கோதாவரி - காவிரி நதிநீர் இணைப்பு திட்டம்

சேலம், : ''கோதாவரி - காவிரி நதிநீர் இணைப்பு திட்டம், 60 ஆயிரம் கோடி ரூபாய் செலவில்ஏற்படுத்தப்படும்'' என, மத்திய சாலை போக்குவரத்து நெடுஞ்சாலைத் துறை அமைச்சர் நிதின் கட்கரி, சேலம் பிரசாரத்தில் பேசினார். சேலம், கோட்டை மைதானத்தில், நேற்று, அ.தி.மு.க., சார்பில், தேர்தல் பிரசார பொதுக் கூட்டம் நடந்தது. முதல்வர், இ.பி.எஸ்., மத்திய அமைச்சர் நிதின் கட்கரி, பா.ம.க., நிறுவனர் ராமதாஸ் பங்கேற்றனர். இதில், நிதின் கட்கரி பேசியதாவது: அ.தி.மு.க., கூட்டணி கட்சி கள் சார்பில், போட்டியி டும் வேட்பாளர்களை வெற்றி பெற செய்யுங்கள். அனைத்து திட்டங்க ளையும் கொண்டு வந்து சேர்க்கிறோம்.

ஆந்திரா, கோதாவரி ஆற்றின் குறுக்கே, போலாவரம் அணை கட்டப்பட்டுள்ள நிலையில், ஆண்டுக்கு, 1,100 டி.எம்.சி., நீர், கோதாவரி ஆற்றிலிருந்து வீணாக கடலில் கலக்கிறது.அதை, விவசாயம், குடிநீர் தேவைக்கு பயன் படுத்த, கோதா வரி - காவிரி நதிநீர் இணைப்பு திட்டம், 60 ஆயிரம் கோடி ரூபாய் செலவில் ஏற்படுத்தப்படும். இத்திட்டம் அமலானால், திருவள்ளூர், காஞ்சிபுரம், திருவண்ணாமலை, வேலுார், திருச்சி, தஞ்சாவூர், புதுக்கோட்டை, ராமநாதபுரம், சிவகங்கை, துாத்துக்குடி மாவட்டங்கள் பயனடையும். கால்வாய் திட்டத்துக்கு மாற்றாக, 'பைப்லைன்' மூலம், தமிழகத்துக்கு தண்ணீர் கொண்டு வரப்படும்.

சேலம் - சென்னை எட்டு வழிச்சாலை திட்டத்துக்கு, உயர் நீதிமன்றம் தடை விதித்தது.இத்திட்டத்தில் நிலங்களை வழங்கும் விவசாயிகளுக்கு, சந்தை மதிப்பை விட கூடுதலாக பணம் வழங்கப்படுகிறது. இருந்தபோதும், உரிய நேரத்துக்குள் விவசாயிகளை அழைத்து பேசி, இத்திட்டத்தை கொண்டு வருவோம். அதில், முதல்வர், இ.பி.எஸ்., ஆர்வமாக உள்ளதோடு, தினமும், இது குறித்து என்னிடம் பேசி வருகிறார். திட்டம் உறுதியாக கொண்டு வரப்படும்.இவ்வாறு அவர் பேசினார்.

எட்டு வழிச்சாலை திட்டத்தை எதிர்த்து, பா.ம.க., தரப்பு வழக்கு தொடர்ந்து, தடை வாங்கியுள்ளது. அக்கட்சி தலைவர் ராமதாஸ், நேற்று மேடையில் அமர்ந்திருந்தார். அவர் முன்னிலையிலேயே, அத்திட்டத்தை கொண்டு வருவோம் என, நிதின் கட்கரி பேசியது, ராமதாஸ் உள்ளிட்ட, கூட்டணி கட்சி தலைவர்களுக்கு அதிர்ச்சியை ஏற்படுத்தியது.


