தமிழகத்தில், வேட்பு மனு தாக்கல் செய்தவர்கள் எண்ணிக்கை 2,200ஐ தாண்டியது

சென்னை:தமிழகத்தில், வேட்பு மனு தாக்கல் செய்தவர்கள் எண்ணிக்கை, 2,200ஐ தாண்டியது. தமிழக சட்டசபை பொதுத் தேர்தலுக்கான வேட்பு மனு தாக்கல், 12ம் தேதி துவங்கியது. நேற்று முன்தினம் வரை, 1,291 பேர், மனு தாக்கல் செய்திருந்தனர். நேற்று ஏராளமானோர் மனு தாக்கல் செய்தனர். நேற்றைய நிலவரப்படி, 380 பெண்கள் உட்பட, 2,200க்கும் மேற்பட்டோர், மனு தாக்கல் செய்துள்ளனர்.

அதிகபட்சமாக, கரூர் தொகுதியில், 32 சுயேச்சை வேட்பாளர்கள் உட்பட, 40 பேர், மனு தாக்கல் செய்துள்ளனர். நாளையுடன் வேட்பு மனு தாக்கல் நிறைவடைய உள்ளது.பா.ஜ., மாநிலத் தலைவர் முருகன், இன்று தாராபுரம் தொகுதியில், ஊர்வலமாக சென்று, வேட்பு மனு தாக்கல் செய்ய உள்ளார். மத்திய உள்துறை இணை அமைச்சரும், தமிழக பா.ஜ., தேர்தல் பொறுப்பாளருமான கிஷன் ரெட்டி, உடன் செல்ல உள்ளார்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g to toggle between English and Tamil)