நெருக்கடியில் மோடியின் நெருங்கிய அமைச்சர்

புதுடில்லி: கடந்த 2014 ல், உ.பி.,யின் காசிப்பூர் தொகுதியில், மோடி அலை காரணமாக, பா.ஜ., வெற்றி பெற்றது. இந்த முறையும் மோடி மீண்டும் மத்தியில் ஆட்சியை பிடிக்க வேண்டும் என உ.பி., மக்கள் விரும்பினாலும், மோடிக்கு நெருக்கமான மனோஜ் சின்ஹாவுக்கு காசிப்பூரில் வெற்றி எளிதாக இருக்காது எனக்கூறப்படுகிறது.



தொகுதிக்காக நன்கு வேலை செய்த மத்திய அமைச்சர்களில் சின்ஹாவும் ஒருவர். தொகுதியின் வளர்ச்சிக்காக எம்.பி., நிதி, மத்திய, மாநில அரசுகளின் நிதி மூலம் பல திட்டங்களை செயல்படுத்தியதை அவரது எதிரிகளும் கூட ஒப்பு கொள்வார்கள். ஆனால், இதனையும் தாண்டி அவர் பலவீனமான வேட்பாளராக தான் உள்ளார். அவரை எதிர்த்து மஹா கூட்டணி சார்பில் அப்சல் அன்சாரி போட்டியிடுகிறார். ஜாதி அடிப்படையில் அப்சல் அன்சாரி பலமான வேட்பாளராக உள்ளார்.


காசிப்பூர் தொகுதி ஒரு காலத்தில் பூமிஹார்களின் ஆதிக்கம் பெற்ற தொகுதியாக இருந்தது. மனோஜ் சின்ஹாவும் இந்த சமுதாயத்தை சேர்ந்தவர் தான். ஆனால், தொகுதி வரையறைக்கு பின்னர் பெருவாரியான பூமிஹார்கள் பாலியா லோக்சபா தொகுதிக்கு மாறிவிட்டனர். அங்கு 2.5 லட்சம் பூமிஹார் வாக்காளர்கள் உள்ளனர். அவர்கள் ஆதிக்கம் நிறைந்த ரியோதிபூர், சேவ்பூர், ஜமானியா, முகமதாபாத் தற்போது பாலியா தொகுதியில் உள்ளன.

இதனால், தற்போது காசிப்பூரில் 75 ஆயிரம் பூமிஹார் வாக்காளர்களாகவே உள்ளனர். தற்போது யாதவர்கள் ஆதிக்கம் நிறைந்த பகுதியாக காசிப்பூர் மாறியதால், சமாஜ்வாதி இங்கு வலிமையாக உள்ளது. பா.ஜ., மீதான ஓம்பிரகாஷ் ராஜ்பாரின் அதிருப்தியும் சின்ஹாவை கடுமையாக பாதிக்கிறது. அவர் சமுதாயத்தை சேர்ந்த சேர்ந்த 1.5 லட்சம் வாக்காளர்கள் பா.ஜ.,வை விட்டு சென்றுவிட்டனர். பா.ஜ.,விலிருந்து விலகிய ராம்காந்த் யாதவும், இங்கு காங்கிரஸ் சார்பில் போட்டியிட விரும்பினார். அவரை பதோஹி தொகுதியில் காங்கிரஸ் நிறுத்தியுள்ளது. ராம்காந்த் இங்கு போட்டியிட்டிருந்தால், யாதவ ஓட்டு வங்கியில் பிளவு ஏற்பட வாய்ப்பு ஏற்பட்டிருக்கும். இதனால், சின்ஹா கடுமையான போட்டியை சந்திக்க வேண்டியுள்ளது.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)