மணி - புதுகை,இந்தியா
16-ஏப்-2019 05:56 Report Abuse
மணி அஞ்சு வருசமா இப்ப சொல்றதெயெல்லாம் பண்ணாம என்ன பண்ணிண்டு இருந்தேள்?
மணி - புதுகை,இந்தியா
16-ஏப்-2019 05:55 Report Abuse
மணி எட்டு வழிச்சாலை திட்டத்தை எதிர்த்து, பா.ம.க., தரப்பு வழக்கு தொடர்ந்து, தடை வாங்கியுள்ளது. அக்கட்சி தலைவர் ராமதாஸ், நேற்று மேடையில் அமர்ந்திருந்தார். அவர் முன்னிலையிலேயே, அத்திட்டத்தை கொண்டு வருவோம் என, நிதின் கட்கரி பேசியது, ராமதாஸ் உள்ளிட்ட, கூட்டணி கட்சி தலைவர்களுக்கு அதிர்ச்சியை ஏற்படுத்தியது.
Girija - Chennai,இந்தியா
15-ஏப்-2019 17:08 Report Abuse
Girija ஆக ஆகவே இந்த திட்டத்தை தடுத்து நிறுத்த திராவிட முன்னேற்ற கழகம் எள்ளளவும் தயங்காது என்று பானையில் எழுதி வைத்துக் கொள்ளுங்கள்
Mano - Dammam,சவுதி அரேபியா
15-ஏப்-2019 13:32 Report Abuse
Mano ஒரு நாட்டின் பொருளாதாரத்தின் வளர்ச்சி அதன் உள்கட்டமைப்பை பொறுத்தே இருக்கிறது. மற்ற நாடுகளில் எல்லாம் அதிகமாக மலைகள், வனங்கள், பாலைவனங்கள் பிரதேசம்தான். மக்கள் தொகையும் குறைவு. எனவே அங்கு சாலை அமைப்பது எளிது. எனவே விளைநிலங்களுக்கு அதிகம் பாதிப்பு இல்லாமல் திட்டத்தை நிறைவேற்றவேண்டும். மக்களும் அரசுக்கு ஒத்துழைப்பு அளிக்கவேண்டும்.
KUMAR. S - GUJARAT ,இந்தியா
15-ஏப்-2019 12:08 Report Abuse
KUMAR. S திட்டம் வரவேற்கப்பட வேண்டியது தான். ஆனால் நிறைவேற்றுவார்களா என்பது சந்தேகமே.. இது தேர்தலுக்காக ஏற்படுத்தப்பட்ட கூட்டணி. தேர்தல் முடிந்ததும் எல்லாம் மாறிவிடும். மத்திய அரசு மாநில அரசை குறை சொல்லும். மாநில அரசு மத்திய அரசை குறை சொல்லும். 5 ஆண்டுகளாக ஸ்மார்ட் சிட்டி என்று நாடு முழுக்க தம்பட்டம் அடித்து கொண்டதே பி ஜெ பி அரசாங்கம். எங்கேயாவது ஸ்மார்ட் சிட்டி அமைந்ததா. திட்டம் எந்த நிலையில் உள்ளது. ஒதுக்கப்பட்ட கோடிகள் எங்கே போயின.
ganapati sb - coimbatore,இந்தியா
15-ஏப்-2019 10:38 Report Abuse
ganapati sb மீண்டும் அமையும் மோடி ஆட்சியில் கோதாவரி காவேரி திட்டம் சிறப்பாக செயல்படுத்த படட்டும் தமிழகத்தின் தண்ணீர் பஞ்சம் தீரட்டும்
ஆரூர் ரங் - சென்னை ,இந்தியா
15-ஏப்-2019 09:18 Report Abuse
