பா.ஜ.,வுக்கு ஓட்டு போட சொல்கிறாரா ரஜினி?

'பா.ஜ., தேர்தல் அறிக்கையில், நதிநீர் இணைப்பு திட்டம் இடம் பெற்றுள்ளது, ரொம்ப நல்ல விஷயம். இந்த திட்டம், வரவேற்கத்தக்கது. தேசிய ஜனநாயக கூட்டணி, மத்தியில் ஆட்சி அமைத்தால், முதலில், இந்த நாட்டின் நதிகளை இணைக்க வேண்டும். அதை மட்டும் செய்தால், நாட்டில் பாதி வறுமை தீர்ந்து விடும். பல கோடி மக்களுக்கு வேலை கிடைக்கும்; விவசாயிகளின் வாழ்வு உயரும். இதை, அவர்கள் செய்ய வேண்டும்' என, நடிகர் ரஜினி, மறைமுகமாக, பா.ஜ.,வுக்கு ஓட்டு போடச் சொல்கிறாரா என்ற கேள்வி எழுந்துள்ளது. அதை ஆதரித்தும், எதிர்த்தும் கூறப்படும் கருத்துகள் இதோ...

ரஜினி எடுத்தது நடுநிலையான முடிவு!



ரஜினியை, அரசியல் களத்தில் சந்திக்க தைரியம் இல்லாதவர்கள், அவர், பா.ஜ., பக்கம் சாய்வார் என்ற, விமர்சனத்தை முன் வைக்கின்றனர். ஆனால், பேட்ட படத்தின் வாயிலாக, அதற்கு முற்றுப்புள்ளி வைத்து விட்டார், ரஜினி. மோடி, அவருக்கு நண்பர் என்பதற்காக, பா.ஜ.,வை ஆதரிக்க மாட்டார். யாருக்கும் ஆதரவு இல்லை என, ரஜினி கூறிவிட்டார். அவர் எடுத்தது, நடுநிலையான முடிவு. பா.ஜ., தேர்தல் அறிக்கையில், நதி நீர் இணைப்பு என்ற, ஒரு அம்சத்தை மட்டும் வரவேற்றதால், அவரது ரசிகர்கள், அ.தி.மு.க., - பா.ஜ., கூட்டணிக்கு ஓட்டளிப்பர் என, எடுத்துக் கொள்ளக் கூடாது.

காங்கிரஸ் தேர்தல் அறிக்கையை, ரஜினி விமர்சிக்கவில்லை. ராகுல், ஸ்டாலின், சிதம்பரத்தை, அவர் விமர்சித்ததில்லை. மூன்று மாநில சட்டசபை தேர்தலில், பா.ஜ., தோல்வி அடைந்ததும், அக்கட்சிக்கு பின்னடைவு, சறுக்கல் என, கருத்து தெரிவித்தார். கடந்த, 1996ல் நடந்த சட்ட சபை, லோக்சபா தேர்தலில், தி.மு.க., - த.மா.கா., கூட்டணியை, ரஜினி ஆதரித்ததால், 100 சதவீதம் வெற்றி கிடைத்தது. கபாலி, காலா படங்களில், பட்டியல் இன மக்களுக்கு ஆதரவாக குரல் கொடுத்தார். பேட்ட படத்தில், பிற்படுத்தப்பட்ட, சிறுபான்மை இன மக்களுக்காக, ஓங்கி குரல் கொடுத்தார்.

ரஜினி, சென்னைக்கு வந்த புதிதில், புதுப்பேட்டையில் உள்ள, முஸ்லிம் நண்பர் வீட்டில் தங்கியிருந்தார். அதேபோல, அவரது போயஸ் தோட்டத்தின் வீடு, ராகவேந்திர திருமண மண்டபம், நுங்கம்பாக்கம் ஓட்டல் எல்லாமே, இஸ்லாமிய சமுதாயத்தை சேர்ந்தவர்களிடம் இருந்து தான் வாங்கினார். இதை, அவரே தெரிவித்தார். இது தான், அவரது மதசார்பற்ற சிந்தனையை எடுத்துக் காட்டுகிறது. எனவே, பா.ஜ.,வுக்கு ஆதரவாக, ரஜினி ஓட்டு அளிக்கச் சொல்லவில்லை என்பது, நிதர்சனமான உண்மை.

