9, 10, 13, 14ல் தமிழகத்தில் மோடி பிரசாரம்

பிரதமர் நரேந்திர மோடி, வரும் 9, 10, 13, 14 ஆகிய தேதிகளில் வேலுார், தென் சென்னை, நீலகிரி உள்ளிட்ட தொகுதிகளில் சூறாவளி பிரசாரம் செய்ய உள்ளார்.

அதன் விபரம்:

வரும் 9ம் தேதி வரும் பிரதமர், மாலை 4:00 மணிக்கு, வேலுாரில் பா.ஜ., கூட்டணி வேட்பாளர் ஏ.சி.சண்முகத்தை ஆதரித்து, 'ரோட் ேஷா' பிரசாரம் செய்கிறார். அப்போது, தர்மபுரி பா.ம.க., வேட்பாளர் சவுமியா, கிருஷ்ணகிரி பாஜ., வேட்பாளர் நரசிம்மன், கள்ளக்குறிச்சி பா.ம.க., வேட்பாளர் தேவதாசை ஆதரித்து பிரசாரம் செய்கிறார்.

இது தவிர, திருவண்ணாமலை பா.ஜ., வேட்பாளர் அஸ்வத்தாமன், ஆரணி பா.ம.க., வேட்பாளர் கணேஷ்குமார், சிதம்பரம் பா.ஜ., வேட்பாளர் கார்த்தியாயினி; கடலுார் பா.ம.க., வேட்பாளர் தங்கர்பச்சானுக்கு ஆதரவாக, பிரதமர் மோடி ஓட்டு சேகரிப்பில் ஈடுபடுகிறார்

மாலை 6:00 மணிக்கு மோடி, தென் சென்னை தொகுதிக்கு உட்பட்ட தி.நகரில் பா.ஜ., வேட்பாளர் தமிழிசைக்கு ஆதரவாக ரோட் ேஷா பிரசாரம் செய்கிறார்; அதில் மத்திய சென்னை பா.ஜ., வேட்பாளர் வினோஜ் செல்வம், வட சென்னை வேட்பாளர் பால்கனகராஜ், திருவள்ளூர் வேட்பாளர் பொன்.பாலகணபதி, ஸ்ரீபெரும்புதுார் த.மா.கா., வேட்பாளர் வேணுகோபால், காஞ்சிபுரம் பா.ம.க., வேட்பாளர் ஜோதி வெங்கடேசன், அரக்கோணம் பா.ம.க., வேட்பாளர் கே.பாலுவுக்கு, மோடி ஓட்டு சேகரிக்கிறார்

10ம் தேதி காலை 11:00 மணிக்கு நீலகிரியில் போட்டியிடும் மத்திய அமைச்சர் முருகனுக்கு ஆதரவாக, அங்கு 'ரோட் ேஷா' வாயிலாக பிரசாரம் செய்கிறார்.

மதியம் கோவையில் நடக்கும் பொதுக்கூட்டத்தில் தமிழக பா.ஜ., தலைவர் அண்ணாமலை உட்பட, பொள்ளாச்சி, திருப்பூர், ஈரோடு, சேலம், நாமக்கலில் போட்டியிடும் பா.ஜ., மற்றும் கூட்டணி கட்சிகளின் வேட்பாளர்களுக்கு ஆதரவாக பிரசாரம் செய்கிறார்

13ம் தேதி காலை 11:00 மணிக்கு பெரம்பலுாரில் நடக்கும் பொதுக்கூட்டத்தில், கூட்டணி கட்சி வேட்பாளரான பாரிவேந்தருக்கு ஆதரவாக பிரசாரம் செய்கிறார்.

அதில், திருச்சி, தஞ்சை, நாகை, மயிலாடுதுறை, விழுப்புரம் தொகுதிகளில் போட்டியிடும் பா.ஜ., மற்றும் கூட்டணி கட்சி வேட்பாளர்களுக்கு ஆதரவாக, மோடி பேசுகிறார்.

14ம் தேதி விருதுநகரில் போட்டியிடும் நடிகை ராதிகாவை ஆதரித்து பிரசாரம் செய்கிறார். அங்கு நடக்கும் பொதுக்கூட்டத்தில் மதுரை, தேனி, திண்டுக்கல், ராமநாதபுரம், சிவகங்கை, கன்னியாகுமரி, துாத்துக்குடி, திருநெல்வேலி, தென்காசி ஆகிய தொகுதிகளில் போட்டியிடும் பா.ஜ., மற்றும் கூட்டணி கட்சி வேட்பாளர்களை ஆதரித்து பேசுகிறார்.