தேர்தலை சந்திக்கின்றன. ஏற்கனவே முதல் கட்டத்தில், 10 மாநிலங்கள் மற்றும் யூனியன் பிரதேசங்களுக்கு தேர்தல் நடந்து முடிந்துள்ளது. இரண்டாவது கட்டத்தில் நான்கு மாநிலங்களில் தேர்தல் முடிந்துள்ளது. மொத்தம் நடக்கும் ஏழு கட்டங்களில், மூன்றாவது கட்டத்தில் தான், மிகவும் அதிகபட்சமாக, 116 தொகுதிகளுக்கு தேர்தல் நடக்கிறது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)