மோடியின் தலைமை கடவுளின் திட்டம் : சிவசேனா

மும்பை : நாட்டை வலிமைபடுத்துவதற்காக 2வது முறையாக நரேந்திர மோடி பிரதமராக பதவியேற்பது கடவுளின் திட்டம் என சிவசேனாவின் அதிகாரப்பூர்வ நாளிதழான சாம்னா தெரிவித்துள்ளது.


பிரதமர் மோடியை தொடர்ந்து புகழ்ந்து கட்டுரைகள் வெளியிட்டு வரும் சாம்னா, தற்போது வெளியிட்டுள்ள கட்டுரையில் மேற்குவங்க முதல்வர் மம்தா பானர்ஜியை கடுமையாக தாக்கியுள்ளது.


சாம்னா தனது கட்டுரையில், மோடி மீண்டும் ஆட்சிக்கு வந்தால் ஜனநாயகம் பாதிக்கப்படும் என எதிர்க்கட்சிகள் கவலை அடைந்துள்ளன. அவர்களில் முக்கியமானவர் மேற்கு வங்க முதல்வர் மம்தா. பதவியேற்பு விழாவில் பங்கேற்க அனுப்பப்பட்ட அழைப்பை மம்தா நிராகரித்துள்ளார்.


மேற்கு வங்க தேர்தலின் போது ஏற்பட்ட வன்முறையில் உயிரிழந்தவர்களின் குடும்பத்தினரை, பதவியேற்பு விழாவிற்கு அழைத்தது தான் மம்தா, மோடி பதவியேற்பு விழா அழைப்பை புறக்கணித்ததற்கு காரணம். அவர்கள் இந்தியர்கள் தான். வங்கதேசத்தினர் அல்ல. மற்றவர்களை போல் பிரதமரின் பதவியேற்பில் பங்கேற்க அவர்களுக்கும் உரிமை உள்ளது.தேர்தல் வெற்றிக்கு பிறகு எதிர்க்கட்சிகள் பற்றி மோடி எதுவும் பேசவில்லை.


மனிதகுலத்திற்காக கலாசாரத்தின்படி புதிய ஆட்சியை நடத்த மோடி நினைக்கிறார். அதனால் தான் அவரது பதவியேற்பை உலகமே ஆர்வத்துடன் பார்த்துக் கொண்டிருக்கிறது. மோடியின் 2வது திருவிழா இன்று துவங்குகிறது. மக்களின் உணர்வுகளுக்கு எதிராக செயல்பட மோடி விரும்பவில்லை. அதனால் தான் பாக்., பிரதமர் இம்ரான் கானுக்கு அவர் அழைப்பு அனுப்பவில்லை. மோடியின் தலைமையில் நாடு செயல்பட வேண்டும் என்பது கடவுளின் திட்டம் என குறிப்பிட்டுள்ளது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)