'தி.மு.க., தான் பங்காளி எதிரி': செல்லூர் ராஜு

இவர் பேசினால், காமெடியாகவும் இருக்கும்; சர்ச்சைக்கும் வழிவகுக்கும். அ.தி.மு.க.,வில், முதல்வர் வேட்பாளர் யார் என்ற பிரச்னைக்கு, பிள்ளையார் சுழி போட்டவர். வைகை அணை நீர் ஆவியாதலை தடுக்க, தெர்மோகோல் விட்டு, ஒரே நாளில் இந்தியாவையே தன் பக்கம் திரும்ப வைத்தவர். மதுரை மேற்கு தொகுதியில் களம் இறங்கியுள்ள அமைச்சர் செல்லுார் ராஜு. தேர்தல் களத்திற்காக அளித்த சிறப்பு பேட்டி:

நீங்கள் என்றைக்கோ செய்த அரிய முயற்சி. தெர்மோகோல் விஷயத்தை, இன்றைக்கும் காமெடியாக பேசுகின்றனர். அதை நீங்கள் எப்படி எடுத்துக் கொள்கிறீர்கள்?



இதை நான், 'மோட்டிவ்' ஆக எடுத்துக் கொள்கிறேன். அதை நானாக போய் செய்யவில்லை. வறட்சி குறித்து ஆய்வு செய்யும் போது, அதிகாரிகள் வெளிநாடு, வெளிமாநிலங்களில் நீர் ஆவியாதலை தடுக்கும் திட்டங்கள், வெற்றிகரமாக செயல்பட்டதை கூறினர். அந்த திட்டத்தை, நான் துவங்கி வைக்க வேண்டும் என்றனர். அதனால், துவங்கி வைத்தேன்; அது, காமெடியாகி விட்டது.

காமெடியாக எதையாவது செய்ய வேண்டும் என்பதற்காக, நீங்கள் அப்படி செய்தீர்களா?



நான் அல்ல, எந்த ஒரு அரசியல்வாதியும், தன்னை வைத்து பரிசோதனை செய்யவோ, காமெடி செய்யவோ விரும்ப மாட்டார்கள். வைகை அணைக்கு சென்ற பின், அதிகாரிகளின் இயலாமை, செயல்படுத்திய விதமும் சரியில்லை என்பது தெரிந்தது. இத்திட்டத்தை சிறப்பாக செய்திருந்தால் நன்றாக இருந்திருக்கும்.

மதுரைக்கு என சிறப்பாக எதையும் செய்யாத சூழலில், மீண்டும், மதுரை மேற்கு தொகுதியில் போட்டியிடுகிறீர்கள். வெற்றி வசப்படுமா?



மதுரை மக்களுக்கு தேவையான, பல வளர்ச்சி பணிகளை செய்துள்ளேன்; திட்டங்களை செயல்படுத்தியுள்ளேன். இதனால் தான், மீண்டும் மேற்கு தொகுதியில் போட்டியிடுகிறேன்; வெற்றி வசப்படும்.

சசிகலா சிறையில் இருந்த போது, அவர் தான், அ.தி.மு.க.,வின் பொதுச்செயலர் என, கருத்துச் சொல்லி வந்த நீங்கள், அவர் வெளியே வந்ததும் அமைதியாகி விட்டீர்களே?



நாங்கள் எப்போதும், சசிகலா தான் பொதுச்செயலர் என்று கூறியதில்லை. தலைமைக்கு தான் நாங்கள் கட்டுப்பட்டுள்ளோம். எங்கள் மனதில் பல கருத்துக்கள் இருந்தாலும், தலைமை என்ன சொல்கிறதோ, அதன் அடிப்படையில் செயல்படுகிறோம்.

தென் மாவட்டங்களில் இருக்கும், முக்குலத்தோர் ஓட்டுகள், மொத்தமாக, அ.ம.மு.க.,வுக்கு தான் வரும் என, அக்கட்சியினர் சொல்கின்றனரே?



அது ஒரு மாயை, அ.தி.மு.க.,வுக்கு இருக்கிற ஓட்டு வங்கி எப்போதும், தென் மாவட்டங்களில் குறையாது.

வன்னியர்களுக்கு மட்டும், 10.5 சதவீத உள் ஒதுக்கீடு வழங்கிய தமிழக அரசு, நிறைய ஜாதிகளை உள்ளடக்கிய சீர்மரபினருக்கு, 7 சதவீதம் உள் ஒதுக்கீடு வழங்கியதை, பல ஜாதிகளை சேர்ந்தோர் எதிர்க்கின்றனரே?



இது, அரசின் கொள்கை முடிவு. முதல்வர், துணை முதல்வரிடம் கேட்பது தான் சரியாக இருக்கும்.

கருத்துக் கணிப்புகள் எல்லாம், தி.மு.க.,வுக்கு சாதகமாகவே வருகிறதே?