- ஆர்.தியாகராஜன், முன்னாள் துணை மேயர், தலைவர், தென் சென்னை மாவட்ட காங்கிரஸ்

எங்கள் கூட்டணிக்கு தான் ஓட்டு!



ரஜினியின் ஆதரவு கண்டிப்பாக, அ.தி.மு.க., தலைமையிலான கூட்டணிக்கு தான் இருக்கும். இதற்கு என்ன காரணமென்றால், ரஜினி, வெகுநாட்களாக கூறி வந்த, நதிநீர் இணைப்பு திட்டத்திற்கான வாக்குறுதியும், விவசாயிகள் பயன் பெற கூடிய திட்டங்களும், எங்களது கூட்டணி கட்சிகளின் தேர்தல் அறிக்கையில் இருக்கின்றன. இதை, ரஜினி் வெளிப்படையாக வரவேற்றுள்ளார். அதனால், ரஜினியின் ஆதரவு, எங்கள் கூட்டணிக்கு நிச்சயம் உண்டு. அவரது ரசிகர்கள், எங்கள் கூட்டணிக்கு தான் ஆதரவு அளிப்பர்; ஒட்டு போடுவர்.

ஏற்கனவே, அ.தி.மு.க., - பா.ஜ., கூட்டணிக்கு, ரஜினி ஆதரவு அளித்துள்ளார். 'இரட்டை இலைக்கு ஓட்டு போட்டுள்ளேன்' என, அவரே கூறியுள்ளார்.தி.மு.க., ஆட்சியில் உற்பத்தி செய்யப்பட்ட, 75.25 லட்சம் டன் உணவு தானிய உற்பத்தி அளவை, 109.37 லட்சம் டன்னாக உயர்த்தியது, அ.தி.மு.க., அரசு.தி.மு.க., ஆட்சியில், 21.76 சதவீதமாக இருந்த பசுமை போர்வை பரப்பளவு, அ.தி.மு.க., ஆட்சியில், 23.57 சதவீதமாக அதிகரித்துள்ளது. இதுபோன்ற பல சாதனைகளை, முதல்வர், இ.பி.எஸ்., துணை முதல்வர், ஓ.பன்னீர்செல்வம் இணைந்து செய்து வருகின்றனர்.

சமீபத்தில், அ.தி.மு.க., தகவல் தொழில்நுட்ப பிரிவு சார்பில், தி.மு.க., - அ.தி.மு.க., ஆட்சி கால ஒப்பிடுதல்களை, 'இன்போக்ராபிக்ஸ்' வாயிலாக, மிகச் சிறப்பாக, வெளியிட்டோம். இது, சமூக வலைதள மக்களிடம், நல்ல வரவேற்பை பெற்றுள்ளது. முதல்வராக இருந்தாலும், துணை முதல்வராக இருந்தாலும், மிகவும், எளிமையாக அணுகக் கூடிய நிலையில் இருக்கின்றனர்.

மக்களின் அமோக வரவேற்பு, அ.தி.மு.க.,விற்கு இருக்கிறது. எனவே, 40 லோக்சபா தொகுதி களிலும், 22 சட்டசபை தொகுதி களின் இடைத்தேர்தலிலும், அ.தி.மு.க., கூட்டணிக்கு வெற்றி நிச்சயம் கிடைக்கும். அ.தி.மு.க., வுக்கு கூட்டணியே இல்லை எனக் கூறியவர்கள், இன்று, அ.தி.மு.க., வின் பலமான கூட்டணியை பார்த்து திணறுகின்றனர். இன்னும் ரஜினியின் ஆதரவும், எங்கள் கூட்டணிக்கு கிடைக்கும்போது, கூடுதல் பலத்தை தருவது நிச்சயம்.

