டிரம்ப், ராகுலுக்கு பிரதமர் மோடி நன்றி

புதுடில்லி: லோக்சபா தேர்தலில் பெற்ற வெற்றிக்கு வாழ்த்து தெரிவித்த, அமெரிக்க அதிபர் டிரம்ப் மற்றும் காங்., தலைவர் ராகுலுக்கு பிரதமர் மோடி நன்றி தெரிவித்துள்ளார்.

லோக்சபா தேர்தலில் தனிப்பெரும்பான்மையுடன் அமோக வெற்றி பெற்று, மீண்டும் பிரதமராக உள்ள மோடிக்கு அமெரிக்க அதிபர் டிரம்ப், காங்., தலைவர் ராகுல் வாழ்த்து தெரிவித்தனர்.

நல்லுறவு தொடரும்:



இதுகுறித்து டிரம்ப், தனது டுவிட்டரில் பதிவிட்டதாவது: லோக்சபா தேர்தலில் மிகப்பெரும் வெற்றி பெற்ற பிரதமர் மோடிக்கும், பா.ஜ.,வுக்கும் வாழ்த்துக்கள். இந்தியாவுக்கான அமெரிக்காவின் பங்களிப்பு தொடரும். இவ்வாறு பதிவிட்டுள்ளார்.

அவருக்கு நன்றி தெரிவித்துள்ள பிரதமர் மோடி, தனது டுவிட்டரில் பதிவிட்டதாவது: தங்களது வாழ்த்துக்கு நன்றி டிரம்ப். இந்த வெற்றி 1.3 பில்லியன் இந்திய மக்கள் எனக்கு அளித்தது. அமெரிக்காவுடனான இந்தியாவின் நல்லுறவு தொடரும். இவ்வாறு அவர் பதிவிட்டுள்ளார்.

ராகுலுக்கு நன்றி:



பிரதமர் மோடிக்கு வாழ்த்து தெரிவித்துள்ள காங்., தலைவர் ராகுல் டுவிட்டரில் பதிவிட்டதாவது: இந்திய மக்கள் அளித்த தீர்ப்பை ஏற்றுக் கொள்கிறேன். வெற்றி பெற்ற மோடி மற்றும் பா.ஜ.,வுக்கு எனது வாழ்த்துக்கள் என பதிவிட்டார்.

ராகுலுக்கு நன்றி தெரிவித்துள்ள பிரதமர் மோடி டுவிட்டரில், 'நல்வாழ்த்துக்களை தெரிவித்த ராகுலுக்கு எனது நன்றி' என பதிவிட்டுள்ளார்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)