கருத்து கணிப்புகள், பல தேர்தல்களில் பொய்யாகி இருக்கின்றன; பெரும்பாலும், அது கருத்து திணிப்பு தான்.

மதுரை விமான நிலையத்துக்கு, முத்துராமலிங்க தேவர் பெயர் சூட்ட நடவடிக்கை எடுக்கப்படும் என, அ.தி.மு.க., தேர்தல் அறிக்கையில் சொல்லப்பட்டிருக்கிறது. நான்காண்டு காலம் என்ன செய்தீர்கள் என, எதிர்தரப்பினர் கேட்கின்றனரே?



எங்கள் கோரிக்கையால் தான், சென்னை சென்ட்ரல் ரயில்வே ஸ்டேஷனுக்கு, எம்.ஜி.ஆர்., பெயர் சூட்டப்பட்டது. அதுபோல, மதுரை விமான நிலையத்திற்கும், பசும்பொன் முத்துராமலிங்க தேவர் பெயரை சூட்ட, மத்திய அரசை வலியுறுத்துவோம்.

அ.தி.மு.க., தேர்தல் அறிக்கையில் சொல்லப்பட்டிருக்கும் இலவசங்கள், திட்டங்களை எல்லாம் செயல்படுத்த துவங்கினால், தமிழகத்தின் கடன் சுமை, இருப்பதை காட்டிலும் பல மடங்கு அதிகமாகி, தமிழகம் போண்டியாகும் என்கிறார்களே நிதித்துறை வல்லுனர்கள்?



வருவாயை பெருக்குவதற்கான திட்டங்களை ஆராயாமல், இலவசங்கள், திட்டங்களை நாங்கள் அறிவிப்பதில்லை. குறிப்பிட்ட குறியீட்டிற்குள் தான், மாநில அரசு கடன் பெற முடியும். அதன்படி கடன் பெற்று, மக்களுக்கு நலத்திட்டங்களை கொடுத்து வருகிறோம்.

தற்போதைய அமைச்சர்கள் மீதான ஊழல் குற்றச்சாட்டுகள் குறித்து, வழக்குப் போட்டு விசாரணை நடத்த தனி நீதிமன்றங்கள் அமைக்கப்படும் என, ஸ்டாலின் சொல்லியிருக்கிறாரே?



அத்தைக்கு மீசை முளைத்து சித்தப்பாவாகட்டும் பார்ப்போம்.

குடியுரிமை திருத்தச் சட்டத்தை பார்லிமென்டில் ஆதரித்து விட்டு, அதை எதிர்ப்பது போல, இப்போது, அ.தி.மு.க., தரப்பில் சொல்வதை, சிறுபான்மையின மக்கள் ஏற்பரா?



சிறுபான்மையின மக்களுக்கு, எப்போதும் நாங்கள் துணை நிற்பவர்கள். அவர்களுக்காக, பல்வேறு திட்டங்களை செயல்படுத்தி உள்ளோம்.

எதிர்க்கட்சிகள் இவ்விஷயத்தில் அரசியல் செய்கின்றன. தி.மு.க., ஆட்சிக்கு வந்தால், நில அபகரிப்பு, ரவுடியிசம் தலைதுாக்கும் என, முதல்வர் தேர்தல் பிரசாரத்தில் சொல்கிறாரே?



நுாற்றுக்கு நுாறு உண்மை. அரிப்பெடுத்தவன் கை சும்மா இருக்காது. இப்பவே ஓசி பிரியாணி, புரோட்டா கடையில் பாக்சிங், அழகுநிலைய கடைகளில் மாமூல் என, தி.மு.க.,வினர் அத்துமீறுகிறார்கள்.

இலவச வாஷிங் மெஷின், ஏற்கனவே கொடுக்கப்பட்ட இலவசங்கள் போலவே, செயல்படாத ஒன்றாக இருக்கும் என, இப்போதே விரக்தி தென்படுகிறதே?



ஐ.எஸ்.ஐ., தரமுத்திரையுடன் வழங்கப்பட்ட பொருட்கள், இன்னும் பெரும்பாலான வீடுகளில் பயன்பாட்டில் இருப்பதை மறுக்க முடியாது.

வேலைவாய்ப்புக்கான தொழில் கட்டமைப்புகளை உருவாக்காமல், வீட்டுக்கு ஒருவருக்கு அரசு வேலை என்றால், அது சாத்தியப்படுமா?



சாத்தியமில்லாதது எதுவுமில்லை.

ஸ்டாலின் திடீர் ஹிந்து மத ஆதரவாளர் போல காட்டிக்கொள்கிறாரே?