ஆரூர் ரங் வாக்குவங்கிக்காக பூசிமெழுகாமல் மனதில் பட்ட நியாயமான கருத்தை பேசும் கட்கரியையும் பியூஸ் கோயலையும் பாராட்டியே ஆகவேண்டும் நீட் தேர்வை நீக்கினால் கோடிக்கணக்கில் பணம் கொடுத்து தான் திமுகவினரின் தனியார் மருத்துவக் கல்லூரிகளில் சீட் பெறமுடியும் என்பது படித்த டுமீளர்களுக்கே விளங்கவில்லை நீட்டுக்குமுன் ஆண்டுக்கு சராசரியாக முப்பது அரசுப்பள்ளி மாணவர்களுக்குத்தான் அதாவது மொத்தத்தில் ஒரே ஒரு சதவீதம் மருத்துவ இடங்களே கிடைத்தது உண்மை .அப்போது இவர்கள் ஏன் குரலெழுப்பவில்லை ? இப்போது யாருக்காகப் போராடுகிறார்கள் சொந்தக் கலகக் கட்சி கல்வித்தந்தைகளுக்காகத் தானே?
ஆரூர் ரங் - சென்னை ,இந்தியா
15-ஏப்-2019 09:14 Report Abuse
ஆரூர் ரங் ஒரு சாலைத்திட்டம் இரு நகரங்களை இணைக்கும் திட்டம் மட்டுமல்ல. வழியிலுள்ள தொழில்வளர்ச்சியில் பின்தங்கிய பகுதிகளுக்கும் நல்ல நெடுஞ்சாலை வசதிகளைக்கொடுத்து அங்கு தொழில் வளர்ச்சி ஏற்பட உதவுdhe இன்னும் முக்கியமான குறிக்கோள் இதனைப்புரிந்துகொண்டே ஏற்கனவே இரண்டு சாலைகள் இருக்கின்றபோது எதற்கு இன்னொன்று என்பது ஏதோ உள்நோக்கத்துடன் சொல்வதுதான்.ஒரே ஒரு அங்குல விவசாய நிலமும் பாதிக்காமல் தான் அணைகளைக் கட்டினார்கள? அவ்வணைகளால் எத்தனை தரிசு நிலங்கள் வளமாயின என்றுதான் பார்க்கவேண்டும் .அதுபோலத்தான் தரமான சாலைவசதிகளும் விவசாயத்துக்கு முக்கியம் .இல்லையெனில் விவசாய விளைபொருட்கள் கிடங்குகளுக்கு சரியான நேரத்தில் வேகமாக கொண்டுபோகமுடியாமல் அழுகிவீணாகும் .இதனை எதிர்ப்பவர்கள் சொந்த கிராமத்தில் விளையும் பொருட்களை மட்டும் நுகரலாம். வெளிமாநிலம் .அல்லது அந்நியநாட்டு இறக்குமதி உணவுகளை அடியோடு கைவிடலாம் .
Srinivasan Kannaiya - muscat ,ஓமன்
15-ஏப்-2019 08:34 Report Abuse
Srinivasan Kannaiya தேர்தல் வந்தாலும் வந்தது பீலாவிற்கு ஒன்றும் குறைச்சல் இல்லை
G.Prabakaran - Chennai,இந்தியா
15-ஏப்-2019 05:49 Report Abuse
G.Prabakaran எப்படி கருணாநிதிக்கு சேதுசமுத்திரம் திட்டம் முக்கியமாக பட்டதோ அதுபோல் எடப்பாடிக்கு இந்த எட்டுவழிச்சாலை முக்கியம். முன்பு ஒருமுறை துக்ளக் ஆண்டு விழாவில் சோ ராமசாமி அவர்கள் கருணாநிதி சேதுசமுத்திர திட்டத்தை கைவிடாமற்க்கும் காரணம் அந்த திட்டம் நிறைவேற்ற பல கோடி பணம் ஏற்கனவே வாங்கி விட்டதால் அவர் சேது சமுத்திர திட்டம்நிறைவேற துடிக்கிறார் என சொன்னார் அதே போல் இந்த சேலம் எட்டு வழி சாலை விஷயத்திலும் எடப்பாடி பழனிசாமி பல ஆயிரம் கோடி லஞ்சமாக முன்பணம் பெற்று விட்டாரோ என சந்தேகம் எழுகிறது.
மேலும் 2 கருத்துக்கள்...
Login via Dinamalar:
New to Dinamalar ?
(Press Ctrl+g or click this   to toggle between English and Tamil)