கார்த்தியின் பழைய, 'டுவிட்' தி.மு.க., ஓட்டுக்கு வேட்டு

சிவகங்கை லோக்சபா தொகுதி, காங்கிரஸ் வேட்பாளர் கார்த்தி, 'டுவிட்டரில்' போட்ட பழைய, தகவல் ஒன்று, 'வாட்ஸ் ஆப்'பில், இப்போது பரவுவதால், அது, அவருக்கு விழும், தி.மு.க., ஓட்டுகளுக்கு வேட்டு வைக்குமோ என்ற, கேள்வி எழுந்துள்ளது.கார்த்தி, 2014 லோக்சபா தேர்தலில், தி.மு.க., - அ.தி.மு.க., - பா.ஜ.,வை எதிர்த்து, காங்கிரஸ் சார்பில், தனித்து போட்டியிட்டு, டிபாசிட் இழந்தவர். தேர்தலுக்கு முன்னும், பின்னும், திராவிட கட்சிகளை, அதிகம் விமர்சித்து பேசியும், சமூக ஊடகங்களில், எழுதியும் வந்தார். அது அப்போது, தி.மு.க., உடன்பிறப்புகள் மத்தியில், எரிச்சலை ஏற்படுத்தியது.அப்போது கார்த்தி தன், 'டுவிட்டர்' பக்கத்தில் போட்ட பழைய பதிவு ஒன்று, தற்போது வாட்ஸ் ஆப்பில், பரவி வருகிறது. அதில், கருணாநிதி, எம்.ஜி.ஆர்., - ஜெயலலிதா, என்.டி. ராமாராவ் ஆகியோர் படங்களை போட்டு, 'என் தேசத்தில் படித்தால் வேலை தான் கிடைக்காது. ஆனால், நடித்தால் நாடே கிடைக்கும்' என்று, 'மீம்ஸ்' போட்டிருந்தார்.இது, அப்போதே பரபரப்பாக பேசப்பட்டாலும், கூட்டணி இல்லாத நிலையில், திராவிட கட்சிகளை, கார்த்தி தாக்கி பேசி வந்ததால், யாரும் கண்டுகொள்ளவில்லை.இந்நிலையில் சிலர், கார்த்தியின், 'டுவிட்டர்' பக்கத்தில் சென்று, அந்த பழைய மீம்ஸை, 'ஸ்கிரீன் ஷாட்' எடுத்து பரப்பி வருகின்றனர். இதை பார்க்கும், தி.மு.க.,வினர், என்ன தான் இருந்தாலும், கருணாநிதியின் படத்தை, அந்த, 'மீம்ஸில்' போட்டிருக்கக் கூடாது என்று ஆதங்கப்படுகின்றனர். 'தேர்தலுக்கு வேண்டுமானால் கார்த்தி, தி.மு.க., வினரை புகழ்ந்து தள்ளலாம். ஆனால், அவரிடம் எப்போதுமே, தி.மு.க.,வினருக்கான மரியாதையை எதிர்பார்க்க முடியாது' என்கின்றனர், உடன்பிறப்புகள்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)