அவர் வெளிவேஷம் போடுகிறார்; தேர்தலுக்காக வேல் துாக்கியிருக்கிறார். சிறுபான்மையினர் நிகழ்ச்சிகளில், ஹிந்து மத சடங்குகளை கேலி செய்கிறார். எங்களை பொறுத்தவரை, தி.மு.க., தான் பங்காளி எதிரி. எங்களுக்கும், அவர்களுக்கும் இருப்பது பங்காளி சண்டை. எம்.ஜி.ஆருக்கும், ஜெயலலிதாவுக்கும், அவர்கள் செய்த துரோகத்திற்காகவே, அவர்களை எதிர்த்து வருகிறோம். தி.மு.க.,வின் கொள்கை, நடவடிக்கைகள் தான் எங்கள் எதிரி. இவ்வாறு அவர் கூறினார்.


Malick Raja - jeddah,சவுதி அரேபியா
20-மார்-2021 12:42 Report Abuse
Malick Raja திமுக ஆட்சி அமைப்பது உறுதி என்பது செல்லூர் ராஜு அவர்களுக்கு மட்டுமல்ல அணைத்து அதிமுகவினருக்கும் தெரியும் . இருந்தாலும் போட்டி போட்டே ஆகவேண்டும் என்ற நிர்பந்தத்தில் களம் காண்கிறார்கள் .. அமைச்சர்களில் பெரும்பாலோர் தோல்வியை தழுவுவது உறுதி இதற்கெல்லாம் காரணங்கள் பல இருக்கலாம் .. அதில் முக்கியமானது மிக அருகாமையில் கண்டது .. தமிழகத்தில் வங்கிகளுக்கு 1500 பேர் தேர்வாகியிருக்கிறார்கள் ஒரு தமிழன் இல்லை .. தகவல் தொழில் நுட்பத்தில் 2500 பேர் தேர்வு செய்து ஒரு தமிழன் இல்லை .. ஆக தமிழக பணிகளில் இனி தமிழனை காணவே முடியாது என்ற நிலைக்கு மக்கள் வாக்களிக்க வாய்ப்பில்லை .. இனி இந்த ஆட்சி ஒரு முறை வருவதற்கும் 100 முறைவருவதற்கும் வித்தியாசம் இல்லாமல் அடுத்த ஐந்தாண்டுகளில் மத்திய மாநில பணிகள் அனைத்திலும் தமிழர்கள் அல்லாதோர் பணியமர்த்தப்பட்டுவிடுவர் .. தமிழக இளைஞர்கள் தமிழர்களுக்கு குச்சி ஐஸ் கையில் கொடுத்துவிடுவார்கள் .. தமிழர்கள் வாக்கு தமிழர்களுக்கு மட்டுமே .. எடுபிடிக்கு இல்லை , மேலே மோடி கீழே பாடி .. என்னங்கடா இது .. தமிழ் நாட்டில் இந்நிலை தொடராமல் இருக்க அணைத்து தொகுதிகளிலும் திமுக கூட்டணி வெற்றி பெறுவது காலத்தின் கட்டாயம் .. தமிழர்கள் உணர்வதும் அதுவல்லாதோர் இதை கருதாமல் இருப்பதும் இயல்பாக இருக்கும்
முடியட்டும் விடியட்டும் :: தமிழன் - செந்தமிழ்நாடு ,இந்தியா
20-மார்-2021 12:36 Report Abuse
முடியட்டும் விடியட்டும் ::  தமிழன் எட்டு வழிச்சாலை வந்தே தீரும். ஸ்டெர்லைட் திறந்தே தீருவோம்.... நீட் நடந்தே தீரும்.கரூர் அன்புநாதன், சேகர் ரெட்டி, ராம மோகன் ராவ், குட்கா பலவேறு ரைடுகள் நடத்தி,என்ன கண்டுப்பிடிக்கப்பட்டது. என்ன மேல் நடவடிக்கை?? தமிழகத்தில் ரயில்வே,தபால்துறை என எல்லா துறைகளிலும் 90% வட இந்தியர்களை வேலைக்கு அமர்த்திய மோடியையும் அதை பார்த்து க்கொண்டிருக்கு எடப்பாடியையும்,ஆட்சியை விட்டு அகற்றுவோம்
20-மார்-2021 09:13 Report Abuse
Boopathi Subramanian பரம எதிரி மக்களுக்கு
லிங்கம், சென்னை அதான் தெரியுமே....நீங்க எதுலேயுமே பங்காளிங்கதான்...!!!
Svs Yaadum oore - chennai,இந்தியா
20-மார்-2021 08:26 Report Abuse
Svs Yaadum oore தி மு க பங்காளி இல்லை ....அவன் பங்காளியே கிடையாது ...அம்மா மட்டும் இருந்து இதை கேள்விப்பட்டால் இவரை லாடம் கட்டியிருப்பாங்க ..இவர் எப்பவும் விபரம் புரியாம பேசுவார் ..தி மு க என்பது ஜென்ம விரோதி ...சமூக விரோத சக்தி ...அது ஒழிந்தால்தான் மக்கள் நிம்மதியாக வாழ முடியும் .....
Login via Dinamalar:
New to Dinamalar ?
(Press Ctrl+g to toggle between English and Tamil)