நான் யாருக்கு விரோதி என மக்களுக்கு தெரியும்

திருப்பரங்குன்றம்,:''ஹிந்து விரோதி என கூறி விளையாட்டு காட்டாதீர். நான் யாருக்கு விரோதி என மக்களுக்கு தெரியும்.'', மதுரை மாவட்டம் திருப்பரங்குன்றத்தில் நடந்த பிரசார கூட்டத்தில் மக்கள் நீதி மய்யம் கட்சி தலைவர் கமல் பேசினார்.திருப்பரங்குன்றம் தொகுதி வேட்பாளர் சக்தி வேலை ஆதரித்து கமல் தோப்பூர், மேல அனுப்பானடி, வில்லாபுரத்தில் பிரசாரம் செய்தார். பின் திருப்பரங்குன்றம் பிரசார கூட்டத்தில் அவர் பேசியதாவது: இந்த கூட்டத்தை பார்த்து பொய்யாக கட்சி வளர்ப்பவர்களுக்கு வயிறு எரியும். எங்கள் கூட்டத்திற்கு தாய்மார்கள் குழந்தைகளுடன் வருகிறார்கள். கூட்டம் முடிந்த பின் தொண்டர்கள் குப்பைகளை அகற்றுகிறார்கள். இது போல அரசியலிலும் குப்பைகளை அகற்றுவோம்.ஹிந்து விரோதி என்று கூறி விளையாட்டு காட்டாதீர். நான் யாருக்கு விரோதி என மக்களுக்கு தெரியும். காந்தியாக மாற நினைப்பவர்களில் நானும் ஒருவன். எனக்கு தேச பக்தி கற்றுத்தர உங்களுக்கு தகுதி இல்லை. 1967ல் காலத்தின் காட்டாயத்தால் இரு கட்சிகளை கொண்டு வந்தோம். தற்போது அதை அகற்றும் நிலையில் உள்ளோம். மக்களிடம் இருந்து என்னை பிரிக்க நினைத்தால் மரியாதை கெட்டு விடும். '' என்றார்.

கூட்டத்தில் செருப்பு வீச்சு



திருப்பரங்குன்றம் பிரசார கூட்டத்தில் கமல் பேசுகையில் மேடை அருகே இருந்த தெருவுக்குள் இருந்து அனுமன் சேனா அமைப்பை சேர்ந்த 11 பேர் 'பாரத் மாதா கீ ஜே' என கோஷமிட்டபடி வந்தனர். அதில், ஒருவர் கமலை நோக்கி செருப்பை வீசினார். ஆனால் அது கூட்டத்திற்குள் விழுந்தது. போலீசார் அவர்களை அழைத்துச் சென்று விசாரித்தனர்.



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)