அருணாச்சல பிரதேசத்தில் 41ல் பா.ஜ., வென்றது

இடாநகர், வட கிழக்கு மாநிலங்களில் ஒன்றான, அருணாச்சல பிரதேசத்தில், மொத்த முள்ள, 60 சட்டசபை தொகுதிகளில், ஆளும், பா.ஜ., 41 தொகுதிகளில் வென்றுள்ளது.அருணாச்சல பிரதேசத்தில், முதல்வர் பெமா காண்டு தலைமையிலான, பா.ஜ., அரசு அமைந்துஉள்ளது. இங்கே, கடந்த, 2014ல் நடந்த சட்டசபை தேர்தலில், காங்., - - 42; பா.ஜ., - 11; பி.பி.ஏ., எனப்படும் அருணாச்சல் மக்கள் கட்சி, 5; சுயேச்சை - 2 தொகுதிகளில் வென்றனர்.பெமா காண்டு தலைமையிலான, காங்., அதிருப்தியாளர்கள் முதலில், பி.பி.ஏ., கட்சியிலும்; அதைத் தொடர்ந்து, பா.ஜ.,விலும் இணைந்தனர்.தற்போது, லோக்சபா தேர்தலுடன் நடந்த சட்டசபை தேர்தலில், மூன்று தொகுதிகளில், பா.ஜ., வேட்பாளர்கள் போட்டியின்றி வென்றனர். மீதமுள்ள, 57 தொகுதிகளுக்கு நடந்த தேர்தலில் 54 தொகுதிகளுக்கான முடிவுகள், ஓட்டு எண்ணிக்கை நாளான, 23ம் தேதியே வெளியாகின.மூன்று தொகுதிகளுக்கான ஓட்டு எண்ணிக்கை, நேற்று முன்தினம் தொடர்ந்து நடந்தது. ஆனால், தேர்தல் முடிவு களை அறிவிக்காமல், தேர்தல் அதிகாரிகள் சென்று விட்டனர்.நேற்று காலையில் மீண்டும் ஓட்டு எண்ணிக்கை தொடர்ந்தது. அதன்பின், மூன்று தொகுதிகளுக்கான முடிவுகள் அறிவிக்கப்பட்டன.தபோரிஜோ மற்றும் தம்போரிஜோ தொகுதிகளில், பா.ஜ., மற்றும் ராகா தொகுதியில் தேசிய மக்கள் கட்சி வென்றது.இதன் மூலம், மொத்தமுள்ள, 60 தொகுதிகளில், பா.ஜ., - 41ல் வெற்றி பெற்றுள்ளது. ஐக்கிய ஜனதா தளம் - 7; தேசிய மக்கள் கட்சி - 5; காங்., - 4; அருணாச்சல் மக்கள் கட்சி - 1; சுயேச்சை - 2 தொகுதி களில் வென்றனர்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)