அமித்ஷாவுக்கு நிதி: 65 பேர் பதவியேற்பு?

புதுடில்லி : பிரதமர் நரேந்திர மோடி பாஜக தலைவர் அமித்ஷா மத்திய அமைச்சரவை உறுப்பினர்களை இறுதி செய்ய 5 மணி கூடிப் பேசியுள்ளனர். இதனால், அமித்ஷா நிதியமைச்சர் ஆவார் என்றும், மேலும் அமைச்சரவை குறித்த பல்வேறு தகவல்களும் வெளியாகிய வண்ணம் உள்ளன.

நிதியமைச்சரா ; தலைவரா?



நிதியமைச்சராக இருந்த அருண்ஜெட்லி, உடல் நிலையை காரணம் காட்டி, தனக்கு பதவி வேண்டாம் என்று மோடிக்கு கடிதம் எழுதியுள்ளார். எனவே, அந்த பதவி அமித்ஷாவுக்கே வழங்கப்படலாம் என்று, தகவல்கள் பரவி வருகின்றன. ஆனால், பா.ஜ., நிர்வாகிகள் சிலரோ, அடுத்து விரைவில் மகாராஷ்டிரா, ஜார்கண்ட், ஹரியானா மாநிலங்களின் சட்டமன்ற தேர்தல்கள் வரவுள்ளதால் பாஜவின் ஒருபகுதியினர் அமித் ஷா தலைவராக தேர்தல் பணிகளை ஆற்றவே விரும்புகின்றனர். இந்த மாநிலங்களில் 2020ஆம் ஆண்டு தேர்தல் நடைபெறவுள்ளது. டில்லி மற்றும் பீகாரில் 2021ல் நடைபெறவுள்ளதால், இது முக்கியமான தருணம் என்கின்றனர்.

மூத்த அமைச்சர்கள் :



அமைச்சரவையில் உள்துறை, நிதி, பாதுகாப்பு மற்றும் வெளியுறவுத்துறை அமைச்சர் ஆகிய பதவிகளில் முக்கிய மாற்றங்களை எதிர்பார்க்கலாம். ராஜ்நாத்சிங், நிதின் கட்கரி, பியூஸ் கோயல் மற்றும் நிர்மலா சீத்தாராமன் போன்ற முக்கிய அமைச்சர்களை மாற்ற வாய்ப்பில்லை.

மே.வங்க முக்கியத்துவம் :



அதே நேரத்தில், மேற்கு வங்கம், ஒடிஸா மற்றும் வடகிழக்கு மாநிலங்களிலிருந்து அதிக அமைச்சரவை பிரதிநிதித்துவம் தரப்படும் என்று தெரிகிறது. ஏனெனில், மே.வங்கத்தில் இந்தமுறை பா.ஜ., மம்தாவுடனான கடும் போட்டியில், 18 தொகுதிகளை வென்றுள்ளது. அடுத்த 2021 ல் அம்மாநில சட்டமன்றத்தை கைப்பற்றும் முனைப்பில் உ்ளளது. எனவே, மே.வங்க எம்பிக்கள் பலர் அமைச்சரவையில் இடம் பெறலாம் என்று தெரிகிறது.
பாஜவின் பீகார் மாநில கூட்டணிக்கட்சியான லோக் ஜன்சக்தி கட்சி. அதன் தலைவர் ராம் விலாஸ் பஸ்வான் அந்த கட்சியின் முகமாக பார்க்கப்படுகிறது. அவரின் மகனான சிராக் பஸ்வானுக்கு கேபினெட்டில் இடம் ஒதுக்கப்படும் என்று தெரிகிறது.

65 அமைச்சர்கள் :



நாளை (மே 30) நடைபெற உள்ள பிரதமர் மோடியின் பதவி ஏற்பு விழாவில், அவருடன் இணைந்து 65 அமைச்சர்கள் பதவி ஏற்பார்கள் என்றும் பா.ஜ., வட்டாரங்களில் கூறுகின்றனர்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)