-ஜி.ராமச்சந்திரன், மாநில செயலர், தகவல் தொழில்நுட்ப அணி, அ.தி.மு.க.,


Tamil Selvan - tamilnadeu,இந்தியா
17-ஏப்-2019 19:14 Report Abuse
Tamil Selvan ரஜினி இப்போதுள்ள துப்பு கெட்ட அரசியல் வாதிகளால் சரியான முடிவை சொல்ல முடியாமலும் வெல்ல முடியாமலும் இருக்கின்றார் காரணம், தனது ரசிகர்களை பகடைகாய் ஆகி விடக்கூடாது என்பது மிக நிதானமாக மதில்மேல் பூனையாக இருக்கின்றார், இருப்பினும் அவரது அதரவு காங்கிரஸ் மற்றும் தி.மு.க விற்கே என்பது தான் தின்னம் இது அவரின் கடந்த கால அரசியல் வரலாற்றை படித்தவர்களுக்கும் புரியும்
Vicky - Chennai,இந்தியா
17-ஏப்-2019 18:25 Report Abuse
Vicky கொஞ்சம் கூட தைரியம் இல்லாத மனுஷன்.... இவருடைய படங்கள் வசூலை கொடுக்கும் வரை இவர் நிச்சயமாக அரசியல் பக்கம் வர மாட்டார்.....தொடர்ந்து தோல்வி அடையும் பட்சத்தில் அரசியலுக்கு வருவார். பாத்து பைசா செலவு செய்ய மாட்டார்.
Sundararaj - TRichy,இந்தியா
17-ஏப்-2019 17:58 Report Abuse
Sundararaj எங்கள் ரஜினி ஆன்மீக வாதி. இந்துக்களையும் இந்து கடவுள்களையும் கேலி செய்யும் கும்பலுக்கு எப்பொழுதும் ஆதரவு கொடுக்க மாட்டார். சமீப காலமாக திரு ஸ்டாலினும் அவர் சார்ந்த காட்ச்சியினரும் இந்துக்கள் மனம் புண்படும்படிக்கு பேசியும் செயலில் காட்டியும் வருகின்றார்கள். நிச்சயமாக ரஜினி சார் அவர்களுக்கு எதிராகத்தான் குரல் கொடுத்துள்ளார்.
varun - tamilnadu,இந்தியா
17-ஏப்-2019 17:38 Report Abuse
varun தனக்கு ஆபத்து வராம நழுவுற ஆள பார்த்தா "இவன் கழுவுற மீனுல நழுவுற மீனு " னு இப்போ சொல்ற பழ மொழிய மாற்றி , பிற்காலத்துல அதுமாதிரியான ஆள பார்த்தா "இவன் ரஜினி காந்த்" னு சொன்னாலும் சொல்லுவாங்க ...
J.V. Iyer - Singapore,சிங்கப்பூர்
17-ஏப்-2019 17:30 Report Abuse
J.V. Iyer நடுநிலைமை வகித்தால் சாமர்த்தியம் என்று ரஜனி நினைக்கிறார். நாட்டு மக்களுக்கு எது நல்லதோ, ஆன்மீக அரசியலை எந்த கட்சிகள் செய்கிறதோ, அவற்றை தைரியமாக ஆதவளிக்கவேண்டும். ஆனால் அந்த அளவு அவருக்கு துணிச்சல் இல்லை. வீரம் எல்லாம் சினிமாவில் தான். நிஜவாழ்க்கையில்???
Mirthika Sathiamoorthi - Sembawang,சிங்கப்பூர்
17-ஏப்-2019 17:24 Report Abuse
Mirthika Sathiamoorthi 1996 மாதிரியோ 2004 மாதிரியே இப்போ ரஜினி மிக தெளிவாக யாருக்கு ஆதரவுன்னு சொல்லலையே. கன்ஷிராமிடம் ராமர் கோவிலைப்பற்றி கேட்டபோது என் சமூகப்பெண்ணுக்கு பாதுகாப்பான கழிவறை இல்லாதபோது ராமராவது பாபராவதுன்னு துணிச்சலா கருது சொன்னாரு அந்த துணிச்சல் ரஜினியிடம் உண்டு .. 8 வழிச்சாலையாகட்டும், தூத்துக்குடி போராட்டம்காட்டும் ரஜினி தனது நிலைப்பாட்டை தெளிவா மக்கள் யாருக்கும் பயப்படாம கருது சொன்னவாறு..