மத்திய பெண் அமைச்சர் கவுர் தொகுதிக்குள் நுழைய முடியலை

வரும், 19ல் தேர்தலை சந்திக்கும், பஞ்சாபின், 13 தொகுதிகளில், பதின்டாவில் போட்டியிடும், மத்திய பெண் அமைச்சர், ஹர்சிம்ரத் கவுர் பாதல், கடும் எதிர்ப்பை சந்தித்து வருகிறார்.



இந்த தொகுதியின், தற்போதைய, எம்.பி.,யான இவர் மீது, தொகுதிக்கு திட்டங்கள் எதையும் செய்யவில்லை என்ற அதிருப்தி பலமாக
நிலவுகிறது. இதனால், பிரசாரத்திற்கு செல்லும் அவருக்கு, பலத்த எதிர்ப்பு காணப்படுகிறது.சில நாட்களுக்கு முன், பதின்டா கிராம பகுதிகளில் அவரை நுழைய விடாமல், காங்கிரசார் ரகளையில்ஈடுபட்டனர்.இதனால், அவரால் தொடர்ந்து செல்ல முடியவில்லை; வீட்டுக்கு திரும்பி விட்டார்.கடும் கோபமடைந்த அவர், மாநில, காங்., முதல்வர், அமரீந்தர் சிங்கையும், காங்கிரசாரையும், கடுமையாக சாடினார்.



'தொகுதிக்கு பிரசாரத்திற்கு செல்ல விடாமல் தடுக்கும் அளவுக்கு, காங்கிரசார் அத்துமீறிநடந்து கொள்கின்றனர். அவர்கள் மீது நடவடிக்கை எடுக்க, போலீசார் தயங்குகின்றனர்' என்றார்.இந்த முறை தான் அவர், தன் குடும்ப கட்சியான, சிரோன்மணி அகாலி தளம் ஆட்சியில் இல்லாத காலத்தில், தேர்தலில் போட்டியிடுகிறார் என்பது
குறிப்பிடத்தக்கது. இவரின் மாமனார், சிரோன்மணி அகாலி தளத்தின் தலைவரும், முன்னாள் முதல்வருமான, பிரகாஷ் சிங் பாதல். கணவர், முன்னாள் துணை முதல்வர், சுக்பிர் சிங் பாதல்.
- எஸ்.சர்மா
-சிறப்பு செய்தியாளர்



வாசகர் கருத்து

முதல் நபராக கருத்து தெரிவியுங்கள்!
Login via Dinamalar:
New to Dinamalar ?
(Press Ctrl+g or click this   to toggle between English and Tamil)