குவாரிகளில் புதைந்த அறிவிப்புகள்!

சுரங்கங்கள் மற்றும் கனிமவளத் துறை என்பது, இந்த ஆட்சி காலத்தில், 'இயற்கை வளங்கள்' துறை என பெயர் மாற்றம் செய்யப்பட்டது. ஆனால், இத்துறை தொடர்பாக, 2021 - 25 ஆண்டுகளில் வெளியிடப்பட்ட பெரும்பாலான அறிவிப்புகள் முறையாக அமலுக்கு வரவில்லை. குறிப்பாக, அரசுக்கு வருவாய் கிடைக்கும் வகையிலான அறிவிப்புகள் தவிர்த்து, அரசு செலவு செய்ய வேண்டிய அறிவிப்புகள் அமலுக்கு வரவில்லை.
இத்துறையில் அமலுக்கு வராத அறிவிப்புகள்:
* தமிழக சிறு கனிம விதிகள் - 1959ஐ மறு ஆய்வு செய்து, தேவையான மாற்றங்களை செய்ய குழு அமைக்கப்படும்
* விழுப்புரம் மாவட்டத்தில், ஒரு புவிசார் பாரம்பரிய இடம், 5 கோடி ரூபாயில் மேம்படுத்தப்படும்
* கனிம வளங்களை ஏலம் விடுவதற்கும், மின்னணு தளத்தை பயன்படுத்த, திட்ட மேலாண்மைப் பிரிவு தனியாக உருவாக்கப்படும்
* மாநில அளவில், கனிமவள ஆய்வு அறக்கட்டளை, 1 கோடி ரூபாயில் அமைக்கப்படும்
* திருவண்ணாமலை, திருநெல்வேலி மாவட்டங்களில் நிலச்சரிவு போன்ற பேரிடர்களை அறிந்துகொள்ள, புவி தொழில்நுட்ப மையங்கள் ஏற்படுத்தப்படும்
* தமிழக கனிம நிறுவனத்தின் வாயிலாக, சுற்றுச்சூழல் சீரமைப்பு திட்டத்தின் ஒரு பகுதியாக, தர்மபுரி மாவட்டம், கடத்துார் காப்புக்காட்டில் நீர்நிலைகள் உருவாக்கப்படும்
* தமிழக மேக்னசைட் நிறுவனத்தில், ஒருங்கிணைந்த வணிக மேலாண்மை மென்பொருள் 75 லட்சம் ரூபாயில் உருவாக்கப்படும்
* தமிழகத்தில் சுரங்கப் பணிகளில், சுற்றுச்சூழல் பாதிப்பு, எரிபொருள் செலவை குறைக்கும் வகையில், 10 கிரானைட் சுரங்கங்கள் மின்மயமாக்கப்படும்
* கரூர், புதுக்கோட்டை, மதுரை மாவட்டங்களில், குவாரி பணிகளில் இருந்து வரலாற்று சின்னங்கள், பழந்தமிழர் கல்வெட்டுகள், சமணப்படுகை, தொல்பொருள் தளங்கள் பாதுகாக்கப்படும்
* சேலம், திருநெல்வேலி, துாத்துக்குடி, பெரம்பலுார் மாவட்டங்களில், ஜிப்சம் கனிம இருப்பு பகுதிகளை கண்டறிய ஆய்வு மேற்கொள்ளப்படும்.