காங்., கொடியை எதிர்த்து வழக்கு

புதுடில்லி: தேசியக் கொடியைப் போன்ற கொடி வைத்துள்ள கட்சிகளை ஆய்வு செய்து, நடவடிக்கை எடுக்க, தேர்தல் ஆணையத்துக்கு உத்தரவிடக் கோரி, டில்லி உயர் நீதிமன்றத்தில் வழக்கு தொடரப்பட்டுள்ளது.

பா.ஜ., பிரமுகரும், வழக்கறிஞருமான, அஸ்வினி உபாத்யாய், டில்லி உயர் நீதிமன்றத்தில், பொது நலன் மனு தாக்கல் செய்துள்ளார்; மனுவில் கூறப்பட்டுள்ளதாவது: மதம், இனம் தொடர்பான வாசகங்களை வைத்துள்ள கட்சிகளின் பெயர்களை, தேர்தல் ஆணையம் ஆய்வு செய்ய வேண்டும். அதேபோல், தேசியக் கொடியை போல் தோற்றமளிக்கும் கொடியை வைத்துள்ள கட்சிகளையும் ஆய்வு செய்ய வேண்டும். இவற்றை மாற்றுவதற்கு, அந்தக் கட்சிகளுக்கு மூன்று மாதம் அவகாசம் அளிக்க வேண்டும். அவ்வாறு மாற்றாவிட்டால், அந்தக் கட்சிகளின் அங்கீகாரத்தை ரத்து செய்ய வேண்டும்.

ஹிந்து சேனா, இந்தியன் யூனியன் முஸ்லிம் லீக், ஏ.ஐ.எம்.ஐ.எம்., போன்ற கட்சிகளின் பெயர்களில், மதம் தொடர்பான வார்த்தைகள் இடம்பெற்றுள்ளன. அதேபோல், காங்கிரஸ் கட்சியின் கொடி, நம் தேசியக் கொடியைப் போன்று உள்ளது. இது மக்கள் பிரதிநிதித்துவச் சட்டத்துக்கு எதிரானது. அதனால், கட்சிகளின் பெயர்கள் மற்றும் கொடிகளை ஆய்வு செய்ய, தேர்தல் ஆணையத்துக்கு உத்தரவிட வேண்டும். இவ்வாறு, அந்த மனுவில் கூறப்பட்டுள்ளது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)