இப்போ அவருக்கு பிடித்த திட்டத்தை ஆதரிக்கறாரு அதே சமயம் பிஜேபிக்கு ஆதரவுன்னு சொல்லலீங்கறது கவனிக்க வேண்டிய விஷயமா நான் பாக்குறேன்.. ரஜினி பிஜேபி க்கு பி டீம் அப்புடின்னா ....ரஜினி பிஜேபி யின் ஆதரவுன்னா, பிஜேபி யுடன் கூட்டணி வைக்காத ஒரு கட்சிகள்? இன்னைக்கு எதிர் அணியில் இருப்பதால் ரஜினியை வைத்து அரசியல் செய்கின்றன..என்னை பொறுத்தவரை பிஜேபியின் பி டீமா எதிரா அப்புடீங்கறது விஷயம் அல்ல...எனது நிலைப்பாடு ரஜினி எப்ப வராரு, எப்புடி வர்றாரு, யாருக்காக வர்றாரு, என்ன சொல்லி வர்றாரு, என்ன பிரச்சனைகளை கையிலெடுத்து வர்றாரு, இடதுசாரிய வலதுசாரிய, பொருளாதார அடிப்படையில் இடவொதுக்கீடா ஜாதியடிப்படையில, தொழிலர நலனா இல்லை உலகமயமாக்கமா, பெண்களுக்கான நிலைப்பாடு முக்கியமா அரசியல் பங்கீடு...இப்போ சமூக நீதி சூறையாடல் தமிழகத்தில் சமூகநீதி பேரில் நடந்திட்டு இருக்கு..அதை தடுக்கபார்ப்பாரா இதெல்லாம் வைத்துதான் ரஜினியை நான் மதிப்பிடுவது மற்றதெல்லாம் சும்மா வெறும் அரசியல் கூச்சல் ...
Vasanth - Chennai,இந்தியா
17-ஏப்-2019 16:05 Report Abuse
Vasanth இப்படித்தான் எல்லா பத்திரிக்கைகளும் முடிந்த பல விஷயங்களை, சம்மந்த பட்டவரே அறியாமல், அவரவர் எண்ணங்களை சம்மந்தபட்டவரின் பெயரில் போட்டுவிடுகின்றன.
Vasanth - Chennai,இந்தியா
18-ஏப்-2019 01:22Report Abuse
Vasanthநேரடி பேட்டியையோ, நேரடி அறிக்கையையோ பார்க்காமல், ஒருவரையே வசைபாடும் கூட்டங்களுக்கு இது புரிய போவதில்லை....
Vasanth - Chennai,இந்தியா
19-ஏப்-2019 01:24Report Abuse
Vasanthதினமலருக்கு நன்றி ?...
Rajathiraja - Coimbatore,இந்தியா
17-ஏப்-2019 15:52 Report Abuse
Rajathiraja எப்ப நதிகளை இணைக்கிறது எப்ப காவிரி பிரச்னை முடிவுக்குவரது இவரு எப்ப கட்சியை ஆரம்பிச்சு போட்டியிடுறது. ரஜினி ரசிகா கட் அவுட் க்கு பாலாபிழேகம் பண்ணி ஏமாந்தது போதும், போய் பேரன் பேத்திகளுக்கு பாலை ஊட்டி நல்ல வளர்கிற வழியை பாருங்கள்.
suseekaran - coimbatore,இந்தியா
17-ஏப்-2019 15:00 Report Abuse
suseekaran என்ன கேள்வி கேட்டாலும் நான் இன்னும் கட்சி ஆரம்பிக்வில்லை என்று சொல்கிறார். பிறகு எதற்கு நதிகள் இணைப்பு குறித்து கருத்து தெரிவிக்கவேண்டும்.
K.Varadharajulu - Chennai,இந்தியா
17-ஏப்-2019 13:24 Report Abuse
K.Varadharajulu இந்த ஆள் ஒரு லூசுங்க இவர் சொல்றதை நல்ல மனநிலையில் உள்ளவன் கேட்க மாட்டான்
மேலும் 42 கருத்துக்கள்...
Login via Dinamalar:
New to Dinamalar ?
(Press Ctrl+g or click this   to toggle between English and Tamil)